ਅੱਜ ਪੰਜਾਬ ਸਰਕਾਰ ਵਲੋ ਲਗਾਏ ਸਰਕਾਰ ਤੁਹਾਡੇ ਦੁਆਰ ਅਧੀਨ ਜਨਤਾ ਦਰਬਾਰ ਚ ਸ਼ਹੀਦ ਊਧਮ ਸਿੰਘ ਭਵਨ ਦੇ ਰਿਫੰਡ ਦਾ ਗੰਭੀਰ ਮਸਲਾ ਹਲਕਾ ਐਮ ਐਲ ਏ ਕੁਲਵੰਤ ਸਿੰਘ ਰਾਹੀ ਸੀ ਏ ਗਮਾਡਾ ਪਾਸ ਚੁੱਕਿਆ। ਦੇਸ਼ ਦੀ ਆਜਾਦੀ ਲਈ ਆਪਣੀ ਜਾਣ ਕੁਰਬਾਨ ਕਰਨ ਵਾਲੇ ਸ਼ਹੀਦ ਊਧਮ ਸਿੰਘ ਜੀ ਦੀ ਯਾਦਗਾਰ ਪਲਾਂਟ ਨੰਬਰ 1 & 2 ਫੇਸ 3 ਏ ਮੋਹਾਲੀ ਜੋ ਕਿ ਪੰਜਾਬ ਸਰਕਾਰ ਵਲੋ ਅਲਾਟ 1998 ਚ ਕੀਤਾ ਗਿਆ ਸੀ। ਉਸ ਤੋ ਬਾਅਦ 25% ਰਕਮ ਭਰਾ ਕੇ ਉਸਾਰੀ ਸੁਰੂ ਕੀਤੀ ਗਈ। ਬਾਅਦ ਚ 2002 ਚ ਉਸ ਸਮੇ ਦੇ ਮੁੱਖ ਮੰਤਰੀ (ਚੇਅਰਮੇਨ ਪੁੱਡਾ) ਵਲੋ ਇਸ ਪਲਾਂਟ ਦੀ ਅਲਾਟਮੈਂਟ ਰੇਟ 1540 ਰੁਪਏ ਪ੍ਰਤੀ ਵਰਗ ਗੱਜ ਤੋ ਘੱਟਾ ਕੇ 540 ਰੁਪਏ ਪ੍ਰਤੀ ਵਰਗ ਗੱਜ ਕਰ ਦਿੱਤਾ ਗਿਆ। ਜੋ ਸਾਰੇ ਉਚ ਅਧਿਕਾਰੀਆਂ ਦੇ ਦਸਤਖਤ ਤੋ ਬਾਅਦ ਕੈਬਨਿਟ ਪੰਜਾਬ ਤੋ ਪਾਸ ਹੋਣਾ ਸੀ ਪਰ ਅਫ਼ਸੋਸ ਅੱਜ ਤੱਕ ਇਸ ਗੰਭੀਰ ਸ਼ਹੀਦ ਨਾਲ ਸਬੰਧਤ ਮਸਲੇ ਨੂੰ ਕੈਬਨਿਟ ਚ ਵਿਚਾਰਨ ਲਈ ਨਹੀ ਭੇਜਿਆ ਗਿਆ। ਇਸ ਮਸਲੇ ਨੂੰ ਪੰਜਾਬ ਸਰਕਾਰ ਦੀ ਕੈਬਨਿਟ ਚ ਵਿਚਾਰਨ ਲਈ ਭੇਜੀਆ ਜਾਵੇ ਤਾ ਜੋ ਸੰਸਥਾ ਦਾ ਵੱਧ ਦਿੱਤਾ ਰਿਫੰਡ ਵਾਪਸ ਮਿਲ ਸਕੇ ਮੰਗ ਸਬੰਧੀ ਮੈਮੋਰੰਡਮ ਦਿੱਤਾ ਗਿਆ।