ਮਾਜਰੀ : ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਲੱਗੇ ਕੌਮੀ ਇਨਸਾਫ਼ ਮੋਰਚੇ ਲਈ ਲੋਕ ਹਿੱਤ ਮਿਸ਼ਨ ਵੱਲੋਂ ਗੁਰਦੁਆਰਾ ਗੜ੍ਹੀ ਭੌਰਖਾ ਸਾਹਿਬ ਬਲਾਕ ਤੋਂ ਪਿੰਡ ਮਹਿਰੌਲੀ ਦਾ ਜੱਥਾ ਰਵਾਨਾ ਕੀਤਾ ਗਿਆ। ਇਸ ਸਬੰਧੀ ਮਿਸ਼ਨ ਆਗੂ ਸੁੱਖਦੇਵ ਸਿੰਘ ਸੁੱਖਾ ਕੰਨਸਾਲਾ, ਗੁਰਮੀਤ ਸਿੰਘ ਸਾਂਟੂ ਤੇ ਰਵਿੰਦਰ ਸਿੰਘ ਵਜੀਦਪੁਰ ਨੇ ਦੱਸਿਆ ਕਿ ਮਿਸ਼ਨ ਵੱਲੋਂ ਜੱਥੇ ਭੇਜਣ ਦੀ ਲਗਾਤਾਰ ਜਾਰੀ ਲੜੀ ਤਹਿਤ ਪਿੰਡ ਮਹਿਰੌਲੀ ਤੋਂ ਸ. ਹਰਪਾਲ ਸਿੰਘ ਦੀ ਅਗਵਾਈ `ਚ ਜੱਥਾ ਰਵਾਨਾ ਕੀਤਾ ਗਿਆ। ਹਰਪਾਲ ਸਿੰਘ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿੰਡ ਤੋਂ ਪੰਦਰਾਂ ਦਿਨਾਂ ਬਾਅਦ ਜੱਥਾ ਮੋਰਚੇ ਤੇ ਪੁੱਜਦਾ ਹੈ ਜਿੱਥੇ ਓਹ ਰਾਤ ਠਹਿਰਨ ਉਪਰੰਤ ਦੋ ਦਿਨ ਹਾਜ਼ਰੀ ਭਰਕੇ ਵਾਪਿਸ ਆਉਂਦਾ ਹੈ। ਪ੍ਰਬੰਧਕਾਂ ਨੇ ਇਸ ਪਿੰਡ ਦੀਆਂ ਸੰਗਤਾਂ ਦਾ ਧੰਨਵਾਦ ਕਰਦਿਆਂ ਹੋਰ ਇਲਾਕਾ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਜਿਨ੍ਹਾਂ ਸਾਡੇ ਲਈ ਜੇਲ੍ਹਾਂ `ਚ ਹੀ ਉਮਰਾਂ ਬੀਤਾ ਦਿੱਤੀਆ, ਉਨ੍ਹਾਂ ਦੇ ਇਨਸਾਫ਼ ਲਈ ਮੋਰਚੇ `ਚ ਜ਼ਰੂਰ ਹਾਜ਼ਰੀਆਂ ਭਰੀਆ ਜਾਣ। ਇਸ ਮੌਕੇ ਦਰਸ਼ਨ ਸਿੰਘ , ਗੁਰਸੇਵਕ ਸਿੰਘ, ਗੁਰਦਾਸ ਸਿੰਘ , ਕਰਮ ਸਿੰਘ ਤੇ ਮਲਕੀਤ ਸਿੰਘ ਆਦਿ ਮੋਹਤਬਰ ਵਸਨੀਕ ਵੀ ਜੱਥੇ `ਚ ਸ਼ਾਮਿਲ ਸਨ।