ਪਟਿਆਲਾ- ਸ੍ਰੀ ਬਾਬਾ ਰਾਮ ਦੇਵ ਜੀ ਨਗਰ ਸਭਾ ਦੇ ਨਵ-ਨਿਯੁਕਤ ਪ੍ਰਧਾਨ ਰਾਕੇਸ਼ ਕੁਮਾਰ ਨੂੰ ਵਧਾਈਆਂ ਦੇਣ ਲਈ ਵਿਧਾਇਕ ਅਜੀਤਪਾਲ ਸਿੰਘ ਕੋਹਲੀ ਵਿਸ਼ੇਸ਼ ਤੌਰ ’ਤੇ ਪਹੁੰਚੇ। ਇਸ ਦੌਰਾਨ ਉਨ੍ਹਾਂ ਨੇ ਨਵ-ਨਿਯੁਕਤ ਪ੍ਰਧਾਨ ਦਾ ਸਨਮਾਨ ਕੀਤਾ ਅਤੇ ਉਨ੍ਹਾਂ ਨੂੰ ਵਧਾਈ ਦਿੰਦਿਆਂ ਆਪਣੇ ਸਮਾਜ ਲਈ ਇੱਕ ਚੰਗਾ ਅਤੇ ਨੌਜਵਾਨ ਪੀੜ੍ਹੀ ਨੂੰ ਸੇਧ ਵਾਲਾ ਕੰਮ ਕਰਨ ਲਈ ਪ੍ਰੇਰਿਆ।
ਇਸ ਮੌਕੇ ਵਿਧਾਇਕ ਕੋਹਲੀ ਨੇ ਕਿਹਾ ਕਿ ਰਾਕੇਸ਼ ਕੁਮਾਰ ਦੇ ਪ੍ਰਧਾਨ ਬਣਨ ਨਾਲ ਸਮੁੱਚੇ ਸਮਾਜ ਨੂੰ ਲਾਭ ਹੋਵੇਗਾ, ਕਿਉਂਕਿ ਇਹ ਆਮ ਲੋਕਾਂ ਦੇ ਲੋਕ ਭਲਾਈ ਕੰਮ ਖ਼ੁਦ ਨਾਲ ਜਾ ਕੇ ਕਰਵਾਉਂਦੇ ਰਹੇ ਹਨ ਅਤੇ ਹੁਣ ਵੀ ਲੋਕਾਂ ਖ਼ਾਸ ਕਰ ਆਪਣੇ ਸਮਾਜ ਦੀ ਸੇਵਾ ਵੱਧ ਚੜ੍ਹਕੇ ਕਰਨਗੇ। ਉਨ੍ਹਾਂ ਦੇ ਪ੍ਰਧਾਨ ਬਣਨ ਨਾਲ ਸਮੁੱਚਾ ਜੀਨਗਰ ਸਮਾਜ ਬਹੁਤ ਤਰੱਕੀ ਕਰੇਗਾ ਅਤੇ ਇਲਾਕੇ ਦਾ ਵਿਕਾਸ ਵੱਧ ਚੜ੍ਹ ਕੇ ਹੋਵੇਗਾ।
ਇਸ ਮੌਕੇ ਸੰਨੀ ਢਾਬੀ, ਕਿਸ਼ਨ ਕੁਮਾਰ ਬੰਟੂ, ਵਿਸ਼ਾਲ ਕੁਮਾਰ, ਵਿੱਕੀ ਖੱਤਰੀ, ਦਵਾਰਕਾ ਦਾਸ, ਸੁਰੇਸ਼ ਕੁਮਾਰ, ਮੰਗਤ ਰਾਮ, ਸ਼ਾਮ ਲਾਲ, ਰਮੇਸ਼ ਕੁਮਾਰ, ਉਦੈ ਰਾਜ, ਬੋਧ ਰਾਮ ਅਤੇ ਜੀਨਗਰ ਸਮਾਜ ਦੇ ਵੱਡੀ ਗਿਣਤੀ ’ਚ ਪਤਵੰਤੇ ਮੌਜੂਦ ਸਨ।