ਕੁਰਾਲੀ : ਇੱਥੋ ਨੇੜਲੇ ਇਤਿਹਾਸਿਕ ਕਸਬੇ ਖਿਜਰਾਬਾਦ ਵਿਖੇ ਸਦੀਆਂ ਤੋਂ ਕਰਵਾਇਆ ਜਾਂਦਾ ਦੋ ਰੋਜਾ ਪ੍ਰਾਚੀਨ ਛਿੰਝ ਮੇਲਾ 16 ਅਤੇ 17 ਸਤੰਬਰ ਨੂੰ ਕਰਵਾਇਆ ਜਾ ਰਿਹਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਛਿੰਝ ਕਮੇਟੀ ਦੇ ਪ੍ਰਧਾਨ ਸਤਨਾਮ ਸਿੰਘ ਸੱਤਾ, ਮਨਦੀਪ ਸਿੰਘ ਅਤੇ ਹੋਰਨਾਂ ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਛਿੰਝ ਮੇਲੇ ਦੌਰਾਨ ਭੁਪਿੰਦਰ ਅਜਨਾਲਾ, ਪ੍ਰਿਥਵੀ ਰਾਜ ਪਾਟਿਲ ਮਹਾਂਰਾਸ਼ਟਰ, ਧਰਮਿੰਦਰ ਕੋਹਾਲੀ, ਰੋਜੀ ਕਪੂਰਥਲਾ, ਮੋਨੂੰ ਦਿੱਲੀ, ਰਵੀ ਵਿਹਰਾ, ਕਲੂਆ ਗੁੱਜਰ ਵਾਰਨ, ਬਾਬਾ ਫ਼ਰੀਦ ਦੀਨਾਨਗਰ, ਤਾਲਿਬ ਬਾਬਾ ਫ਼ਲਾਈ, ਲਵਪ੍ਰੀਤ ਖੰਨਾ, ਰਾਜੂ ਰਈਏਵਾਲ, ਸਨਵੀਰ ਕੋਹਾਲੀ ਸਮੇਤ ਦੇਸ਼ ਵਿਦੇਸ਼ ਦੇ ਨਾਮੀਂ ਪਹਿਲਵਾਨਾਂ ਦੀਆਂ ਕੁਸ਼ਤੀਆਂ ਕਰਵਾਈਆਂ ਜਾਣਗੀਆਂ ਅਤੇ ਲੱਖਾਂ ਰੁਪਏ ਦੇ ਇਨਾਮ ਤਕਸੀਮ ਕੀਤੇ ਜਾਣਗੇ। ਉਕਤ ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਛਿੰਝ ਮੇਲੇ ਦੌਰਾਨ 16 ਸਤੰਬਰ ਨੂੰ ਮੈਟਾਂ ਤੇ ਕੁਸ਼ਤੀਆਂ ਅਤੇ 17 ਸਤੰਬਰ ਨੂੰ ਮਿੱਟੀ ਦੀਆਂ ਕੁਸ਼ਤੀਆਂ ਕਰਵਾਈਆਂ ਜਾਣਗੀਆਂ।