ਕੁਲਗਾਮ ਵਿਚ ਇਕ ਹੋਰ ਅਤਿਵਾਦੀ ਢੇਰ
ਸ੍ਰੀਨਗਰ : ਜੰਮੂ ਕਸ਼ਮੀਰ ਵਿੱਚ ਸੁਰੱਖਿਆ ਦਸਤਿਆਂ ਵੱਲੋਂ ਅਤਿਵਾਦੀਆਂ ਵਿਰੁਧ ਵੱਡਾ ਆਪਰੇਸ਼ਨ ਵਿੱਢਿਆ ਹੋਇਆ ਹੈ। ਤਾਜ਼ਾ ਪ੍ਰਾਪਤ ਹੋਈਆਂ ਖ਼ਬਰਾਂ ਅਨੁਸਾਰ ਅਨੰਤਨਾਗ ਵਿੱਚ ਇਕ ਹੋਈ ਮੁਠਭੇੜ ਦੌਰਾਨ ਉਤਰੀ ਕਸ਼ਮੀਰ ਵਿੱਚ ਲਸ਼ਕਰ ਏ ਤੋਇਬਾ ਦੇ ਇਕ ਵੱਡੇ ਕਮਾਂਡਰ ਰਹੇ ਨਿਸਾਰ ਡਾਰ ਦੇ ਮਾਰੇ ਜਾਣ ਦੀ ਸੂਚਨਾ ਹੈ। ਇਸ ਤੋਂ ਇਲਾਵਾ ਇਸ ਚੱਲ ਰਹੇ ਵੱਡੇ ਆਪਰੇਸ਼ਨ ਵਿਚ ਕੁਲਗਾਮ ਵਿੱਚ ਵੀ ਲਸ਼ਕਰ ਦੇ ਇਕ ਅਤਿਵਾਦੀ ਦੇ ਮਾਰੇ ਜਾਣ ਦੀ ਸੂਚਨਾ ਹੱਥ ਲੱਗੀ ਹੈ।
ਇਸ ਸਾਰੀ ਕਾਰਵਾਈ ਦੇ ਚਲਦਿਆਂ ਸਾਊਥ ਕਸ਼ਮੀਰ ਦੇ ਕਈ ਇਲਾਕਿਆਂ ਵਿੱਚ ਇੰਟਰਨੈੱਟ ਸੇਵਾਵਾਂ ਵੀ ਬੰਦ ਕੀਤੀਆਂ ਗਈਆਂ ਹਨ। ਪੁਲਿਸ ਨੂੰ ਮਿਲੀ ਜਾਣਕਾਰੀ ਅਨੁਸਾਰ ਅਨੰਤਨਾਗ ਦੇ ਸਿਰਹਾਮਾ ਵਿੱਚ ਕੋਈ ਅਤਿਵਾਦੀਆਂ ਦੇ ਲੁਕੇ ਹੋਣ ਦੀਆਂ ਕਨਸੋਆਂ ਹਨ ਜਿਸ ਦੇ ਚਲਦਿਆਂ ਉਥੇ ਤਲਾਸ਼ੀ ਮੁਹਿੰਮ ਵੀ ਵਿੱਢੀ ਹੋਈ ਹੈ ਅਤੇ ਇਸ ਤੋਂ ਇਲਾਵਾ ਅਨੰਤਨਾਗ ਵਿੱਚ ਲਸ਼ਕਰ ਦੇ ਇਕ ਅਤਿਵਾਦੀ ਅਤੇ ਕੁਲਗਾਮ ਵਿੱਚ ਜੈਸ਼ ਏ ਮੁਹੰਮਦ ਦੇ ਕੁੱਝ ਅਤਿਵਾਦੀਆਂ ਦੇ ਲੁਕੇ ਹੋਣ ਦੀਆਂ ਕਨਸੋਆਂ ਹਨ।
ਸਥਾਨਕ ਮੀਡੀਆ ਤੋਂ ਪ੍ਰਾਪਤ ਹੋਈਆਂ ਖ਼ਬਰਾਂ ਅਨੁਸਾਰ ਫ਼ੌਜ ਅਤੇ ਸਥਾਨਕ ਪੁਲਿਸ ਨੇ ਮਿਲ ਕੇ ਸਾਂਝਾ ਆਪਰੇਸ਼ਨ ਸ਼ੁਰੂ ਕੀਤਾ ਹੈ। ਫ਼ੌਜ ਅਤੇ ਪੁਲਿਸ ਦਾ ਇਹ ਸਾਂਝਾ ਆਪਰੇਸ਼ਨ ਅਤਿਵਾਦੀਆਂ ਦੇ ਲੁਕੇ ਹੋਣ ਦੀਆਂ ਕਨਸੋਆਂ ਤੋਂ ਮਗਰੋਂ ਸ਼ੁਰੂ ਕੀਤਾ ਗਿਆ ਹੈ। ਸਥਾਨਕ ਮੀਡੀਆ ਅਤੇ ਇੰਟੈਲੀਜੈਂਸ ਤੋਂ ਮਿਲੀਆਂ ਜਾਣਕਾਰੀਆਂ ਦੇ ਮੁਤਾਬਿਕ ਕੁਲਗਾਮ ਵਿੱਚ ਕਰੀਬ 3 ਤੋਂ 4 ਅਤੇ ਅਨੰਤਨਾਗ ਵਿਚ 4 ਅਤਿਵਾਦੀਆਂ ਦੇ ਲੁਕੇ ਹੋਣ ਦੀਆਂ ਕਨਸੋਆਂ ਸਨ।