ਤੇਲ ਅਤੇ ਸੋਨੇ ਦੀ ਦਰਾਮਦ ਘੱਟਣ ਨਾਲ ਨਵੰਬਰ ਵਿੱਚ ਭਾਰਤ ਦਾ ਵਪਾਰਕ ਘਾਟਾ ਨਵੰਬਰ ਵਿੱਚ ਘੱਟ ਹੋਣ ਦੀ ਸੰਭਾਵਨਾ : ਐਮ.ਕੇ.

ਨਵੀਂ ਦਿੱਲੀ : ਐਮਕੇ ਗਲੋਬਲ ਫ਼ਾਈਨੈਂਸ਼ੀਅਲ ਸਰਵਿਸਿਜ਼ ਨੇ ਇਕ ਆਰਥਿਕ ਖੋਜ ਨੋਟ ਵਿੱਚ ਕਿਹਾ ਹੈ ਕਿ ਅਕਤੂਬਰ ਵਿੱਚ ਇਹ ਪਾੜਾ 39.88 ਬਿਲੀਅਨ ਡਾਲਰ ਦੇ ਇਕ ਸਾਲ ਦੇ ਉੱਚ ਪੱਧਰ ’ਤੇ ਪਹੁੰਚਣ ਤੋਂ ਬਾਅਦ ਤੇਲ ਅਤੇ ਸੋਨੇ ਦੀ ਦਰਾਮਦ ਵਿੱਚ ਕਮੀ ਆਉਣ ਕਾਰਨ ਭਾਰਤ ਦਾ ਵਪਾਰਕ ਘਾਟਾ ਨਵੰਬਰ ਵਿੱਚ ਘੱਟ ਹੋਣ ਦੀ ਸੰਭਾਵਨਾ ਹੈ।
ਬ੍ਰੋਕਰੇਜ ਨੇ ਕਿਹਾ ਕਿ ਤੇਲ ਅਤੇ ਸੋਨੇ ਦੀ ਦਰਾਮਦ ਘੱਟ ਹੋਣ ਕਾਰਨ ਨਵੰਬਰ ਵਿੱਚ ਘਾਟਾ ਘੱਟਣ ਦੀ ਸੰਭਾਵਨਾ ਹੈ। ਸਤੰਬਰ ਵਿੱਚ ਵਸਤੂਆਂ ਦਾ ਵਪਾਰ ਘਾਟਾ 30.21 ਬਿਲੀਅਨ ਡਾਲਰ ਰਿਹਾ। ਸਤੰਬਰ ਤੋਂ ਅਕਤੂਬਰ ਵਿੱਚ ਵਪਾਰਕ ਵਸਤੂਆਂ ਦੀ ਦਰਾਮਦ ਲਗਪਗ 20 ਫ਼ੀ ਸਦੀ ਵਧ ਕੇ 89.35 ਬਿਲੀਅਨ ਡਾਲਰ ਹੋ ਗਈ, ਜੋਕਿ ਨਿਰਯਾਤ ਵਿੱਚ 11 ਫ਼ੀਸਦੀ ਵਾਧੇ ਨੂੰ ਪਛਾੜਦੀ ਹੈ, ਜੋਕਿ ਰਿਕਾਰਡ 49.47 ਬਿਲੀਅਨ ਡਾਲਰ ਤੱਕ ਪਹੁੰਚ ਗਈ ਹੈ।
ਭਾਰਤ ਦਾ ਅਨੁਮਾਨਿਤ ਸੇਵਾਵਾਂ ਵਪਾਰ ਸਰਪਲੱਸ ਅਕਤੂਬਰ ਵਿੱਚ ਵਧ ਕੇ 19.8 ਬਿਲੀਅਨ ਅਮਰੀਕੀ ਡਾਲਰ ਹੋ ਗਿਆ, ਜੋਕਿ ਇਕ ਸਾਲ ਪਹਿਲਾਂ ਨਾਲੋਂ 13 ਫ਼ੀਸਦੀ ਵੱਧ ਹੈ। ਸਤੰਬਰ ਦੇ ਸਰਪਲੱਸ ਨੂੰ 16.9 ਬਿਲੀਅਨ ਅਮਰੀਕੀ ਡਾਲਰ ਤੋਂ ਵਧਾ ਕੇ 19.2 ਬਿਲੀਅਨ ਅਮਰੀਕੀ ਡਾਲਰ ਕਰ ਦਿੱਤਾ ਗਿਆ ਸੀ। ਐਮਕੇ ਨੂੰ ਉਮੀਦ ਹੈ ਕਿ ਆਉਣ ਵਾਲੇ ਮਹੀਨਿਆਂ ਵਿੱਚ ਸਰਪਲੱਸ ਵਿੱਚ ਸਾਲ-ਦਰ-ਸਾਲ ਵਾਧਾ ਹੌਲੀ ਹੋ ਜਾਵੇਗਾ, ਕਿਉਂਕਿ ਪਿਛਲੇ ਵਿੱਤੀ ਸਾਲ ਨਵੰਬਰ ਅਤੇ ਮਾਰਚ ਦੇ ਵਿਚਕਾਰ ਇਹ ਔਸਤਨ ਲਗਪਗ 20 ਬਿਲੀਅਨ ਅਮਰੀਕੀ ਡਾਲਰ ਪ੍ਰਤੀ ਮਹੀਨਾ ਸੀ।
ਤੇਲ ਦਰਾਮਦ ਮਹੀਨੇ-ਦਰ-ਮਹੀਨੇ 24 ਪ੍ਰਤੀਸ਼ਤ ਵਧ ਕੇ 22.8 ਅਰਬ ਡਾਲਰ ਹੋ ਗਈ। ਐਮਕੇ ਨੇ ਕਿਹਾ ਕਿ ਇਹ ਵਾਧਾ ਸੰਭਾਵਤ ਤੌਰ ’ਤੇ ਸਤੰਬਰ ਵਿੱਚ ਘਟੀ ਹੋਈ ਕਾਰਗੋ ਡਿਲੀਵਰੀ ਨੂੰ ਦਰਸਾਉਂਦਾ ਹੈ, ਜਦੋਂ ਔਸਤ ਤੇਲ ਦੀਆਂ ਕੀਮਤਾਂ ਲਗਪਗ 100 ਡਾਲਰ ਪ੍ਰਤੀ ਬੈਰਲ ਤੱਕ ਵੱਧ ਗਈਆਂ ਸਨ। ਤਿਉਹਾਰਾਂ ਦੀ ਮੰਗ ਵੱਧਣ ਨਾਲ ਸੋਨੇ ਦੀ ਦਰਾਮਦ ਸਤੰਬਰ ਵਿੱਚ ਲਗਪਗ 1.8 ਅਰਬ ਡਾਲਰ ਤੋਂ ਵੱਧ ਕੇ 5.5. ਅਰਬ ਡਾਲਰ ਹੋ ਗਈ।