ਪਤੀ ਨਾਲ ਝਗੜੇ ਮਗਰੋਂ ਔਰਤ ਨੇ ਨੌਵੀਂ ਮੰਜ਼ਲ ਤੋਂ ਛਾਲ ਮਾਰੀ, ਗੁਆਂਢੀਆਂ ਨੇ ਗੱਦੇ ਰੱਖ ਕੇ ਜਾਨੀ ਬਚਾਈ

ਗਾਜ਼ੀਆਬਾਦ : ਯੂਪੀ ਦੇ ਗਾਜ਼ੀਆਬਾਦ ਤੋਂ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਵਿਜੇਲਗਰ ਦੀ ਕਰਾਸਿੰਗ ਰਿਪਬਲਿਕ ਸੋਵੀਅਰ ਸੁਸਾਇਟੀ ਵਿਚ ਰਹਿਣ ਵਾਲੀ ਔਰਤ ਨੇ ਪਤੀ ਨਾਲ ਹੋਏ ਝਗੜੇ ਤੋਂ ਬਾਅਦ ਨੌਵੀਂ ਮੰਜ਼ਲ ਤੋਂ ਛਾਲ ਮਾਰ ਦਿਤੀ। ਇਸ ਦੌਰਾਨ ਉਸ ਦੇ ਪਤੀ ਨੇ ਕਾਫ਼ੀ ਦੇਰ ਤਕ ਪਤਨੀ ਨੂੰ ਜੰਗਲੇ ’ਤੇ ਫੜੀ ਰਖਿਆ। ਤਿੰਨ ਮਿੰਟਾਂ ਮਗਰੋਂ ਉਹ ਹਵਾ ਵਿਚ ਝੂਲਦੀ ਰਹੀ। ਜਿਉਂ ਹੀ ਪਤੀ ਦੀ ਪਕੜ ਢਿੱਲੀ ਪਈ ਤਾਂ ਔਰਤ ਵੇਖਦੇ ਹੀ ਵੇਖਦੇ ਜ਼ਮੀਨ ’ਤੇ ਆ ਡਿੱਗੀ। ਦਸਿਆ ਜਾ ਰਿਹਾ ਹੈ ਕਿ ਉਸ ਨੂੰ ਗੰਭੀਰ ਸੱਟਾਂ ਵੱਜੀਆਂ ਹਨ। ਹਾਲਾਂਕਿ ਰੌਲਾ ਸੁਣ ਕੇ ਮੌਕੇ ’ਤੇ ਪੁੱਜੇ ਗੁਆਂਢੀਆਂ ਨੇ ਗੱਦੇ ਵਿਛਾ ਦਿਤੇ ਸਨ ਜਿਸ ਕਾਰਨ ਉਸ ਦੀ ਜਾਨ ਬਚ ਗਈ। ਪੁਲਿਸ ਦੇ ਮੁਤਾਬਕ ਸੋਵੀਅਰ ਸੁਸਾਇਟੀ ਦੇ ਫ਼ਲੈਟ ਨੰਬਰ 903 ਵਿਚ ਰਹਿਣ ਵਾਲੇ ਫਰਾਜ ਦਾ ਪਤਨੀ ਸਾਦੀਆ ਨਾਲ ਕਿਸੇ ਗੱਲ ਕਾਰਨ ਝਗੜਾ ਹੋÇ ਗਆ ਸੀ। ਕੁਝ ਹੀ ਦੇਰ ਵਿਚ ਮਾਮਲਾ ਏਨਾ ਵਧ ਗਿਆ ਕਿ ਸਾਦੀਆ ਨੇ ਜੰਗਲੇ ਵਲ ਦੌੜ ਲਾ ਦਿਤੀ। ਫ਼ਰਾਜ ਵੀ ਉਸ ਵਲ ਦੌੜਿਆ ਅਤੇ ਜੰਗਲੇ ’ਤੇ ਉਸ ਨੂੰ ਫੜ ਲਿਆ। ਇਸ ਦੌਰਾਨ ਉਨ੍ਹਾਂ ਪੂਰੀ ਕੋਸ਼ਿਸ਼ ਕੀਤੀ ਪਰ ਸਾਦੀਆ ਨੇ ਛਾਲ ਮਾਰ ਦਿਤੀ। ਗੰਭੀਰ ਰੂਪ ਵਿਚ ਜ਼ਖ਼ਮੀ ਸਾਦੀਆ ਨੂੰ ਨੋਇਡਾ ਦੇ ਨਿਜੀ ਹਸਪਤਾਲ ਵਿਚ ਭਰਤੀ ਕਰਵਾ ਦਿਤਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਉਸ ਨੂੰ ਹਾਲੇ ਰਸਮੀ ਸ਼ਿਕਾਇਤ ਨਹੀਂ ਮਿਲੀ।