Friday, March 29, 2024

Majha

ਨਵਜੋਤ ਸਿੰਘ ਸਿੱਧੂ ਨੇ ਜੁਰਮਾਨੇ ਸਣੇ ਭਰਿਆ 8.67 ਲੱਖ ਦਾ ਬਿਜਲੀ ਬਿੱਲ

July 04, 2021 09:52 AM
SehajTimes

ਅੰਮਿ੍ਤਸਰ : ਪੰਜਾਬ ਵਿਚ ਬਿਜਲੀ ਸੰਕਟ ਚਲ ਰਿਹਾ ਹੈ ਅਤੇ ਇਸੇ ਮੁੱਦੇ ਉਤੇ ਕਾਂਗਰਸੀ ਵਿਧਾਇਕ ਨਵਜੋਤ ਸਿੱਧੂ ਨੇ ਆਪਣੀ ਹੀ ਸਰਕਾਰ ਤੇ ਜਦੋਂ ਨਿਸ਼ਾਨੇ ਲਾਉਣੇ ਸ਼ੁਰੂ ਕੀਤੇ ਸਨ ਤਾਂ ਵਿਰੋਧੀਆਂ ਨੇ ਕਿਹਾ ਸੀ ਕਿ ਪਹਿਲਾਂ ਸਿੱਧੂ ਆਪਣਾ ਲੱਖਾਂ ਦਾ ਬਿਜਲੀ ਬਿੱਲ ਅਦਾ ਕਰਨ। ਇਸੇ ਗਲ ਨੂੰ ਖਤਮ ਕਰਦਿਆਂ ਨਵਜੋਤ ਸਿੰਘ ਸਿੱਧੂ ਨੇ ਹੁਣ ਆਪਣਾ ਬਿਜਲੀ ਬਿਲ ਬਿਜਲੀ ਅਦਾਰੇ ਕੋਲ ਜਮ੍ਹਾਂ ਕਰਵਾ ਦਿਤਾ ਹੈ। ਇਥੇ ਦਸ ਦਈਏ ਕਿ ਨਵਜੋਤ ਸਿੰਘ ਸਿੱਧੂ ਨੇ ਸ਼ੁੱਕਰਵਾਰ ਨੂੰ ਟਵਿੱਟਰ ਰਾਹੀਂ ਪੰਜਾਬ ਵਿੱਚ ਬਿਜਲੀ ਦੇ ਵੱਡੇ ਸੰਕਟ ਤੋਂ ਬਚਣ ਲਈ ਸੁਝਾਅ ਦਿੱਤੇ ਸਨ। ਪਰ ਇਹ ਦਸਿਆ ਜਾ ਰਿਹਾ ਹੈ ਕਿ ਕਾਂਗਰਸ ਨੇਤਾ ਸਿੱਧੂ ਨੇ ਤਿੰਨ ਮਹੀਨਿਆਂ ਤੋਂ ਆਪਣਾ ਬਿਜਲੀ ਦਾ ਬਿੱਲ ਨਹੀਂ ਕੀਤਾ ਹੈ। ਸਿੱਧੂ ਵੱਲੋਂ ਆਪਣੇ ਘਰ ਦਾ ਤਕਰੀਬਨ 8.67 ਲੱਖ ਰੁਪਏ ਦਾ ਬਕਾਇਆ ਬਿਜਲੀ ਨਾ ਭਰਨ ਦਾ ਮਾਮਲਾ ਸ਼ਨਿਚਰਵਾਰ ਨੂੰ ਵੀ ਚਰਚਾ ‘ਚ ਰਿਹਾ। ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ ਲਿਮਟਡ ਦੇ ਸੁਪਰਟੈਡਿੰਗ ਇੰਜੀਨੀਅਰ ਜੀਐਸ ਖਹਿਰਾ ਨੇ ਕਿਹਾ ਕਿ ਇਹ ਅੱਠ ਮਹੀਨਿਆਂ ਤੋਂ ਵੱਧ ਦਾ ਬਿੱਲ ਸੀ ਜਿਸ ਦਾ ਭੁਗਤਾਨ ਕੀਤਾ ਜਾਣਾ ਸੀ। ਸਿੱਧੂ ਨੇ ਪੀਐਸਪੀਸੀਐਲ ਦਾ 17,62,742 ਰੁਪਏ ਬਕਾਇਆ ਰੱਖਿਆ ਹੈ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਮਾਰਚ ਵਿਚ 10 ਲੱਖ ਰੁਪਏ ਦੇ ਕਰੀਬ ਰਕਮ ਅਦਾ ਕੀਤੀ ਸੀ, ਉਨ੍ਹਾਂ ਨੂੰ ਸਰਚਾਰਜ ਦੀ ਰਕਮ ‘ਤੇ ਕੁਝ ਇਤਰਾਜ਼ ਸੀ ਅਤੇ ਇਸ ਨੂੰ ਬਕਾਇਆ ਰੱਖਿਆ ਗਿਆ। ਉਨ੍ਹਾਂ ਦੇ ਕੇਸ ਦੀ ਪੜਤਾਲ ਕੀਤੀ ਜਾ ਰਹੀ ਹੈ। ਇਸ ਨੂੰ ਲੈ ਕੇ ਹੋਈ ਫਜ਼ੀਹਤ ‘ਤੇ ਅੰਮਿ੍ਤਸਰ ਦੇ ਵਿਧਾਨ ਸਭਾ ਹਲਕਾ ਪੂਰਬੀ ਤੋਂ ਵਿਧਾਇਕ ਸਿੱਧੂ ਦੇ ਕਰੀਬੀ ਤੇ ਉਨ੍ਹਾਂ ਦੀ ਰਿਹਾਇਸ਼ ‘ਚ ਸਥਿਤ ਦਫਤਰ ਦੇ ਸਕੱਤਰ ਰਾਜੀ ਮਹਾਜਨ ਨੇ ਦੱਸਿਆ ਕਿ ਸ਼ਨਿਚਰਵਾਰ ਸਵੇਰੇ ਸਿੱਧੂ ਨੇ 8,67,540 ਰੁਪਏ ਬਕਾਇਆ ਬਿਜਲੀ ਬਿੱਲ ਦਾ ਪਾਵਰਕਾਮ ਨੂੰ ਆਨਲਾਈਨ ਭੁਗਤਾਨ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ 14 ਮਾਰਚ ਨੂੰ ਬਿਜਲੀ ਦੇ ਬਿੱਲ ਦੇ ਰੂਪ ‘ਚ 10 ਲੱਖ ਰੁਪਏ ਦੇ ਭੁਗਤਾਨ ਦੀ ਰਸੀਦ ਵੀ ਜਾਰੀ ਕੀਤੀ। ਈਸਟ ਡਵੀਜ਼ਨ ਦੇ ਐਕਸੀਅਨ ਮਨੋਹਰ ਸਿੰਘ ਨੇ ਕਿਹਾ ਕਿ ਡਾ. ਨਵਜੋਤ ਕੌਰ ਸਿੱਧੂ ਨੇ ਵਨ ਟਾਈਮ ਸੈਟਲਮੈਂਟ (ਓਟੀਐੱਸ) ਤਹਿਤ ਵਿਭਾਗ ‘ਤੇ ਕੇਸ ਲਾਇਆ ਹੋਇਆ ਹੈ। ਇਸ ਤਹਿਤ ਸਿੱਧੂ ਦੇ ਘਰ ਵਿਚ ਲੱਗੇ ਬਿਜਲੀ ਕੁਨੈਕਸ਼ਨ ਦਾ ਬਿੱਲ ਸਹੀ ਕਰਨ ਦਾ ਮਾਮਲਾ ਵਿਚਾਰ ਅਧੀਨ ਹੈ। ਉਧਰ ਈਸਟ ਡਵੀਜ਼ਨ ਦੇ ਸਬ ਡਵੀਜ਼ਨ ਸਾਊਥ ਦੇ ਰੈਵੇਨਿਊ ਅਕਾਊਂਟੈਂਟ (ਆਰਏ) ਨੇ ਐਕਸੀਅਨ ਮਨੋਹਰ ਲਾਲ ਦੇ ਹਵਾਲੇ ਨਾਲ ਦੱਸਿਆ ਕਿ ਸ਼ਨਿਚਰਵਾਰ ਸਵੇਰੇ ਉਨ੍ਹਾਂ ਨੂੰ ਸਿੱਧੂ ਦੇ ਦਫਤਰ ਤੋਂ ਫੋਨ ਆਇਆ ਸੀ। ਉਨ੍ਹਾਂ ਆਨ ਲਾਈਨ ਬਿੱਲ ਭੁਗਤਾਨ ਸਬੰਧੀ ਸੂਚਨਾ ਮੰਗੀ ਸੀ। ਆਰਟੀਜੀਐੱਸ ਤਹਿਤ ਹੋਏ ਅਦਾਇਗੀ ਕਾਰਨ ਇਕ ਯੂਟੀਆਰ ਨੰਬਰ ਆਉਂਦਾ ਹੋ ਜਿਸ ਨਾਲ ਸਪੱਸ਼ਟ ਹੋ ਜਾਂਦਾ ਹੈ ਕਿ ਭੁਗਤਾਨ ਹੋ ਗਿਆ ਹੈ। ਆਨ ਲਾਈਨ ਪੇਮੈਂਟ ਹੋਣ ਦੇ ਲਗਭਗ 24 ਘੰਟਿਆਂ ਦੇ ਬਾਅਦ ਹੀ ਵਿਭਾਗ ਦੇ ਰਿਕਾਰਡ ਵਿਚ ਇਸ ਦੀ ਪੁਸ਼ਟੀ ਹੁੰਦੀ ਹੈ। ਐਤਵਾਰ ਨੂੰ ਛੁੱਟੀ ਹੋਣ ਕਾਰਨ ਸੋਮਵਾਰ ਨੂੰ ਹੀ ਸਥਿਤੀ ਸਪੱਸ਼ਟ ਹੋਵੇਗੀ।

Have something to say? Post your comment

 

More in Majha

SGPC ਵਲੋਂ ਸਲਾਨਾ ਬਜਟ 2024-25 ਪੇਸ਼

ਤਰਨ ਤਾਰਨ ਪੁਲਿਸ ਵੱਲੋ 500 ਗ੍ਰਾਮ ਹੈਰੋਇਨ ਸਮੇਤ 32 ਗ੍ਰਾਮ ਪੈਕਿੰਗ ਮਟੀਰੀਅਲ ਬ੍ਰਾਮਦ

ਖਾਲੜਾ ਕਰਿਆਨਾ ਯੂਨੀਅਨ ਵੱਲੋ 25 ਤੇ 26 ਮਾਰਚ 2024 ਨੂੰ ਕਰਿਆਨਾ ਦੁਕਾਨਾਂ ਬੰਦ

ਦਲਬੀਰ ਉਧੋਕੇ ਨੇ ਬੱਚਿਆਂ ਨੂੰ ਚੋਕਲੇਟ ਵੰਡੀਆਂ

ਆਮ ਆਦਮੀ ਪਾਰਟੀ ਪੱਟੀ ਹਲਕਾ ਇੰਚਾਰਜ ਵਿਪਨ ਕੁਮਾਰ ਦੇ ਜਨਮ ਦਿਨ ਤੇ ਦੀਪਕ ਸ਼ਰਮਾ (ਗੋਲਡੀ) ਨੇ ਦਿੱਤੀ ਵਧਾਈ

ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਲੋਕ ਸਭਾ ਚੋਣਾਂ ਲਈ ਲਿਸਟ ਕੀਤੀ ਜਾਰੀ

ਐਮ ਐਲ ਏ ਸਰਵਨ ਸਿੰਘ ਨੇ ਪਿੰਡ ਮੁਗਲ ਚੱਕ ਨਵੇਂ ਪੁੱਲ ਦਾ ਰੱਖਿਆ ਨੀਂਹ ਪੱਥਰ

ਭੀਮ ਯੂਥ ਫੈਡਰੇਸ਼ਨ ਟੀਮ ਵੱਲੋਂ ਲਖਵਿੰਦਰ ਸਿੰਘ ਦੇ ਗ੍ਰਹਿ ਵਿਖੇ ਕੀਤੀ ਗਈ ਮੀਟਿੰਗ

JE Satnam Singh Khalra ਦੀ Funeral Prayers ਵਿੱਚ ਵੱਡੀ ਗਿਣਤੀ ਵਿੱਚ ਉੱਘੀਆਂ ਸ਼ਖਸ਼ੀਅਤਾ ਪੁੱਜੀਆਂ

ਦਿਨ ਦਿਹਾੜੇ ਦੋ ਲੁਟੇਰਿਆਂ ਵੱਲੋਂ SBI ਝਬਾਲ Branch 'ਚ ਮਾਰਿਆ 9 ਲੱਖ ਦਾ ਡਾਕਾ