ਸਿੱਖਿਆ ਸ਼ਾਸਤਰੀ ਅਤੇ ਵਾਤਾਵਰਣ ਪ੍ਰੇਮੀ ਦੀ ਯਾਦ ਵਿਚ ਪੌਦੇ ਲਗਾਏ

ਖਰੜ : ਲੋਕ ਆਵਾਜ਼ ਐਸੋਸੀਏਸ਼ਨ ਵਾਰਡ ਨੰਬਰ 5,ਖਰੜ ਅਤੇ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਕਲੱਬ ਫਾਰ ਸੁਸਾਇਟੀ ਖਰੜ ਦੇ ਉੱਦਮ ਨਾਲ ਸਿੱਖਿਆ ਸ਼ਾਸਤਰੀ ਮਰਹੂਮ ਸਵਰਨ ਸਿੰਘ ਭੰਗੂ ਤੇ ਵਾਤਾਵਰਣ ਪ੍ਰੇਮੀ ਸ੍ਰੀ ਰਾਮ ਸਿੰਘ ਨੂੰ ਸਮਰਪਿਤ ਚਿਲਡਰਨ ਪਾਰਕ ਜੀ.ਟੀ.ਬੀ. ਨਗਰ ਖਰੜ ਵਿਖੇ  ਪੌਦੇ ਲਗਾਏ ਗਏ। ਮਲਕੀਤ ਰੌਣੀ ਨੇ ਮਰਹੂਮ ਸਵਰਨ ਸਿੰਘ ਭੰਗੂ, ਸ੍ਰੀ ਰਾਮ ਸਿੰਘ ਦੇ ਜੀਵਨ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਦੋਵੇਂ ਸਖ਼ਸ਼ੀਅਤਾਂ ਦੇ ਵਿਛੜ ਜਾਣ ਨਾਲ ਸਮਾਜ ਨੂੰ ਵੱਡਾ ਘਾਟਾ ਪਿਆ ਹੈ। ਉਨ੍ਹਾਂ ਦੀ ਯਾਦ ਵਿੱਚ ਕੀਤਾ ਗਿਆ ਇਹ ਸਮਾਗਮ ਦੋਵਾਂ ਦੇ ਸਿੱਖਿਆ ਅਤੇ ਵਾਤਾਵਰਣ ਲਈ ਕੀਤੇ ਕੰਮਾਂ ਦੀ ਗਵਾਹੀ ਭਰਦਾ ਹੈ। ਤੁਹਾਡਾ ਇਹ ਇਕੱਠ ਉਨ੍ਹਾਂ ਦੇ ਕੰਮਾਂ ਨੂੰ ਅੱਗੇ ਤੋਰਨ ਦੀ ਵਚਨ ਬੱਧਤਾ ਪ੍ਰਗਟਾਉਂਦਾ ਹੈ। ਅਮਰਬੀਰ ਬਾਗ਼ੀ ਨੇ ਕਿਹਾ ਕਿ ਖਰੜ ਸ਼ਹਿਰ ਵਿੱਚ ਮੇਰੇ ਪਿਤਾ ਸਵਰਨ ਸਿੰਘ ਭੰਗੂ ਦੇ ਅਤੇ ਅੰਕਲ ਰਾਮ ਸਿੰਘ ਦੇ ਵਾਤਾਵਰਣ ਲਈ ਕੀਤੇ ਕੰਮਾਂ ਨੇ ਮੈਂਨੂੰ ਖਰੜ ਸ਼ਹਿਰ ਨਾਲ ਜੋੜ ਦਿੱਤਾ ਹੈ। ਦੋਵਾਂ ਸਖ਼ਸ਼ੀਅਤਾਂ ਦੀ ਯਾਦ ਵਿੱਚ ਰੁੱਖ ਲਗਾਓ ਅਭਿਮਾਨ ਦੀ ਸ਼ੁਰੂਆਤ ਉੱਦਮੀ ਕਲੱਬ ਦੇ ਪ੍ਰਧਾਨ ਅਰਸ਼ਦੀਪ ਅਰਸ਼,ਮਨਵੀਰ ਸਿੰਘ ਮਨੀ,ਮਾਨਵਦੀਪ ਸਿੰਘ ਵਲੋਂ ਕੀਤੀ ਗਈ। ਇਸ ਸਮੇਂ ਲੋਕ ਆਵਾਜ਼ ਐਸੋਸੀਏਸ਼ਨ ਖਰੜ ਵਲੋਂ ਜਗਤਾਰ ਸਿੰਘ ਢਿੱਲੋਂ, ਅਵਤਾਰ ਸਿੰਘ ਚੱਕਲਾਂ, ਸੁਖਵਿੰਦਰ ਸਿੰਘ ਕੌਲ,ਤੇਜਿੰਦਰ ਸਿੰਘ,ਸਰਬਜੀਤ ਸਿੰਘ ਸ਼ੰਮਾ,ਪਰਮਜੀਤ ਕੁਮਾਰ, ਦਲਜੀਤ ਸਿੰਘ,ਧਰਮਿੰਦਰ ਸਿੰਘ,ਹਰਜਿੰਦਰ ਸਿੰਘ ਖੋਖਰ,ਨਿਰਵੈਰ ਕੌਰ, ਬਲਜੀਤ ਕੌਰ,ਨਿਰਮਲਾ ਦੇਵੀ, ਅਮਨਦੀਪ ਕੌਰ ਕੌਲ,ਕੁਲਵਿੰਦਰ ਕੌਰ,ਰਣਜੀਤ ਕੌਰ,ਲਲਿਤਾ,ਅਮਨਦੀਪ ਕੌਰ,ਹਰਸ਼ਵੀਰ ਕੌਰ,ਖੁਸ਼ੀ ਤੇ ਵੱਡੀ ਗਿਣਤੀ ਵਿੱਚ ਸ਼ਹਿਰੀ ਵੀ ਹਾਜ਼ਰ ਸਨ। ਚਿਲਡਰਨ ਪਾਰਕ ਵਿੱਚ ਲਗਾਏ ਇਹਨਾਂ ਰੁੱਖਾਂ ਦੀ ਸਾਂਭ ਸੰਭਾਲ ਦੀ ਜ਼ਿੰਮੇਵਾਰੀ ਵੀ ਵਾਤਾਵਰਨ ਨਾਲ ਪਿਆਰ ਕਰਨ ਵਾਲੇ ਨੌਜਵਾਨਾਂ ਵੱਲੋਂ ਲੈ ਲਈ ਗਈ ਹੈ।