ਭਾਰਤ ਦੀ ਡਿੱਗ ਰਹੀ ਕਰੰਸੀ ਲਈ ਕੇਂਦਰ ਦੀ ਭਾਜਪਾ ਸਰਕਾਰ ਜਿੰਮੇਵਾਰ : ਹਰਮੇਸ ਸਿੰਘ ਬੜੌਦੀ

ਖਰੜ :  ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਰੁਪਏ ਦੀ ਰੋਜਾਨਾ ਘੱਟ ਰਹੀ ਕੀਮਤ ਡਿੱਗ ਰਹੀ ਇਕਾਨੋਮੀ ਅਤੇ ਜੀ ਡੀ ਪੀ ਨੂੰ ਰੋਕਣ ਲਈ ਬੁਰੀ ਤਰਾ ਅਸਫਲ ਰਹੇ । ਇਹ ਪ੍ਰਗਟਾਵਾ ਅਕਾਲੀ ਦਲ ਅਮ੍ਰਿਤਸਰ ਦੇ ਜਿਲਾ ਜਰਨਲ ਸਕੱਤਰ ਜਥੇਦਾਰ ਹਰਮੇਸ਼ ਸਿੰਘ ਬੜੌਦੀ ਨੇ ਕੀਤਾ। ਉਨ੍ਹਾ ਕਿਹਾ ਕਿ ਹਿੰਦੁਸਤਾਨ ਦੀ ਭਾਜਪਾ ਸਰਕਾਰ ਦੇ ਰਾਜ ਵਿੱਚ ਰੁਪਿਆ ਦਿਨ ਪ੍ਰਤੀ ਦਿਨ ਕਮਜ਼ੋਰ ਹੁੰਦਾ ਜਾ ਰਿਹਾ ਹੈ। ਅਮਰੀਕਨ ਡਾਲਰ ਹਰ ਰੋਜ ਨਵੀ ਉਡਾਰੀ ਮਾਰ ਰਿਹਾ ਹੈ । ਉਨ੍ਹਾ ਇਹ ਵੀ ਕਿਹਾ ਕਿ ਵਿਦੇਸ਼ੀ ਤਾਕਤ ਦੇ ਮੁਕਾਬਲੇ ਸਰਕਾਰ ਆਪਣੇ ਇਮਪੋਰਟ ਅਤੇ ਐਕਸਪੋਰਟ ਦਾ ਸੰਤੁਲਨ ਬਣਾ ਕਿ ਰੱਖਣ ਲਈ  ਬੁਰੀ ਤਰਾ ਫੇਲ ਸਾਬਤ ਹੋ ਰਹੀ ਹੈ । ਹਿੰਦੁਸਤਾਨ ਤੇਲ ਖਰੀਦਣ ਲਈ ਅਮਰੀਕਾ ਦੇ ਕਹਿਣੇ ਤੇ ਹੀ ਕੰਮ ਕਰ ਰਿਹਾ ਹੈ ਇਸ ਕਰਕੇ ਹੀ ਹਿੰਦੁਸਤਾਨ ਤੇਲ ਸੰਕਟ ਨਾਲ ਮਹਿੰਗਾਈ ਦੀ ਮਾਰ ਝੱਲ ਰਿਹਾ ਹੈ ।ਉਨ੍ਹਾ ਇਹ ਵੀ ਕਿਹਾ ਕਿ ਬੇਰੁਜ਼ਗਾਰੀ ਦੀ ਸਿਕਾਰ ਨੌਜਵਾਨੀ ਰੁਪਏ ਦੀ ਮਾੜੀ ਕਾਰ ਗੁਜਾਰੀ ਕਰਕੇ ਹੀ ਵਿਦੇਸ਼ਾ ਵਿੱਚ ਉਡਾਰੀਆ ਮਾਰ ਰਹੀ ਹੈ ।ਇਹ ਵੀ ਸਰਕਾਰ ਫੇਲ ਦੀ ਹੀ ਨਿਸ਼ਾਨੀ ਹੈ ।ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਸੇਅਰ ਬਜਾਰ ਵੀ ਅਮਰੀਕਾ ਦੀ ਹਵਾ ਨਾਲ ਹੀ ਵਪਾਰ ਕਰਦੇ ਹਨ । ਉਨ੍ਹਾ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਮੇਕ ਇਨ ਇੰਡੀਆ ਵੀ ਫੇਕ ਇਨ ਇੰਡੀਆ ਬਣ ਗਈ ਹੈ । ਇਹ ਹੀ ਹਿੰਦੁਸਤਾਨ ਦੇ ਅਮੀਰੀ ਅਤੇ ਗਰੀਬੀ ਦੇ ਦਾਅਵੇ ਦੀ ਗਵਾਹੀ ਭਰਦੀ ਹੈ । ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਵਿਦੇਸ਼ੀ ਦੋਰੇ ਵੀ ਬਿਲਕੁਲ ਹੀ ਸਿਆਸੀ ਸਰਪ੍ਰਸਤੀ ਦੇ ਗਵਾਹ ਬਣੇ ਹੋਏ ਹਨ ।