ਫਿਰੋਜ਼ਪੁਰ : ਫਿਰੋਜ਼ਪੁਰ ਵਿਚ ਆਏ ਦਿਨ ਕਰਾਇਮ ਦਾ ਗ੍ਰਾਫ ਲਗਾਤਾਰ ਵੱਧਦਾ ਜਾ ਰਿਹਾ ਹੈ, ਲੁੱਟ ਖੋਹ ਸਨੈਕਿੰਗ ਦੀਆਂ ਘਟਨਾਵਾਂ ਨੂੰ ਆਮ ਲੋਕਾਂ ਦੇ ਮਨਾਂ ਵਿਚ ਖੋਫ ਪੈਦਾ ਕਰਕੇ ਰੱਖਿਆ ਹੋਇਆ ਹੈ। ਬੀਤੀ ਰਾਤ ਜ਼ੀਰਾ ਗੇਟ ਦੇ ਕੋਲ ਪੈਟਰੋਲ ਦੇ 5 ਤੋਂ 6 ਮੋਟਰਸਾਈਕਲ ਸਵਾਰ ਨੌਜਵਾਨਾਂ ਨੇ ਹਥਿਆਰਾਂ ਦੀ ਨੋਕ ‘ਤੇ ਪੈਟਰੋਲ ਪੰਪ ਦੇ ਕਰਿੰਦਿਆਂ ਤੋਂ ਖੋਹ ਕੀਤੀ ਜੋ ਘਟਨਾ ਸੀਸੀਟੀਵੀ ਕੈਮਰੇ ਵਿਚ ਵੀ ਕੈਦ ਹੋ ਗਈ। ਕਰਿੰਦਿਆਂ ਕੋਲੋਂ ਪੈਸੇ ਘੱਟ ਹੋਣ ਕਾਰਨ ਭਾਵੇਂ ਮਹਿਜ 4 ਹਜ਼ਾਰ ਦੇ ਕਰੀਬ ਹੀ ਲਿਜਾਣ ਵਿਚ ਲੁਟੇਰੇ ਕਾਮਯਾਬ ਹੋਏ ਪਰ ਇਸ ਘਟਨਾ ਨੇ ਪੁਲਿਸ ਪ੍ਰਸ਼ਾਸਨ ‘ਤੇ ਕਾਨੂੰਨ ਵਿਵਸਥਾ ਇਸ ਤਰ੍ਹਾਂ ਚਿਰਮਰਾ ਗਈ ਹੈ ਇਸ ਤਰ੍ਹਾਂ ਸਵਾਲ ਖੜੇ ਕਰ ਦਿੱਤੇ। ਇਸ ਘਟਨਾ ਤੋਂ ਬਾਅਦ ਪੁਲਿਸ ਜਾਂਚ ਵਿਚ ਜੁਟ ਗਈ ਹੈ। ਲੇਕਿਨ ਅਜੇ ਤੱਕ ਪੁਲਿਸ ਦੇ ਹੱਥ ਖਾਲੀ ਹਨ। ਜ਼ਖਮੀਂ ਹੋਏ ਪੰਪ ਦੇ ਕਰਿੰਦਿਆਂ ਨੇ ਦੱਸਿਆ ਕਿ 5 ਤੋਂ 6 ਲੋਕ ਮੋਟਰਸਾਈਕਲਾਂ ‘ਤੇ ਆਏ ਤੇਲ ਪੁਆਉਣ ਵਾਸਤੇ ਕਿਹਾ ਜਿਵੇਂ ਹੀ ਉਨ੍ਹਾਂ ਕੋਲੋਂ ਪੈਟਰੋਲ ਦੇ ਪੈਸੇ ਮੰਗੇ ਗਏ ਉਨ੍ਹਾਂ ਨੇ ਹਥਿਆਰ ਕੱਢ ਕੇ ਹੋਰ ਕਿੰਨੇ ਪੈਸੇ ਹਨ ਦੇਣ ਨੂੰ ਕਿਹਾ। ਮਨਾ ਕਰਨ ‘ਤੇ ਉਨ੍ਹਾਂ ਨੂੰ ਇਕ ਦੇ ਸਿਰ ‘ਤੇ ਪਿਸਤੌਲ ਨਾਲ ਵਾਰ ਕੀਤਾ, ਦੂਜੇ ‘ਤੇ ਤੇਜ਼ ਹਥਿਆਰ ਮਾਰ ਕੇ ਜ਼ਖਮੀਂ ਕਰ ਦਿੱਤਾ। ਡਿੱਗਣ ਤੋਂ ਉਪਰੰਤ ਉਨ੍ਹਾਂ ਕੋਲੋਂ ਜੋ ਵੀ ਨਕਦੀ ਸੀ ਲੈ ਕੇ ਫਰਾਰ ਹੋ ਗਏ। ਇਸ ਮੌਕੇ ਪੁੱਜੀ ਪੁਲਿਸ ਨੇ ਦਸਿਆ ਕਿ ਸੀਸੀਟੀਵੀ ਦੀ ਫੁਟੇਜ਼ ਦੇ ਆਧਾਰ ਉਤੇ ਮੁਲਜ਼ਮਾਂ ਦੀ ਭਾਲ ਸ਼ੁਰੂ ਕਰ ਦਿਤੀ ਗਈ ਹੈ।