ਵਿਦਿਆਰਥੀ ਸੰਸਦ ਲੋਕਤੰਤਰ ਪ੍ਰਤੀ ਵਿਸ਼ਵਾਸ ਦਾ ਮਜ਼ਬੂਤ ​​ਸਾਧਨ : ਅਮਿਤ ਡੋਗਰਾ

ਸੁਨਾਮ : ਸ੍ਰੀ ਸੂਰਜਕੁੰਡ ਸਰਵਹਿੱਤਕਾਰੀ ਵਿੱਦਿਆ ਮੰਦਿਰ ਸੁਨਾਮ ਵਿਖੇ ਬਾਲ ਭਾਰਤੀ ਅਤੇ ਕੰਨਿਆ ਭਾਰਤੀ ਦੇ ਅਧੀਨ ਵਿਦਿਆਰਥੀ ਸੰਸਦ ਦੀਆਂ ਚੋਣਾਂ ਸਮਾਪਤ ਹੋਈਆਂ। ਜਿਸ ਵਿੱਚ ਪਹਿਲਾਂ ਚੋਣ ਕਮਿਸ਼ਨ ਦਾ ਗਠਨ ਕੀਤਾ ਗਿਆ। ਪ੍ਰਿੰਸੀਪਲ ਅਮਿੱਤ ਡੋਗਰਾ ਨੇ ਦੱਸਿਆ ਕਿ ਸਕੂਲ ਦੇ ਅਧਿਆਪਕ ਪ੍ਰੇਮ ਸ਼ਰਮਾ ਅਤੇ ਸਿਮਰਨ ਨੂੰ ਅਧਿਕਾਰੀ ਨਿਯੁਕਤ ਕੀਤਾ ਗਿਆ ਸੀ। ਵਿਦਿਆਰਥੀ ਸੰਸਦ ਦੇ ਵੱਖ-ਵੱਖ ਅਹੁਦਿਆਂ ਦੀ ਚੋਣ ਲਈ 17 ਮਈ 2024 ਨੂੰ ਕਲਾਸ ਮੁਖੀ ਲਈ ਨਾਮਜ਼ਦਗੀਆਂ ਭਰੀਆਂ ਗਈਆਂ ਸਨ। ਉਸ ਤੋਂ ਬਾਅਦ, ਉਮੀਦਵਾਰਾਂ ਨੂੰ ਪ੍ਰਚਾਰ ਲਈ ਢੁਕਵਾਂ ਸਮਾਂ ਦਿੱਤਾ ਗਿਆ ਸੀ। ਪ੍ਰਿੰਸੀਪਲ ਨੇ ਵਿਦਿਆਰਥੀ ਸੰਸਦ ਬਾਰੇ ਦੱਸਿਆ ਕਿ ਇਸ ਨਾਲ ਵਿਦਿਆਰਥੀਆਂ ਦਾ ਲੋਕਤੰਤਰ ਵਿੱਚ ਵਿਸ਼ਵਾਸ ਅਤੇ ਲੀਡਰਸ਼ਿਪ ਦੀ ਭਾਵਨਾ ਪੈਦਾ ਹੁੰਦੀ ਹੈ ਜਿਸ ਦੁਆਰਾ ਬੱਚੇ ਅਨੁਸ਼ਾਸਿਤ ਹੁੰਦੇ ਹਨ ਅਤੇ ਹਰ ਕੰਮ ਵਿੱਚ ਸਰਗਰਮੀ ਨਾਲ ਹਿੱਸਾ ਲੈਂਦੇ ਹਨ। ਉਨ੍ਹਾਂ ਆਖਿਆ ਕਿ ਜਿਨ੍ਹਾਂ ਵਿਦਿਆਰਥੀਆਂ ਦੇ ਜਮਾਤ ਵਿੱਚੋ 70% ਤੋਂ ਵੱਧ ਅੰਕ ਆਏ ਹਨ ਉਹ ਵਿਦਿਆਰਥੀਆਂ ਹੀ ਜਮਾਤ ਦੇ ਪ੍ਰਤੀਨਿਧ ਦੀ ਚੋਣ ਲੜ ਸਕਦੇ ਹਨ। ਇਹਨਾਂ ਚੋਣਾਂ ਵਿੱਚ 96 ਪ੍ਰਤੀਸ਼ਤ ਬਾਲ ਭਾਰਤੀ ਅਤੇ 97 ਪ੍ਰਤੀਸ਼ਤ ਕੰਨਿਆ ਭਾਰਤੀ ਲਈ ਵੋਟਾਂ ਪਈਆਂ। ਚੋਣ ਦੇ ਨਤੀਜਿਆਂ ਅਨੁਸਾਰ ਵਿਦਿਆਰਥੀ ਸੰਸਦ ਲਈ ਪ੍ਰਮੁੱਖ ਕਲਾਸ ਲੀਡਰ (ਲੜਕੇ- ਲੜਕੀਆਂ) ਬਾਰ੍ਹਵੀਂ ਵਿੱਚੋ ਰਕਸ਼ਿਤ ਬਾਂਸਲ, ਕ੍ਰਿਤਿਕਾ, ਗਿਆਰਵੀਂ ਜਮਾਤ ਵਿੱਚੋਂ ਮਿਹਰਬਾਨ ਸਿੰਘ, ਯਸ਼ਿਕਾ, ਦਸਵੀਂ ਜਮਾਤ ਵਿੱਚੋਂ ਬੰਦਿਤਾ, ਗੁਰਪਿਆਰ ਸਿੰਘ, 10ਵੀਂ (ਬੀ) ਵਿੱਚੋ ਅਰਸ਼ਵੀਰ ਕੌਰ, ਜਸਕਰਨ ਸਿੰਘ, ਨੌਵੀਂ (ਏ) ਜਮਾਤ ਵਿੱਚੋ ਨਵਜੋਤ ਕੌਰ, ਸਮਰਵੀਰ ਸਿੰਘ ਨੌਵੀਂ (ਬੀ) ਊਸ਼ਾ, ਹਰੀਹਰ ਸਿੰਘ, ਅੱਠਵੀਂ (ਏ) ਵਿੱਚੋ ਸਹਿਜ, ਹੀਨਾ, ਅੱਠਵੀਂ (ਬੀ) ਵਿੱਚੋ ਯਸ਼ਨੀਤ, ਹਿਤੇਸ਼, ਸੱਤਵੀਂ (ਏ) ਵਿੱਚੋ ਦਿਵਨੂਰ ਕੌਰ, ਕ੍ਰਿਸ਼, ਸੱਤਵੀਂ (ਬੀ) ਵਿੱਚੋ ਨਵਗੁਣ, ਕੁਲਦੀਪ, ਛੇਵੀਂ (ਏ) ਵਿੱਚੋ ਜਸਲੀਨ, ਸਾਹਿਲ, ਛੇਵੀਂ (ਬੀ) ਵਿੱਚੋ ਸਾਨਵੀ, ਗੁਰਨੂਰ, ਪੰਜਵੀਂ (ਏ) ਵਿੱਚੋ ਪੂਰਵੀ, ਲਵਜੋਤ, ਪੰਜਵੀਂ (ਬੀ) ਵਿੱਚੋ ਮੋਨਿਕਾ, ਕਰਨ, ਚੌਥੀ ਵਿੱਚੋਂ ਅਰਸ਼ਦੀਪ, ਭਵਦੀਪ, ਤੀਜੀ ਤੋਂ ਹਰਦੀਪ ਕੌਰ, ਨਵਦੀਪ ਸਿੰਘ ਜੇਤੂ ਰਹੇ। ਅੰਤ ਵਿੱਚ, ਪ੍ਰਿੰਸੀਪਲ ਸ੍ਰੀ ਅਮਿਤ ਡੋਗਰਾ ਜੀ ਨੇ ਜੇਤੂ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ਅਤੇ ਪ੍ਰਧਾਨ ਮੰਤਰੀ, ਰਾਸ਼ਟਰਪਤੀ, ਉਪ ਮੰਤਰੀ ਆਦਿ ਦੇ ਅਹੁਦਿਆਂ ਦੀ ਨਿਯੁਕਤੀ ਬਾਰੇ ਜਾਣਕਾਰੀ ਦਿੱਤੀ।