ਰਾਜਸਥਾਨ ਦੇ ਡਾਕਟਰ ਜੋੜੇ ਦਾ ਕਤਲ ਇਸ ਕਰ ਕੇ ਹੋਇਆ ?

ਭਰਤਪੁਰ: ਬੀਤੇ ਕਲ ਰਾਜਸਥਾਨ ਦੇ ਭਰਤਪੁਰ ਇਲਾਕੇ ਵਿਚ ਇਕ ਡਾਕਟਰ ਜੋੜੇ ਦਾ ਗੋਲੀਆਂ ਮਾਰ ਕੇ ਕਤਲ ਕਰ ਦਿਤਾ ਗਿਆ ਸੀ ਅਤੇ ਇਸ ਵਾਰਦਾਤ ਦੀ ਰਿਕਾਰਡਿੰਗ ਇਕ ਸੀਸੀਟੀਵੀ ਵਿਚ ਕੈਦ ਹੋ ਗਈ ਸੀ। ਹੁਣ ਪੁਲਿਸ ਨੇ ਇਨ੍ਹਾਂ ਦੀ ਪਛਾਣ ਕਰ ਲਈ ਹੈ ਅਤੇ ਉਨ੍ਹਾਂ ਦੀ ਭਾਲ ਵਿਚ ਥਾਂ ਥਾਂ ਛਾਪੇ ਮਾਰੇ ਜਾ ਰਹੇ ਹਨ ਪਰ ਪੁਲਿਸ ਨੂੰ ਕੋਈ ਸੁਰਾਗ ਨਹੀਂ ਮਿਲਿਆ। ਭਰਤਪੁਰ ਆਈਜੀ ਨੇ ਖੁਲਾਸਾ ਕੀਤਾ ਕਿ ਇਹ ਮ੍ਰਿਤਕ ਡਾਕਟਰ ਪਹਿਲਾਂ ਹੀ ਦੋਹਰੇ ਕਤਲ ਕੇਸ ਵਿੱਚ ਜੇਲ੍ਹ ਦੀ ਸਜ਼ਾ ਸੁਣ ਚੁੱਕੇ ਹਨ। ਮਿਲੀ ਜਾਣਕਾਰੀ ਅਨੁਸਾਰ ਮ੍ਰਿਤਕ ਡਾਕਟਰ ਸੰਦੀਪ ਗੁਪਤਾ ਦੇ ਬੇਟੇ ਦਾ ਸਾਲ 2019 ਵਿਚ ਕਤਲ ਕਰ ਦਿੱਤਾ ਗਿਆ ਸੀ, ਜਿਸ ਵਕਤ ਇਹ ਕਤਲ ਹੋਇਆ ਸੀ ਉਸ ਵਕਤ ਉਸ ਨਾਲ ਇੱਕ ਲੜਕੀ ਵੀ ਸੀ ਅਤੇ ਦੋਵਾਂ ਦੀ ਮੌਤ ਹੋ ਗਈ ਸੀ। ਇਸੇ ਲੜਕੀ ਦੇ ਭਰਾ ਨੂੰ ਨੂੰ ਡਾਕਟਰ 'ਤੇ ਸ਼ੱਕ ਸੀ। ਇਸ ਘਰ ਨੂੰ ਅੱਗ ਲਾਉਣ ਦਾ ਦੋਸ਼ੀ ਡਾਕਟਰ ਨੂੰ ਮੰਨਿਆ ਗਿਆ ਨਾਲ ਹੀ ਦੱਸ ਦਈਏ ਕਿ ਇਹ ਘਰ ਡਾਕਟਰ ਨੇ ਹੀ ਆਪਣੀ ਪ੍ਰੇਮਿਕਾ ਨੂੰ ਦਿੱਤਾ ਸੀ। ਵਿਆਹ ਤੋਂ ਮਗਰੋਂ ਵੀ ਡਾਕਟਰ ਦਾ ਬਾਹਰ ਅਫੇਅਰ ਸੀ। ਇੱਕ ਦਿਨ ਉਸ ਨੇ ਘਰ ਨੂੰ ਅੱਗ ਲੱਗੀ ਅਤੇ ਇਸ ਵਿਚ ਡਾਕਟਰ ਦੀ ਪ੍ਰੇਮਿਕਾ ਅਤੇ ਉਸ ਦਾ ਬੇਟਾ ਮਾਰਿਆ ਗਿਆ। ਮ੍ਰਿਤਕਾ ਦੇ ਪਰਿਵਾਰਕ ਮੈਂਬਰਾਂ ਨੂੰ ਇਸ ਕਤਲ ਦਾ ਪੂਰਾ ਸ਼ੱਕ ਡਾਕਟਰ 'ਤੇ ਹੈ।
ਹੁਣ ਤਾਜ਼ਾ ਘਟਨਾ ਵਿਚ ਸ਼ੁੱਕਰਵਾਰ ਨੂੰ ਭਰਤਪੁਰ ਵਿਚ ਬਦਮਾਸ਼ਾਂ ਨੇ ਡਾਕਟਰ ਜੋੜੇ ਨੂੰ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ। ਡਾਕਟਰ ਜੋੜੇ ਦੀ ਹੱਤਿਆ ਕਰਨ ਵਾਲੇ ਬਦਮਾਸ਼ਾਂ ਦੀ ਇਹ ਹਰਕਤ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ। ਸੀਸੀਟੀਵੀ ਫੁਟੇਜ ਵਿਚ ਅਨੁਜ ਦੇ ਨਾਲ ਵੇਖੇ ਗਏ ਵਿਅਕਤੀ ਦਾ ਨਾਂ ਮਹੇਸ਼ ਦੱਸਿਆ ਜਾਂਦਾ ਹੈ, ਇਹ ਦੋਵੇਂ ਡਾਕਟਰ ਕੱਪਲ ਨੂੰ ਗੋਲੀ ਮਾਰਨ ਤੋਂ ਬਾਅਦ ਫਰਾਰ ਹਨ, ਜਦੋਂਕਿ ਰਾਜਸਥਾਨ ਪੁਲਿਸ ਦੋਵਾਂ ਦੀ ਪਛਾਣ ਕਰ ਇਨ੍ਹਾਂ ਨੂੰ ਲੱਭਣ ਦੀ ਕੋਸ਼ਿਸ਼ ਕਰ ਰਹੀ ਹੈ।