ਕਦੇ ਵੀ ਖ਼ਰਾਬ ਨਹੀਂ ਹੋਵੇਗਾ ਇਨਵਰਟਰ, ਅੱਜ ਤੋਂ ਹੀ ਇਹ ਤਕਨੀਕ ਅਪਣਾਉ

ਨਵੀਂ ਦਿੱਲੀ : ਅੱਜ ਦੇ ਸਮੇਂ ਬਹੁਤੇ ਲੋਕ ਇਨਵਰਟਰ ਦੀ ਵਰਤੋਂ ਕਰਦੇ ਹਨ। ਇਹ ਖ਼ਾਸ ਤੌਰ ’ਤੇ ਗਰਮੀ ਦੇ ਮੌਸਮ ਵਿਚ ਕੰਮ ਆਉਂਦਾ ਹੈ। ਗਰਮੀ ਦਾ ਮੌਸਮ ਚੱਲ ਰਿਹਾ ਹੈ ਅਤੇ ਅੱਜਕਲ ਕਈ ਥਾਈਂ ਬਿਜਲੀ ਦੇ ਕੱਟ ਵੀ ਲੱਗ ਰਹੇ ਹਨ। ਅਜਿਹੇ ਵਿਚ ਜੇ ਇਨਵਰਟਰ ਨਾ ਹੋਵੇ ਤਾਂ ਲੋਕ ਲਾਈਟ, ਪੱਖੇ, ਫ਼ਰਿੱਜ ਨਹੀਂ ਚਲਾ ਸਕਣਗੇ। ਨਾਲ ਹੀ ਅੱਜਕਲ ਚੱਲ ਰਹੇ ਵਰਕ ਫ਼ਰੌਮ ਹੋਮ ਸਿਸਟਮ ਵਿਚ ਵੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਨਵਰਟਰ ਦੀ ਸਹੀ ਦੇਖਭਾਲ ਬਹੁਤ ਜ਼ਰੂਰੀ ਹੈ। ਕਦੇ ਵੀ ਇਨਵਰਟਰ ’ਤੇ ਜ਼ਿਆਦਾ ਲੋਡ ਨਹੀਂ ਦੇਣਾ ਚਾਹੀਦਾ। ਜੇ ਇਨਵਰਟਰ 500 ਬੋਲਟ ਇੰਪੀਰੀਅਰ ਦਾ ਹੈ ਤਾਂ ਲੋਡ 380 ਵਾਟ ਤੋਂ ਜ਼ਿਆਦਾ ਨਾ ਹੋਵੇ। ਇਨਵਰਟਰ ਨੂੰ ਅਜਿਹੀ ਜਗ੍ਹਾ ਰੱਖੋ ਜਿਥੇ ਉਸ ਨੂੰ ਚੰਗੀ ਤਰ੍ਹਾਂ ਹਵਾ ਮਿਲ ਸਕੇ। ਇਸ ਨੂੰ ਕੰਧ ਨਾਲ ਲਾ ਕੇ ਬਿਲਕੁਲ ਨਾ ਰੱਖੋ। ਇਸ ’ਤੇ ਕੋਈ ਕਪੜਾ ਨਾ ਲਪੇਟੋ। ਇਸ ਕਾਰਨ ਇਨਵਰਟਰ ਦੇ ਸੜ ਜਾਣ ਦੀ ਸੰਭਾਵਨਾ ਰਹਿੰਦੀ ਹੈ। ਇਨਟਵਰਟਰ ਦੀ ਬੈਟਰੀ ਦੀ ਵੀ ਅਹਿਮੀਅਤ ਹੁੰਦੀ ਹੈ। ਬੈਟਰੀ ਦਾ ਪਾਣੀ ਇਕ ਤੋਂ ਦੋ ਮਹੀਨੇ ਅੰਦਰ ਚੈਕ ਕਰਦੇ ਰਹੋ। ਜੇ ਘੱਟ ਹੋ ਜਾਵੇ ਤਾਂ ਪਾਣੀ ਬਦਲ ਦਿਉ। ਜੇ ਬੈਟਰੀ ਜ਼ਿਆਦਾ ਪੁਰਾਣੀ ਹੋ ਜਾਵੇ ਤਾਂ ਉਸ ਨੂੰ ਬਦਲ ਦਿਉ ਕਿਉਂਕਿ ਪੁਰਾਣੀ ਬੈਟਰੀ ਜ਼ਿਆਦਾ ਲੋਡ ਨਹੀਂ ਲੈ ਸਕਦੀ। ਕਦੇ ਵੀ ਇਨਵਰਟਰ ਨੂੰ ਗਿੱਲੇ ਕਪੜੇ ਨਾਲ ਸਾਫ਼ ਨਾ ਕਰੋ ਜਿਸ ਕਾਰਨ ਇਸ ਵਿਚ ਖ਼ਰਾਬੀ ਹੋ ਸਕਦੀ ਹੈ ਜਾਂ ਸੜ ਵੀ ਸਕਦਾ ਹੈ। ਇਸ ਨੂੰ ਸੁੱਕੇ ਕਪੜੇ ਨਾਲ ਸਾਫ਼ ਕਰੋ।