ਨਵੀਂ ਦਿੱਲੀ: ਭਾਰਤ ਦੇਸ਼ ਵਿਚ ਕੋਰੋਨਾ ਦੇ ਨਾਲ ਨਾਲ ਬਲੈਕ ਫ਼ੰਗਸ ਦੇ ਮਾਮਲੇ ਵੱਧ ਰਹੇ ਹਨ ਅਤੇ ਸਰਕਾਰਾਂ ਵੀ ਚੌਕੰਨੀਆਂ ਹੋਈਆਂ ਹਨ। ਇਥੇ ਦਸ ਦਈਏ ਕਿ ਦੇਸ਼ ਦੇ 18 ਸੂਬਿਆਂ 'ਚ Black Fungus ਦੇ ਹੁਣ ਤਕ ਕੁੱਲ 5424 ਮਾਮਲੇ ਆਏ ਹਨ ਜਿੰਨ੍ਹਾਂ 'ਚ ਸਭ ਤੋਂ ਜ਼ਿਆਦਾ ਮਾਮਲੇ ਗੁਜਰਾਤ ਤੇ ਮਹਾਰਾਸ਼ਟਰ ਦੇ ਹਨ। ਇਹ ਜਾਣਕਾਰੀ ਕੇਂਦਰੀ ਸਿਹਤ ਮੰਤਰੀ ਹਰਸ਼ਵਰਧਨ ਨੇ ਦਿੱਤੀ। ਹਰਸ਼ਵਰਧਨ ਨੇ ਕਿਹਾ, 'ਹੁਣ ਤਕ ਅਸੀਂ ਦੇਸ਼ਵਾਸੀਆਂ ਨੂੰ Corona ਟੀਕੇ ਦੀਆਂ 19-6 ਕਰੋੜ ਖੁਰਾਕਾਂ ਦੇ ਚੁੱਕੇ ਹਾਂ। ਸੂਬਿਆਂ ਕੋਲ ਹੁਣ ਵੀ 60 ਲੱਖ ਖੁਰਾਕਾਂ ਮੌਜੂਦ ਹਨ ਤੇ 21 ਲੱਖ ਖੁਰਾਕ ਮੁਹੱਈਆ ਕਰਾਉਣ ਦੀ ਪ੍ਰਕਿਰਿਆ 'ਚ ਹੈ।' ਉਨ੍ਹਾਂ ਦੱਸਿਆ, 'ਐਮਫੋਟੇਰਿਸਿਨ-ਬੀ ਇੰਜੈਕਸ਼ਨ ਦੀਆਂ 9 ਲੱਖ ਖੁਰਾਕਾਂ ਕੇਂਦਰ ਸਰਕਾਰ ਨੇ ਬਲੈਕ ਫੰਗਸ ਦਾ ਇਲਾਜ ਕਰਨ ਲਈ ਆਯਾਤ ਕੀਤੀਆਂ ਹਨ। ਇਨ੍ਹਾਂ 'ਚ 50 ਹਜ਼ਾਰ ਖੁਰਾਕਾਂ ਪ੍ਰਾਪਤ ਹੋ ਚੁੱਕੀਆਂ ਹਨ ਤੇ ਤਿੰਨ ਲੱਖ ਵਾਧੂ ਖੁਰਾਕਾਂ ਪ੍ਰਾਪਤ ਹੋ ਚੁੱਕੀਆਂ ਹਨ ਤੇ ਤਿੰਨ ਲੱਖ ਵਾਧੂ ਖੁਰਾਕਾਂ ਅਗਲੇ ਸੱਤ ਦਿਨਾਂ 'ਚ ਉਪਲਬਧ ਹੋ ਜਾਣਗੀਆਂ। ਉਨ੍ਹਾਂ ਦੱਸਿਆ ਮਿਊਕੋਰਮਾਇਕੋਸਿਸ ਦੇ 5,424 ਮਾਮਲਿਆਂ 'ਚ 4,556 ਮਰੀਜ਼ ਕੋਰੋਨਾ ਵਾਇਰਸ ਨਾਲ ਇਨਫੈਕਟਡ ਹੋਏ ਸਨ ਜਦਕਿ 875 ਮਰੀਜ਼ ਅਜਿਹੇ ਹਨ ਜਿੰਨ੍ਹਾਂ ਨੂੰ ਕੋਵਿਡ-19 ਦੀ ਬਿਮਾਰੀ ਨਹੀਂ ਹੋਈ ਸੀ। ਉੱਥੇ ਹੀ 55 ਫੀਸਦ ਮਰੀਜ਼ ਮਧੂਮੇਹ ਦੀ ਬਿਮਾਰੀ ਤੋਂ ਪੀੜਤ ਸਨ।
Black Fungus ਦੇ ਦੇਸ਼ ਵਿਚ ਅੰਕੜੇ
ਗੁਜਰਾਤ 'ਚ ਬਲੈਕ ਫੰਗਸ ਦੇ 2165 ਮਾਮਲੇ
ਮਹਾਰਾਸ਼ਟਰ 'ਚ 1188 ਮਾਮਲੇ
ਉੱਤਰ ਪ੍ਰਦੇਸ਼ 'ਚ 663 ਮਾਮਲੇ
ਮੱਧ ਪ੍ਰਦੇਸ਼ 'ਚ 590 ਮਾਮਲੇ
ਹਰਿਆਣਾ 'ਚ 339 ਮਾਮਲੇ
ਆਂਧਰਾ ਪ੍ਰਦੇਸ਼ 'ਚ 248 ਮਾਮਲੇ
ਪੰਜਾਬ 'ਚ 116 ਮਾਮਲੇ