ਨਵੀਂ ਦਿੱਲੀ : Corona ਇਨਫੈਕਸ਼ਨ ਨੂੰ ਰੋਕਣ ਲਈ ਭਾਰਤ ਸਰਕਾਰ ਦੇ ਮੁੱਖ ਸਾਈਂਟਿਫਿਕ ਨੇ ਵੀਰਵਾਰ ਨੂੰ ਇਕ ਐਡਵਾਈਜ਼ਰੀ ਜਾਰੀ ਕੀਤੀ ਗਈ ਜਿਸ 'ਚ ਬਿਹਤਰ ਵੈਂਟੀਲੇਸ਼ਨ ਨੂੰ ਅਹਿਮ ਦੱਸਿਆ ਗਿਆ ਹੈ। ਇਸ ਮੁਤਾਬਿਕ, ਖਰਾਬ ਵੈਂਟੀਲੇਸ਼ਨ ਵਾਲੇ ਘਰਾਂ ਤੇ ਆਫਿਸ ਆਦਿ 'ਚ ਵਾਇਰਸ ਵਾਲੀ ਇਨਫੈਕਟਿਡ ਹਵਾ ਰਹਿੰਦੀ ਹੈ। ਚੰਗੇ ਵੈਂਟੀਲੇਸ਼ਨ ਤੋਂ ਇਨਫੈਕਸ਼ਨ ਹੋਣ ਦਾ ਖ਼ਤਰਾ ਘੱਟ ਹੋ ਜਾਂਦਾ ਹੈ। ਇਸ ਐਡਵਾਈਜ਼ਰੀ 'ਚ ਮਾਸਕ, ਸਰੀਰਕ ਦੂਰੀ, ਸਫਾਈ ਤੇ ਵੈਂਟੀਲੇਸ਼ਨ 'ਤੇ ਜ਼ੋਰ ਦਿੱਤਾ ਗਿਆ ਹੈ। ਇਸ 'ਚ ਇਹ ਉਦਾਹਰਨ ਦਿੱਤਾ ਗਿਆ ਹੈ ਕਿ ਕਿਸੇ ਤਰ੍ਹਾਂ ਦੀ ਗੰਧ ਨੂੰ ਦੂਰ ਕਰਨ ਲਈ ਅਸੀਂ ਘਰਾਂ 'ਚ ਖਿੜਕੀਆਂ ਖੋਲ੍ਹ ਦਿੰਦੇ ਹਾਂ ਤੇ ਐਗਜਾਸਟ ਸਿਸਟਮ ਦਾ ਇਸਤੇਮਾਲ ਕਰਦੇ ਹਾਂ ਉਸੇ ਤਰ੍ਹਾਂ ਇਨਫੈਕਟਿਡ ਹਵਾ ਨੂੰ ਸ਼ੁੱਧ ਕਰਨ ਲਈ ਵੈਂਟੀਲੇਸ਼ਨ ਵਧੀਆ ਹੱਲ ਹੈ।
ਐਡਵਾਈਜ਼ਰੀ 'ਚ ਵੈਂਟੀਲੇਸ਼ਨ ਨੂੰ ਕਮਿਊਨਿਟੀ ਡਿਫੈਂਸ ਕਰਾਰ ਦਿੰਦਿਆਂ ਕਿਹਾ ਗਿਆ ਕਿ ਇਹ ਸਾਨੂੰ ਘਰਾਂ ਤੇ ਦਫ਼ਤਰਾਂ 'ਚ ਇਨਫੈਕਸ਼ਨ ਦੇ ਖ਼ਤਰੇ ਤੋਂ ਬਚਾਏਗਾ। ਨਾਲ ਹੀ ਕ੍ਰਾਸ ਵੈਂਟੀਲੇਸ਼ਨ ਯਾਨੀ ਅੰਦਰ ਆਉਣ ਵਾਲੀ ਹਵਾ ਦਾ ਬਾਹਰ ਨਿਕਲਣਾ ਤੇ ਐਗਜਾਸਟ ਫੈਨ ਦੀ ਭੂਮਿਕਾ ਨੂੰ ਇਨਫੈਕਸ਼ਨ ਤੋਂ ਬਚਾਅ ਲਈ ਮਹਤੱਵਪੂਰਨ ਦੱਸਿਆ ਗਿਆ ਹੈ। ਇਸ ਮੁਤਾਬਿਕ, ਇਨਫੈਕਟਿਡ ਮਰੀਜ਼ ਦੇ ਖੰਘਣ, ਛੀਂਕਣ ਜਾਂ ਕਿਸੇ ਹੋਰ ਤਰੀਕੇ ਤੋਂ ਨਿਕਲੇ ਡਰਾਪਲੇਟ ਰਾਹੀਂ ਕੋਰੋਨਾ ਵਾਇਰਸ ਹਵਾ 'ਚ ਪਹੁੰਚ ਜਾਂਦਾ ਹੈ। ਬਗ਼ੈਰ ਲੱਛਣ ਵਾਲੇ ਕੋਵਿਡ ਪਾਜ਼ੇਟਿਵ ਵਿਅਕਤੀ ਤੋਂ ਵੀ ਇਨਫੈਕਸ਼ਨ ਫੈਲ ਸਕਦਾ ਹੈ। ਲੋਕਾਂ ਲਈ ਮਾਸਕ ਪਾਉਣਾ ਜ਼ਰੂਰੀ ਹੈ, ਉਹ ਵੀ ਡਬਲ ਮਾਸਕ ਜਾਂ N95 ਮਾਸਕ।