ਮੋਹਾਲੀ: ਸਰਦਾਰ ਸਵਰਨ ਸਿੰਘ ਮੋਂਗੀਆ (92) ਸੇਵਾ ਮੁਕਤ, ਇੰਜੀਨੀਅਰ ਇਨ ਚੀਫ, ਰਾਤੀ 12.30 ਵਜੇ ਫੋਰਟਿਸ ਹਸਪਤਾਲ ਚ ਪੂਰੇ ਹੋ ਗਏ ਹਨ। ਓਹਨਾ ਦਾ ਜਨਮ ਲਾਇਲਪੁਰ, ਪਾਕਿਸਤਾਨ 'ਚ 1932 'ਚ ਸਰਦਾਰ ਸਰੂਪ ਸਿੰਘ ਮੋਂਗੀਆ ਦੇ ਘਰ ਹੋਇਆ। ਬਟਵਾਰੇ ਤੋਂ ਬਾਦ ਮੋਂਗੀਆ ਪਰਿਵਾਰ ਫਰੀਦਕੋਟ ਰਹਿਣ ਲੱਗਾ। ਸਖ਼ਤ ਮਿਹਨਤ ਕਰਕੇ ਓਹਨਾਂ ਨੇ ਬਨਾਰਸ ਯੂਨੀਵਰਸਿਟੀ ਤੋਂ ਵਿਦਿਆ ਪੂਰੀ ਕੀਤੀ। ਸਰਦਾਰ ਮੌਂਗੀਆ ਸਿੱਖ ਸਿਆਸਤ ਚ ਡੂੰਘੀ ਦਿਲਚਸਪੀ ਰੱਖਦੇ ਰਹੇ ਅਤੇ ਵਿਦਿਆਥੀਆਂ ਜੀਵਨ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਚ ਵੀ ਸਰਗਰਮ ਰਹੇ। ਓਹਨਾ ਦਾ ਭਤੀਜਾ ਆਰ ਐਸ ਮੋਂਗੀਆ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਜੱਜ ਰਹੇ ਅਤੇ ਅਸਾਮ ਹਾਈ ਕੋਰਟ ਤੋਂ ਚੀਫ਼ ਜਸਟਿਸ ਬਣਕੇ ਸੇਵਾ ਮੁਕਤ ਹੋਏ। ਸਰਦਾਰ ਮੋਂਗੀਆ ਦੇ ਦੋ ਬੇਟੇ ਅਤੇ ਇੱਕ ਬੇਟੀ ਆਪਣਾ ਖੁਸ਼ਾਲ ਜੀਵਨ ਗੁਜ਼ਾਰ ਰਹੇ ਹਨ।