ਮਾਲੇਰਕੋਟਲਾ : ਅੱਜ ਇੱਥੇ ਦੀ ਰੈਵੀਨਿਊ ਕਾਨੂੰਗੋ ਐਸੋਸੀਏਸ਼ਨ ਪੰਜਾਬ ਦੇ ਆਦੇਸ਼ ਮੁਤਾਬਕ ਜਿ਼ਲ੍ਹਾ ਮਾਲੇਰਕੋਟਲਾ ਦੇ ਕਾਨੂੰਗੋ ਸਹਿਬਾਨ ਦਾ ਚੋਣ ਇਜਲਾਸ ਕਰਵਾਇਆ ਗਿਆ ਜਿਸ ਵਿੱਚ ਮੁੜ ਸਰਵਸੰਮਤੀ ਨਾਲ ਕਾਨੂੰਗੋ ਵਿਜੈਪਾਲ ਸਿੰਘ ਢਿੱਲੋਂ ਨੂੰ ਜਿ਼ਲ੍ਹਾ ਪ੍ਰਧਾਨ ਅਤੇ ਕਰਮਜੀਤ ਸਿੰਘ ਵੈਦ ਨੂੰ ਜਨਰਲ ਸਕੱਤਰ, ਜਗਦੀਪ ਸਿੰਘ ਸਿੱਧੂ ਨੂੰ ਖਜਾਨਚੀ, ਅਤੇ ਹਰਵੀਰ ਸਿੰਘ ਢੀਂਡਸਾ ਨੂੰ ਨੁਮਾਇੰਦਾ ਪੰਜਾਬ ਚੁਣਿਆ ਗਿਆ। ਇਸ ਚੋਣ ਇਜਲਾਸ ਵਿੱਚ ਵਿਸ਼ੇ਼ਸ ਤੌਰ ਤੇ ਬਲਜੀਤ ਸਿੰਘ ਸੇਵਾ ਮੁਕਤ ਕਾਨੂੰਗੋ ਅਤੇ ਪਟਵਾਰ ਯੂਨੀਅਨ ਮਾਲੇਰਕੋਟਲਾ ਵੱਲੋਂ ਦੀਦਾਰ ਸਿੰਘ ਛੋਕਰ, ਤਹਿਸੀਲ ਪ੍ਰਧਾਨ ਹਰਜੀਤ ਸਿੰਘ ਰਾਹੀ, ਤਹਿਸੀਲ ਪ੍ਰਧਾਨ ਅਮਰਗੜ੍ਹ ਦੁਸਯੰਤ ਸਿੰਘ ਰਾਕਾ, ਹਰਦੀਪ ਸਿੰਘ ਰਾਜੂ ਮੰਡੇਰ, ਗੁਰਿੰਦਰ ਸਿੰਘ ਰਾਏ, ਕਰਨ ਅਜੈ ਪਾਲ ਸਿੰਘ ਸੋਪਲ ਵਿਸ਼ੇ਼ਸ ਤੌਰ ਤੇ ਪੁੱਜੇ।ਇਸ ਚੋਣ ਇਜਲਾਸ ਦੌਰਾਨ ਵਿਜੈਪਾਲ ਸਿੰਘ ਢਿੱਲੋਂ ਨੇ ਪਿਛਲੇ ਸਾਲਾਂ ਦਾ ਲੇਖਾ ਜੋਖਾ ਪੇਸ਼ ਕੀਤਾ ਅਤੇ ਆਪਣੀ ਬਾਡੀ ਨੂੰ ਭੰਗ ਕੀਤਾ ਅਤੇ ਹਾਜਰ ਆਏ ਨੁਮਾਇੰਦੀਆਂ ਨੂੰ ਨਵੀਂ ਬਾਡੀ ਦੀ ਚੋਣ ਕਰਾਉਣ ਸਬੰਧੀ ਬੇਨਤੀ ਕੀਤੀ। ਇਸ ਮੌਕੇ ਚੋਣ ਕਰਾਉਣ ਆਏ ਨੁਮਾਇੰਦੀਆ ਨੇ ਚੋਣ ਦੀ ਪ੍ਰਕੀਰਿਆ ਸੁਰੂ ਕੀਤੀ ਅਤੇ ਹਾਜਰ ਕਾਨੂੰਨਗੋ ਨੇ ਮੁੜ ਵਿਜੈ ਪਾਲ ਸਿੰਘ ਨੂੰ 2 ਸਾਲ ਲਈ ਜਿ਼ਲ੍ਹਾ ਪ੍ਰਧਾਨ ਚੁਣ ਲਿਆ ਅਤੇ ਰਣਜੀਤ ਸਿੰਘ ਅੋਲਖ ਨੂੰ ਸੀਨੀਅਰ ਮੀਤ ਪ੍ਰਧਾਨ 1, ਹਰਿੰਦਰਜੀਤ ਸਿੰਘ ਸੋਹੀ ਨੂੰ ਸੀਨੀਅਰ ਮੀਤ ਪ੍ਰਧਾਨ 2, ਕਰਮਜੀਤ ਸਿੰਘ ਵੈਦ ਨੂੰ ਜਨਰਲ ਸਕੱਤਰ, ਜਗਦੀਪ ਸਿੰਘ ਸਿੱਧੂ ਨੂੰ ਖਜਾਨਚੀ,ਚਮਕੌਰ ਸਿੰਘ ਸਹਾਇਕ ਜਰਨਲ ਸਕੱਤਰ ਅਤੇ ਸਹਾਇਕ ਖਜਾਨਚੀ ਅਤੇ ਰਣਜੀਤ ਸਿੰਘ ਨੂੰ ਪ੍ਰੈਸ ਸਕੱਤਰ, ਅਜੈ ਕੁਮਾਰ ਅਤੇ ਹਰਵੀਰ ਸਿੰਘ ਢੀਂਡਸਾ ਨੂੰ ਨੁਮਾਇੰਦਾ ਪੰਜਾਬ ਚੁਣਿਆ ਗਿਆ।ਇਸ ਮੌਕੇ ਬਲਜੀਤ ਸਿੰਘ ਸੇਵਾ ਮੁਕਤ ਕਾਨੂੰਗੋ ਅਤੇ ਪਟਵਾਰ ਯੂਨੀਅਨ ਮਾਲੇਰਕੋਟਲਾ ਵੱਲੋਂ ਦੀਦਾਰ ਸਿੰਘ ਛੋਕਰ, ਤਹਿਸੀਲ ਪ੍ਰਧਾਨ ਹਰਜੀਤ ਸਿੰਘ ਰਾਹੀ, ਤਹਿਸੀਲ ਪ੍ਰਧਾਨ ਅਮਰਗੜ੍ਹ ਦੁਸਯੰਤ ਸਿੰਘ ਰਾਕਾ, ਹਰਦੀਪ ਸਿੰਘ ਰਾਜੂ ਮੰਡੇਰ, ਗੁਰਿੰਦਰ ਸਿੰਘ ਰਾਏ, ਕਰਨ ਅਜੈ ਪਾਲ ਸਿੰਘ ਸੋਪਲ ਨੇ ਕਾਨੂੰਗੋ ਐਸੋਸੀਏਸ਼ਨ ਦੇ ਸਮੂਹ ਅਹੁੱਦੇਦਾਰਾਂ ਨੂੰ ਮੁਬਾਕਬਾਦ ਦਿੰਦਿਆ ਉਮੀਦ ਪ੍ਰਗਟਾਈ ਕੀ ਜਥੇਬੰਦੀ ਦੀ ਚੜ੍ਹਦੀਕਲਾਂ ਲਈ ਅਤੇ ਮੁਲਾਜਮਾਂ ਦੀਆਂ ਹੱਕੀ ਮੰਗਾਂ ਲਈ ਵੱਧ ਚੜ੍ਹ ਕੇ ਕੰਮ ਕਰਨਗੇ। ਜਿ਼ਲ੍ਹਾ ਪ੍ਰਧਾਨ ਵਿਜੈਪਾਲ ਸਿੰਘ ਢਿੱਲੋਂ ਨੇ ਹਾਜਰ ਕਾਨੂੰਗੋ ਅਤੇ ਨੁਮਾਇੰਦੀਆਂ ਨੂੰ ਵਿਸ਼ਵਾਸ਼ ਦਿਲਵਾਇਆ ਕਿ ਜੋ ਮੁੜ ਜਿ਼ਲ੍ਹਾ ਪ੍ਰਧਾਨ ਬਣਾ ਕੇ ਵਿਸ਼ਵਾਸ਼ ਪ੍ਰਗਟਾਇਆ ਹੈ ਉਸ ਨੂੰ ਕਾਇਮ ਰੱਖਿਆ ਜਾਵੇਗਾ ਅਤੇ ਸਾਰੇ ਸਾਥੀਆਂ ਦੀ ਮਦਦ ਨਾਲ ਜਥੇਬੰਦੀ ਦੀ ਚੜ੍ਹਦੀਕਲਾਂ ਲਈ ਨਿਰਪੱਖ ਤਰੀਕੇ ਨਾਲ ਕੰਮ ਕਰਨਗੇ ਅਤੇ ਮੁਲਾਜਮਾਂ ਦੀਆਂ ਹੱਕੀ ਮੰਗਾਂ ਸਬੰਧੀ ਪੰਜਾਬ ਬਾਡੀ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਕੰਮ ਕਰਦੇ ਰਹਿਣਗੇ।