ਐਸ ਏ ਐਸ ਨਗਰ : ਸੈਮਰਾਕ ਸੀਨੀਅਰ ਸੈਕੰਡਰੀ ਸਕੂਲ, ਸੈਕਟਰ 69 ਦੇ ਖਿਡਾਰੀਆਂ ਨੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋਂ ਮਾਨਵ ਰਚਨਾ ਇੰਟਰਨੈਸ਼ਨਲ ਸਕੂਲ, ਸੈਕਟਰ 82 ਵਿੱਚ ਕਰਵਾਏ ਅੰਤਰ ਜ਼ਿਲ੍ਹਾ ਟੈਨਿਸ ਟੂਰਨਾਮੈਂਟ ਵਿਚ ਸਕੂਲ ਦੀ ਅੰਡਰ 19 ਲੜਕੇ ਵਰਗ ਦੀ ਟੀਮ ਦੇ ਵਿਦਿਆਰਥੀਆਂ ਸ਼੍ਰੀਹਨ ਕੋਹਲੀ, ਰਿਤਵਿਕ ਮਹਾਜਨ, ਰਘੂ ਨੰਦਨ ਸਿੰਘ, ਗੁਰਕਰਨਜੀਤ ਸਿੰਘ, ਅਤੇ ਕਵਣ ਭਾਰਦਵਾਜ ਨੇ ਪੰਜ ਸੋਨ ਤਗਮੇ ਹਾਸਲ ਕੀਤੇ ਹਨ। ਇਸ ਸਭ ਗਿਆਰ੍ਹਵੀਂ ਜਮਾਤ ਦੇ ਵਿਦਿਆਰਥੀ ਹਨ।
ਸਕੂਲ ਦੇ ਬੁਲਾਰੇ ਨੇ ਦੱਸਿਆ ਕਿ ਇਸਦੇ ਨਾਲ ਹੀ ਸਕੂਲ ਦੀ ਅੰਡਰ 14 ਲੜਕਿਆਂ ਦੀ ਫੁੱਟਬਾਲ ਟੀਮ ਨੇ ਸੇਂਟ ਜੇਵੀਅਰਜ਼ ਸਕੂਲ, ਸੈਕਟਰ 44, ਚੰਡੀਗੜ੍ਹ ਵਲੋਂ ਆਯੋਜਿਤ ਵੀ. ਵੀ਼ ਡੀ਼ ਰੋਜ਼ਾਰੀਓ ਸਿਕਸ ਏ ਸਾਈਡ ਸਾਕਰ ਟੂਰਨਾਮੈਂਟ ਜਿੱਤ ਕੇ ਟ੍ਰਾਫੀ ਆਪਣੇ ਨਾਮ ਕੀਤੀ ਹੈ। ਇਸ ਟੀਮ ਵਿੱਚ ਖਿਡਾਰੀ ਕਰਮਨਜੀਤ ਸਿੰਘ, ਗੁਰਨੂਰ ਸਿੰਘ, ਆਰਵ ਸਿੰਘ ਬਰਾੜ, ਗੁਰਸ਼ਾਨ ਸਿੰਘ, ਸੁਖਪਾਲ ਸਿੰਘ, ਸ: ਨਿਤਿਨ, ਹਰਮਨਦੀਪ ਸਿੰਘ, ਈਸ਼ਾਨ, ਸਨਬੀਰ ਸਿੰਘ ਸ਼ਾਮਿਲ ਸਨ।
ਸਕੂਲ ਦੇ ਪ੍ਰਿੰਸੀਪਲ ਪ੍ਰਨੀਤ ਸੋਹਲ, ਐਮ. ਡੀ ਕਰਨ ਬਾਜਵਾ, ਚੇਅਰਮੈਨ ਏ.ਐੱਸ. ਬਾਜਵਾ ਨੇ ਵਿਦਿਆਰਥੀਆਂ ਦੀਆਂ ਇਹਨਾਂ ਪ੍ਰਾਪਤੀਆਂ ਤੇ ਉਹਨਾਂ ਨੂੰ ਵਧਾਈ ਦਿੱਤੀ।