ਸੁਨਾਮ : ਗਣੇਸ਼ ਉਤਸਵ ਮੌਕੇ ਭਗਵਾਨ ਗਣੇਸ਼ ਦੀ ਮੂਰਤੀ ਵਿਸਰਜਨ ਕਰਨ ਲਈ ਸ਼ਹਿਰ ਦੇ ਵੱਖ-ਵੱਖ ਮੁਹੱਲਿਆਂ ਅਤੇ ਮੰਦਰਾਂ ਤੋਂ ਨਹਿਰਾਂ ਤੱਕ ਲਿਜਾਈ ਗਈ। ਇਸ ਦੌਰਾਨ ਕੱਢੀ ਸ਼ੋਭਾ ਯਾਤਰਾ ਵਿੱਚ ਸ਼ਰਧਾਲੂਆਂ ਨੇ ਭਰਵੀਂ ਸ਼ਮੂਲੀਅਤ ਕੀਤੀ। ਸ਼ਹਿਰ ਦੇ ਚੁਹੱਟਾ ਬਾਜ਼ਾਰ ਵਿੱਚ ਗਣੇਸ਼ ਉਤਸਵ ਬੜੀ ਧੂਮਧਾਮ ਨਾਲ ਮਨਾਇਆ ਗਿਆ। ਭਗਵਾਨ ਗਣੇਸ਼ ਜੀ ਦੀ ਮੂਰਤੀ ਦੇ ਵਿਸਰਜਨ ਨੂੰ ਲੈ ਕੇ ਸ਼ਰਧਾਲੂਆਂ ਵਿੱਚ ਵਿਸ਼ੇਸ਼ ਉਤਸ਼ਾਹ ਦੇਖਿਆ ਗਿਆ। ਗਣੇਸ਼ ਚਤੁਰਥੀ ਦੇ ਮੌਕੇ 'ਤੇ ਇੱਥੇ ਮੂਰਤੀ ਦੀ ਸਥਾਪਨਾ ਕੀਤੀ ਗਈ ਸੀ। ਸ਼ਰਧਾਲੂਆਂ ਦੁਆਰਾ ਗਣਪਤੀ ਬੱਪਾ ਮੋਰੀਆ ਦਾ ਗੁਣਗਾਨ ਕੀਤਾ ਗਿਆ। ਇਸ ਮੌਕੇ ਰਾਹੁਲ ਸਿੰਘ, ਸਿਮਰਨ ਅਰੋੜਾ, ਸੰਨੀ ਥਿੰਦ, ਹਰਦੀਪ ਬੌਕਸਰ, ਬੌਬੀ ਬੌਕਸਰ, ਲਵਪ੍ਰੀਤ ਸਿੰਘ, ਗਿੰਨੀ ਥਿੰਦ, ਹੈਪੀ ਅਰੋੜਾ, ਦੀਪਕ ਕੁਮਾਰ, ਮਨੀ ਕੁਮਾਰ, ਕਾਲੀ ਸਿੰਘ, ਮਨਪ੍ਰੀਤ ਆਦਿ ਹਾਜ਼ਰ ਸਨ।