ਖਰੜ : ਏਪੀਜੇ ਸਕੂਲ ਵਿਖੇ ਦੋ ਰੋਜ਼ਾ ਲਾਇਨ ਕੁਐਸਟ ਸਿਖਲਾਈ ਵਰਕਸ਼ਾਪ ਲਾਇਨਜ਼ ਕਲੱਬ (ਮੋਹਾਲੀ) ਦੇ ਸਹਿਯੋਗ ਨਾਲ ਆਯੋਜਨ ਕੀਤਾ ਗਿਆ। 31 ਅਗਸਤ ਨੂੰ ਰਸਮੀ ਉਦਘਾਟਨ ਕੀਤਾ ਗਿਆ ਜਿਸ ਵਿੱਚ ਸਾਰੇ ਲਾਇਨਜ਼ ਕਲੱਬ ਦੇ ਮੈਂਬਰ ਅਤੇ ਡੈਲੀਗੇਟ ਹਾਜ਼ਰ ਸਨ। ਇਸ ਪ੍ਰੋਗਰਾਮ ਵਿੱਚ ਲੈਂਪ ਲਾਈਟਨਿੰਗ ਅਤੇ ਇਨਵੋਕੇਸ਼ਨ ਸ਼ਾਮਿਲ ਸੀ। ਸ਼੍ਰੀਮਤੀ ਰਤਨਾ ਚੌਧਰੀ ਟ੍ਰੇਨਰ ਸਨ ਜਿਨਾਂ ਨੇ ਸਕੂਲ ਦੇ ਅਧਿਆਪਕਾਂ ਨੂੰ ਇਕ ਲਾਭਕਾਰੀ ਅਤੇ ਇੰਟਰੈਕਟਿਵ ਸਿਖਲਾਈ ਦਿੱਤੀ। ਇਸ ਪ੍ਰੋਗਰਾਮ ਵਿੱਚ ਸ਼ਾਮਿਲ ਅਧਿਆਪਕਾਂ ਨੂੰ ਪ੍ਰਭਾਵਸ਼ਾਲੀ ਸਿਖਲਾਈ ਤਕਨੀਕਾਂ ਨਾਲ ਆਪਣੇ ਆਪ ਨੂੰ ਅਪਡੇਟ ਕਰਨ ਦਾ ਸੁਨਹਿਰੀ ਮੌਕਾ ਮਿਲਿਆ। ਇਸ ਪ੍ਰੋਗਰਾਮ ਵਿੱਚ ਕਿਸ਼ੋਰ ਅਵਸਥਾ ਦੇ ਬੱਚਿਆਂ ਨੂੰ ਕਿਸ ਤਰ੍ਹਾਂ ਸਮਝਿਆ ਜਾਂ ਸਮਝਾਇਆ ਜਾਵੇ ਤਾਂ ਜੋ ਉਹ ਆਉਣ ਵਾਲੇ ਸਮੇਂ ਵਿੱਚ ਸਮਾਜ ਦੇ ਇੱਕ ਸਫਲ ਅਤੇ ਸਮਰਪਿਤ ਮੈਂਬਰ ਬਣ ਸਕਣ। ਲਾਈਨਸ ਕਲੱਬ ਦੇ ਮੈਂਬਰਜ਼ ਨੇ ਸਕੂਲ ਦੇ ਪ੍ਰਿੰਸੀਪਲ ਸ੍ਰੀ ਜਸਵੀਰ ਚੰਦਰ ਜੀ ਦਾ ਦਿਲੋਂ ਧੰਨਵਾਦ ਕੀਤਾ ਕਿ ਉਹਨਾਂ ਨੇ ਸਕੂਲ ਦੇ ਵਿੱਚ ਇਸ ਟਰੇਨਿੰਗ ਵਰਕਸ਼ਾਪ ਨੂੰ ਆਯੋਜਿਤ ਕਰਨ ਦਾ ਮਾਣ ਬਖਸ਼ਿਆ।