ਦੇਵਪ੍ਰਯਾਗ : ਉਤਰਾਖੰਡ ਦੇ ਨਵੀਂ ਟੀਹਰੀ ਵਿਚ ਦਸ਼ਰਥ ਪਰਬਤ ਉਤੇ ਬੱਦਲ ਫਟਣ ਦੀ ਘਟਨਾ ਨਾਲ ਸ਼ਾਂਤੀ ਨਦੀ ਵਿਚ ਹੜ੍ਹ ਆ ਗਿਆ ਜਿਸ ਕਾਰਨ ਦੇਵਪ੍ਰਯਾਗ ਦੇ ਸ਼ਾਂਤੀ ਬਾਜ਼ਾਰ ਨੂੰ ਭਾਰੀ ਨੁਕਸਾਨ ਪੁੱਜਾ ਹੈ। ਆਈਟੀਆਈ ਦਾ ਤਿੰਨ ਮੰਜ਼ਿਲਾ ਭਵਨ ਪੂਰੀ ਤਰ੍ਹਾਂ ਤਬਾਹ ਹੋ ਗਿਆ। ਸ਼ਾਂਤਾ ਨਦੀ ਨਾਲ ਲੱਗੀਆਂ ਦੁਕਾਨਾਂ ਵੀ ਰੜ੍ਹ ਗਈਆਂ। ਦੇਵਪ੍ਰਯਾਗ ਨਗਰ ਤੋਂ ਬੱਸ ਅੱਡੇ ਵਲ ਆਵਾਜਾਈ ਕਰਨ ਵਾਲਾ ਰਸਤਾ ਅਤੇ ਇਕ ਪੁਲ ਪੂਰੀ ਤਰ੍ਹਾਂ ਢਹਿ ਗਏ। ਮਲਬੇ ਵਿਚ ਕਿਸੇ ਦੇ ਦਬਣ ਦੀ ਹਾਲੇ ਖ਼ਬਰ ਨਹੀਂ ਹੈ। ਕੋਰੋਨਾ ਕਰਫ਼ਿਊ ਕਾਰਨ ਆਈਟੀਆਈ ਸਮੇਤ ਦੁਕਾਨਾਂ ਦੇ ਬੰਦ ਰਹਿਣ ਨਾਲ ਜਾਨ-ਮਾਲ ਦਾ ਭਾਰੀ ਨੁਕਸਾਨ ਹੋਣੋਂ ਬਚ ਗਿਆ। ਮੰਗਲਵਾਰ ਤੜਕੇ ਦੇਵਪ੍ਰਯਾਗ ਦੇ ਦਸ਼ਰਥ ਪਰਬਤ ਉਤੇ ਬੱਦਲ ਫਟਿਆ ਜਿਸ ਕਾਰਨ ਇਥੋਂ ਨਿਕਲਣ ਵਾਲੀ ਸ਼ਾਂਤੀ ਨਦੀ ਵਿਚ ਅਚਾਨਕ ਹੜ੍ਹ ਆ ਗਿਆ। ਭਾਰੀ ਮਾਤਰਾ ਵਿਚ ਪਾਣੀ ਨਾਲ ਆਈ ਮਿੱਟੀ ਅਤੇ ਪੱਥਰਾਂ ਨੇ ਸ਼ਾਂਤੀ ਬਾਜ਼ਾਰ ਵਿਚ ਤਬਾਹੀ ਮਚਾ ਦਿਤੀ। ਆਈਟੀਆਈ ਭਵਨ ਵਿਚ ਮੌਜੂਦ ਦਸ ਦੁਕਾਨਾਂ ਪਾਣੀ ਵਿਚ ਰੁੜ੍ਹ ਗਈਆਂ।