ਦਿੱਲੀ : ਅੱਜ ਸਵੇਰੇ ਟੇਕਆਫ ਤੋਂ ਪਹਿਲਾਂ ਦਿੱਲੀ ਏਅਰਪੋਰਟ ’ਤੇ ਵਾਰਾਣਸੀ ਜਾ ਰਹੀ ਇੰਡੀਗੋ ਫਲਾਈਟ ’ਚ ਇਕ ਟਿਸ਼ੂ ਪੇਪਰ ਮਿਲਿਆ, ਜਿਸ ’ਚ 30 ਮਿੰਟ ’ਚ ਬੰਬ ਧਮਾਕਾ ਲਿਖਿਆ ਹੋਇਆ ਸੀ। ਇਸ ਨੂੰ ਖ਼ਤਰੇ ਦੀ ਸੰਭਾਵਨਾ ਮੰਨਿਆ ਗਿਆ ਸੀ। ਇਸ ਤੋਂ ਬਾਅਦ ਚਾਲਕ ਦਲ ਦੇ ਮੈਂਬਰ ਨੇ ਯਾਤਰੀਆਂ ਨੂੰ ਐਮਰਜੈਂਸੀ ਗੇਟ ਰਾਹੀਂ ਬਾਹਰ ਕੱਢਿਆ। ਕੁਝ ਯਾਤਰੀਆਂ ਨੂੰ ਵਿੰਗ ਰਾਹੀਂ ਜਹਾਜ਼ ਤੋਂ ਉਤਰਦੇ ਦੇਖਿਆ ਗਿਆ। ਫਲਾਈਟ ’ਚ 176 ਯਾਰਤੀ ਸਵਾਰ ਸਨ। ਜਾਣਕਾਰੀ ਮੁਤਾਬਕ ਇਸ ਮਹੀਨੇ ਭਾਵ 1 ਮਈ ਤੋਂ 28 ਦਿਨਾਂ ਵਿੱਚ ਹਵਾਈ ਅੱਡੇ, ਸਕੂਲ, ਹਸਪਤਾਲ 23 ਮਈ ਨੂੰ ਦਿੱਲੀ ਦੇ ਲੇਡੀ ਪਹਿਲਾਂ ਗ੍ਰਹਿ ਮੰਤਰਾਲੇ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਵੀ ਦਿੱਤੀ ਗਈ ਸੀ। ਹਾਲਾਂਕਿ ਸਾਰੀਆਂ ਧਮਕੀਆਂ ਝੂਠੀਆਂ ਨਿਕਲੀਆਂ। ਕਿਊਆਰਟੀ ਅਤੇ ਬੰਬ ਨਿਰੋਧਕ ਟੀਮ ਨੂੰ ਦਿੱਲੀ ਹਵਾਈ ਅੱਡੇ ’ਤੇ ਬੁਲਾਇਆ ਗਿਆ। ਜਹਾਜ਼ ਦੀ ਤਲਾਸ਼ੀ ਲਈ ਗਈ, ਪਰ ਅਧਿਕਾਰੀਆਂ ਨੂੰ ਕੁਝ ਵੀ ਸ਼ੱਕੀ ਨਹੀਂ ਮਿਲਿਆ। ਹਵਾਈ ਅੱਡੇ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਪਾਇਲਟ ਨੂੰ ਸਵੇਰੇ 5:30 ਵਜੇ ਵਾਸ਼ਰੂਮ ਵਿੱਚ ਟਿਸ਼ੂ ਪੇਪਰ ਮਿਲਿਆ ਸੀ। ਟਿਸ਼ੂ ਪੇਪਰ ਵਾਸ਼ਰੂਮ ਤੱਕ ਕਿਵੇਂ ਪਹੁੰਚਿਆ ਇਸ ਦੀ ਜਾਂਚ ਹਲੇ ਤੱਕ ਕੀਤੀ ਜਾ ਰਹੀ ਹੈ।