ਸੁਨਾਮ : ਸੰਗਰੂਰ ਲੋਕ ਸਭਾ ਹਲਕੇ ਤੋਂ ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰ ਅਰਵਿੰਦ ਖੰਨਾ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਹੇਠ ਮੁਲਕ ਸ਼ਕਤੀਸ਼ਾਲੀ ਤਾਕਤ ਬਣਿਆ ਹੈ। ਉਨ੍ਹਾਂ ਕਿਹਾ ਕਿ ਕੇਂਦਰ ਵਿਚਲੀ ਭਾਜਪਾ ਸਰਕਾਰ ਨੇ ਹਰ ਵਰਗ ਦੀ ਭਲਾਈ ਲਈ ਕਾਰਜ਼ ਕੀਤੇ ਹਨ। ਬੁੱਧਵਾਰ ਦੇਰ ਰਾਤ ਨੂੰ ਸੁਨਾਮ ਦੇ ਮਾਇਆ ਗਾਰਡਨ ਵਿਖੇ ਪ੍ਰਭਾਤ ਜਿੰਦਲ, ਮੁਕੇਸ਼ ਕਾਂਸਲ ਅਤੇ ਰੋਬਿਨ ਗਰਗ ਦੀ ਅਗਵਾਈ ਹੇਠ ਕਰਵਾਏ ਪ੍ਰਭਾਵਸ਼ਾਲੀ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਭਾਜਪਾ ਦੇ ਉਮੀਦਵਾਰ ਅਰਵਿੰਦ ਖੰਨਾ ਨੇ ਕਿਹਾ ਕਿ ਕੇਂਦਰ ਸਰਕਾਰ ਨੇ ਪਿਛਲੇ ਦਸ ਸਾਲਾਂ ਦੇ ਰਾਜ ਦੌਰਾਨ ਵਪਾਰੀਆਂ, ਮੁਲਾਜ਼ਮਾਂ ਤੋਂ ਇਲਾਵਾ ਕਿਸਾਨੀ ਨੂੰ ਲਾਹੇਵੰਦ ਧੰਦਾ ਬਣਾਉਣ ਲਈ ਕਾਰਗਰ ਕਦਮ ਚੁੱਕੇ ਹਨ। ਉਨ੍ਹਾਂ ਦਾਅਵਾ ਕੀਤਾ ਕਿ ਕੇਂਦਰ ਵਿੱਚ ਮੁੜ ਤੀਜ਼ੀ ਵਾਰ ਭਾਜਪਾ ਦੀ ਸਰਕਾਰ ਬਣੇਗੀ। ਉਨ੍ਹਾਂ ਵਿਰੋਧੀ ਪਾਰਟੀਆਂ ਨੂੰ ਵੀ ਰੱਜਕੇ ਭੰਡਿਆ। ਇਸ ਮੌਕੇ ਭਾਜਪਾ ਦੀ ਸੂਬਾ ਸਕੱਤਰ ਦਾਮਨ ਥਿੰਦ ਬਾਜਵਾ, ਹਰਮਨਦੇਵ ਸਿੰਘ ਬਾਜਵਾ, ਰਾਜੀਵ ਕੁਮਾਰ ਮੱਖਣ ਪ੍ਰਧਾਨ ਭਾਜਪਾ ਮੰਡਲ ਸੁਨਾਮ, ਅੰਕਿਤ ਕਾਂਸਲ ਯੂਥ ਭਾਜਪਾ ਆਗੂ , ਐਡਵੋਕੇਟ ਪਰਵੀਨ ਜੈਨ , ਅਮਰਨਾਥ ਕਾਂਸਲ, ਸ਼ੰਕਰ ਬਾਂਸਲ, ਕ੍ਰਿਸ਼ਨ ਸੰਦੋਹਾ, ਰਾਮ ਕੁਮਾਰ, ਪਵਨ ਕੁਮਾਰ ,ਮਦਨ ਲਾਲ ਕਾਂਸਲ, ਐਡਵੋਕੇਟ ਅਵਿਨਾਸ਼ ਸਿੰਗਲਾ, ਐਡਵੋਕੇਟ ਰਾਕੇਸ਼ ਜਿੰਦਲ, ਐਡਵੋਕੇਟ ਪੁਸ਼ਪਿੰਦਰ ਜਿੰਦਲ, ਐਡਵੋਕੇਟ ਵਿਸ਼ਾਲ, ਐਡਵੋਕੇਟ ਗੌਰਵ ਸਿੰਗਲਾ, ਐਡਵੋਕੇਟ ਨਵੀਨ ਕੁਮਾਰ, ਅਮਰ ਨਾਥ ਸਿੰਗਲਾ,ਹਰੀਸ਼ ਗੋਇਲ, ਸੁਮੇਰ ਗਰਗ, ਭੂਸ਼ਣ ਕਾਂਸਲ, ਰਜਿੰਦਰ ਬਬਲੀ, ਪਵਨ ਸਿੰਗਲਾ, ਸੰਦੀਪ ਬਾਂਸਲ, ਹਰਦੀਪ ਸ਼ਰਮਾ, ਮਨਿੰਦਰ ਸਿੰਘ, ਅਨੂਪ ਰਿਖੀ, ਸ਼ਿਆਮ ਅਰੋੜਾ ਸਮੇਤ ਹੋਰ ਪਤਵੰਤੇ ਹਾਜ਼ਰ ਸਨ।