ਸਮਾਣਾ : ਸਤੀ ਮਾਤਾ ਮਹਿਲਾ ਸੰਕੀਰਤਨ ਮੰਡਲੀ ਵੱਲੋਂ ਪ੍ਰਿੰਸੀਪਲ ਸੁਸ਼ਮਾ ਰਾਣੀ ਦੀ ਅਗਵਾਈ ਹੇਠ ਲੋੜਵੰਦ ਵਿਦਿਆਰਥੀਆਂ ਦੀ ਮਦਦ ਲਈ ਸਤੀ ਮਾਤਾ ਮੁਫ਼ਤ ਬੁੱਕ ਬੈਂਕ ਨੂੰ ਸਟੇਸ਼ਨਰੀ ਦਾਨ ਕੀਤੀ ਗਈ ਤਾਂ ਜੋ ਵਿਦਿਆਰਥੀ ਬਿਨਾਂ ਕਿਸੇ ਮਾਨਸਿਕ ਦਬਾਅ ਦੇ ਪੜ੍ਹਾਈ ਕਰ ਸਕਣ। ਸੁਸ਼ਮਾ ਰਾਣੀ ਨੇ ਦੱਸਿਆ ਕਿ ਇਸ ਸਮੇਂ ਸਾਰੇ ਸਕੂਲਾਂ ਵਿੱਚ ਵਿਦਿਆਰਥੀਆਂ ਦੇ ਨਵੇਂ ਸੈਸ਼ਨ ਸ਼ੁਰੂ ਹੋ ਰਹੇ ਹਨ ਜਿਸ ਲਈ ਲੋੜਵੰਦ ਵਿਦਿਆਰਥੀਆਂ ਨੂੰ ਸਟੇਸ਼ਨਰੀ ਦੀ ਲੋੜ ਹੈ। ਵੀਰਵਾਰ ਨੂੰ ਵੀ ਮੁਫ਼ਤ ਬੁੱਕ ਬੈਂਕ ਵੱਲੋਂ ਲੋੜਵੰਦ ਵਿਦਿਆਰਥੀਆਂ ਨੂੰ ਸਟੇਸ਼ਨਰੀ ਦਿੱਤੀ ਗਈ। ਪਵਨ ਸ਼ਾਸਤਰੀ, ਰੇਸ਼ਮਾ ਸਿੰਗਲਾ, ਕਿਰਨ ਗੋਇਲ, ਊਸ਼ਾ ਜਿੰਦਲ, ਨੀਰਜ ਸਿੰਗਲਾ, ਵੀਨਾ ਗੋਇਲ, ਰਿਤੂ ਗਰਗ, ਕਿਰਨ ਜਿੰਦਲ ਆਦਿ ਹਾਜ਼ਰ ਸਨ। ਵਰਨਣਯੋਗ ਹੈ ਕਿ ਮਹਿਲਾ ਸੰਕੀਰਤਨ ਮੰਡਲੀ ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਬੁੱਕ ਬੈਂਕ ਨੂੰ ਸਟੇਸ਼ਨਰੀ ਭੇਟ ਕਰ ਚੁੱਕੀ ਹੈ