ਰਾਏਪੁਰ : ਛੱਤੀਸਗੜ੍ਹ ’ ਚ ਰਾਏਪੁਰ ਦੁਰਗ ਰੋਡ’ਤੇ ਰਾਤ ਨੂੰ ਭਰੀ ਬੱਸ 50 ਫੁੱਟ ਡੂੰਘੀ ਖੱਡ ’ ਡਿੱਗ ਜਾਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਦੁਰਗ ਕਲੈਕਟਰ ਰਿਚਾ ਪ੍ਰਕਾਸ਼ ਚੌਧਰੀ ਨੇ ਦੱਸਿਆ 12 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ ਇਸ ਹਾਦਸੇ ’ਚ 15 ਲੋਕ ਜ਼ਖਮੀ ਹੋਏ ਹਨ। ਇਨ੍ਹਾਂ ’ਚੋਂ 10 ਦੀ ਹਾਲਤ ਨਜ਼ੁਕ ਬਣੀ ਹੋਈ ਹੈ। ਬੱਸ ’ਚ ਕਰੀਬ 40 ਲੋਕ ਸਵਾਰ ਸਨ । ਇਹ ਸਾਰੇ ਕੇਡੀਆ ਡਿਸਟਿਲਰੀ ਦੇ ਕਰਮਚਾਰੀ ਸਨ। ਕਲੈਕਟਰ ਨੇ ਹਾਦਸੇ ਦੀ ਮੈਜਿਸਟ੍ਰੇਟ ਜਾਂਚ ਦੇ ਹੁਕਮ ਦਿੱਤੇ ਸਨ। ਜਾਣਕਾਰੀ ਮੁੁਤਾਬਕ ਇਹ ਹਾਦਸਾ ਕੁਮਹਾੜੀ ਦੇ ਖਾਪੜੀ ਰੋਡ ’ਤੇ ਮੁਰਮ ਖਾਨ ’ਚ ਵਾਪਰਿਆ । ਕੇਡੀਆ ਡਿਸਟਿਲਰੀ ਦੇ ਕਰਮਚਾਰੀ ਇਕ ਬੱਸ ਵਿਚ ਪਲਾਂਟ ਤੋਂ ਵਾਪਸ ਆ ਰਹੇ ਸਨ। ਹਾਦਸੇ ਵਾਲੀ ਥਾਂ ’ਤੇ ਬਹੁਤ ਹਨੇਰਾ ਸੀ , ਇੱਥੋ ਤੱਕ ਕਿ ਸਟਰੀਟ ਲਾਈਟਾਂ ਵੀ ਬੰਦ ਸਨ। ਦੱਸਿਆ ਜਾ ਰਿਹਾ ਕਿ ਬੱਸ ਬੇਕਾਬੂ ਹੋ ਕੇ ਸੜਕ ਕਿਨਾਰੇ ਲੱਗੇ ਪੱਥਰ ਨੂੰ ਤੋੜਦੀ ਹੋਈ ਹੇਠਾਂ ਡਿੱਗ ਗਈ।