ਭੁਨਰਹੇੜੀ : ਅਸਟ੍ਰੇਲੀਆ ਤੋਂ ਗੁਰਜੰਟ ਸਿੰਘ ਆਪਣੇ ਜੱਦੀ ਪਿੰਡ ਉਪਲੀ ਪ੍ਰਵਾਰਿਕ ਖੁਸ਼ੀਆਂ ਸਾਂਝੀਆਂ ਕਰਨ ਆਏ ਹੋਏ ਹਨ। ਅਸਟ੍ਰੇਲੀਆ ਵਿੱਚ ਰਹਿੰਦਿਆਂ ਹੋਇਆਂ ਵੀ ਆਪਣੇ ਇਲਾਕੇ ਦੇ ਖਿਡਾਰੀਆਂ ਦੀ ਹੌਂਸਲਾ ਅਫਜ਼ਾਈ ਕਰਦੇ ਰਹਿੰਦੇ ਹਨ। ਜਿਸ ਦੇ ਫਲਸਰੂਪ ਸਿੱਧ ਬਾਬਾ ਲੱਛਮਣ ਜਤੀ ਯੁਵਕ ਸੇਵਾਵਾਂ ਕਲੱਬ ਅਲੀਵਾਲ ਵੱਲੋਂ ਸਨਮਾਨਿਤ ਕੀਤਾ ਗਿਆ। ਕਲੱਬ ਦੇ ਪ੍ਰਬੰਧਕ ਲਵਪ੍ਰੀਤ ਸਿੰਘ, ਹਰਪ੍ਰੀਤ ਸਿੰਘ, ਦਿਲਾਵਰ ਬਲਜਿੰਦਰ ਸਿੰਘ, ਪਲਵਿੰਦਰ ਸਿੰਘ, ਅਮ੍ਰਿਤਪਾਲ, ਸਤਵੀਰ ਸਿੰਘ, ਜਸਵੀਰ ਸਿੰਘ ਅਤੇ ਲਵਲੀ ਮੱਲ੍ਹੀ ਨੇ ਦੱਸਿਆ ਕਿ ਐਨ ਆਰ ਆਈਜ਼ ਸਾਡੇ ਖੇਡ ਮੇਲਿਆਂ ਨੂੰ ਹਰ ਸਾਲ ਮਾਲੀ ਮਦਦ ਕਰਦੇ ਰਹਿੰਦੇ ਹਨ। ਇਸ ਤਰ੍ਹਾਂ ਅਸਟ੍ਰੇਲੀਆ ਤੋਂ ਗੁਰਜੰਟ ਸਿੰਘ ਉਪਲੀ ਵੀ ਸਹਾਇਤਾ ਰਾਸ਼ੀ ਭੇਜਦੇ ਹਨ। ਅਜਿਹੇ ਸਮਾਜ ਸੇਵੀ ਐਨ ਆਰ ਆਈਜ਼ ਦੀ ਮੱਦਦ ਸਦਕਾ ਖਿਡਾਰੀਆਂ ਨੂੰ ਸਹੂਲਤਾਂ ਦਿੱਤੀਆਂ ਜਾ ਰਹੀਆਂ ਹਨ। ਅਸੀਂ ਅਲੀਵਾਲ ਕਲੱਬ ਵੱਲੋਂ ਸਮਾਜ ਸੇਵੀ ਗੁਰਜੰਟ ਸਿੰਘ ਉਪਲੀ ਨੂੰ ਸਨਮਾਨਿਤ ਕਰਦੇ ਹੋਏ ਖੁਸ਼ੀ ਮਹਿਸੂਸ ਕਰ ਰਹੇ ਹਾਂ।