ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦੀ ਖੁਸ਼ੀ ਵਿੱਚ ਮਹਿਲਾ ਸਾਈਕਲ ਰੈਲੀ ਦਾ ਆਯੋਜਨ

ਮੋਹਾਲੀ : ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦੀ ਖੁਸ਼ੀ ਮਨਾਉਂਦਿਆਂ, ਸੀਪੀ67 ਮਾਲ ਨੇ ਮਾਨਤਾ ਪ੍ਰਾਪਤ ਸਾਈਕਲਿੰਗ ਸਮੂਹ, ਸਾਈਕਲਗਿਰੀ ਦੇ ਨਾਲ ਮਿਲ ਕੇ ਅੱਜ ਰਾਈਡਇਨ ਫਲੋਰਲਜ਼ 7.0 - ਮਹਿਲਾ ਸਾਈਕਲ ਰੈਲੀ ਦਾ ਸਫਲ ਆਯੋਜਨ ਕੀਤਾ। ਇਸ ਮਹਿਲਾ ਦਿਵਸ ’ਤੇ, ਸਿਹਤ ਦੇ ਪਹੀਏ ’ਤੇ ਸਵਾਰੀ ਥੀਮ ਨਾਲ, ਇਸ ਕਾਰਜਕ੍ਰਮ ਦਾ ਉਦੇਸ਼ ਸੀ ਔਰਤਾਂ ਵਿੱਚ ਸਿਹਤਮੰਦ ਲਾਭ ਅਤੇ ਸਸ਼ਕਤੀਕਰਣ ਨੂੰ ਉਤਸ਼ਾਹਿਤ ਕਰਨ, ਜਿਸ ਵਿੱਚ ਸਾਈਕਲਗਿਰੀ ਦੇ ਮਹਿਲਾ ਮੈਂਬਰਾਂ ਨੇ ਉਤਸ਼ਾਹ ਨਾਲ ਭਾਗ ਲਿਆ। ਰੈਲੀ ਚੰਡੀਗੜ੍ਹ ਦੇ ਸੈਕਟਰ 36 ਵਿੱਚ ਸਥਿਤ ਫਰੈਗਰੈਂਸ ਗਾਰਡਨ ਤੋਂ ਸ਼ੁਰੂ ਹੋ ਕੇ ਸ਼ਹਿਰ ਦੇ ਹਰੇ-ਭਰੇ ਮਾਹੌਲ ਵਿਚੋਂ ਹੁੰਦੀ ਹੋਈ ਸੀਪੀ67 ਮਾਲ, ਮੋਹਾਲੀ ਵਿੱਚ ਸਮਾਪਤ ਹੋਈ। ਇਸ ਪਹਿਲਕਦਮੀ ਨੇ ਨਾ ਸਿਰਫ ਸਰੀਰਕ ਸਿਹਤ ਲਾਭ ਦੀ ਮਹੱਤਤਾ ਨੂੰ ਉਜਾਗਰ ਕੀਤਾ ਬਲਕਿ ਭਾਗੀਦਾਰਾਂ ਵਿਚਕਾਰ ਸਮੁਦਾਇਕ ਅਤੇ ਸਮਰਥਨ ਦੀ ਭਾਵਨਾ ਨੂੰ ਵੀ ਮਜ਼ਬੂਤ ਕੀਤਾ। ਇਸ ਮੌਕੇ ਉਮੰਗ ਜਿੰਦਲ, ਹੋਮਲੈਂਡ ਗਰੂਪ ਦੇ ਸੀਈਓ, ਸੀਪੀ67 ਮਾਲ ਇਨ ਮੋਹਾਲੀ - ਯੂਨਿਟੀ ਹੋਮਲੈਂਡ ਦਾ ਪ੍ਰਾਜੈਕਟ, ਨੇ ਕਿਹਾ, “ਅਸੀਂ ’ਰਾਈਡ ਇਨ ਫਲੋਰਲਜ਼ 7.0’ - ਮਹਿਲਾ ਸਾਈਕਲ ਰੈਲੀ ਦੀ ਮੇਜ਼ਬਾਨੀ ਕਰ ਕੇ ਬਹੁਤ ਖੁਸ਼ ਹਾਂ। ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦੇ ਸਨਮਾਨ ਵਿੱਚ, ਅਸੀਂ ਸਾਈਕਲਗਿਰੀ ਨਾਲ ਮਿਲ ਕੇ ਇਸ ਸਾਈਕਲ ਰੈਲੀ ਦਾ ਆਯੋਜਨ ਕੀਤਾ ਅਤੇ ਇਸ ਵਿੱਚ ਸਾਈਕਲਗਿਰੀ ਦੀਆਂ ਮਹਿਲਾ ਮੈਂਬਰਾਂ ਨੇ ਹੁੰਮ ਹੁਮਾ ਕੇ ਭਾਗ ਲਿਆ, ਜਿਸ ਦੀ ਸਾਨੂੰ ਬਹੁਤ ਖੁਸ਼ੀ ਹੈ। ਇਸ ਰੈਲੀ ਵਿੱਚ ਭਾਗ ਲੈਣ ਲਈ ਇੰਨੀਆਂ ਸਾਰੀਆਂ ਔਰਤਾਂ ਨੂੰ ਅੱਗੇ ਆਉਂਦਿਆਂ ਦੇਖਣਾ ਪ੍ਰੇਰਣਾਦਾਇਕ ਸੀ, ਜੋ ਤਾਕਤ, ਮਜ਼ਬੂਤੀ ਅਤੇ ਸਿਹਤ ਦੀ ਭਾਵਨਾ ਦਾ ਪ੍ਰਦਰਸ਼ਨ ਕਰਦੀਆਂ ਹਨ।