ਮੋਗਾ : ਪੰਜਾਬ ਸਰਕਾਰ ਦੇ ਹੁਕਮਾਂ ਮੁਤਾਬਿਕ ਆਯੂਸਮਾਨ ਸਰਬੱਤ ਸਿਹਤ ਬੀਮਾ ਯੋਜਨਾ ਪੰਜਾਬ ਦੇ ਅਧੀਨ ਅੱਜ ਡਾਕਟਰ ਮਥਰਾ ਦਾਸ ਸਰਕਾਰੀ ਹਸਪਤਾਲ ਮੋਗਾ ਵਿੱਚ ਸੁਨੀਤਾ ਰਾਣੀ ਉਮਰ 55 ਸਾਲ ਦੇ ਦੋਵੇਂ ਗੋਡੇ ਬਿਲਕੁਲ ਮੁਫਤ ਬਦਲ ਦਿੱਤੇ ਗਏ। ਸੁਨੀਤਾ ਰਾਣੀ ਪਿਛਲੇ ਕਾਫੀ ਸਮੇਂ ਤੋਂ ਗੋਡਿਆਂ ਦੇ ਦਰਦ ਤੋਂ ਪ੍ਰੇਸਾਨ ਸੀ। ਇਸ ਲਈ ਸਰਕਾਰੀ ਹਸਪਤਾਲ ਦੇ ਹੱਡੀਆ ਦੇ ਮਾਹਿਰ ਡਾ. ਗਗਨਦੀਪ ਸਿੰਘ ਨੇ ਸਫਲ ਅਪਰੇਸ਼ਨ ਕਰਦੇ ਹੋਏ ਸੁਨੀਤਾ ਰਾਣੀ ਦੇ ਦੋਵੇਂ ਗੋਡੇ ਬਦਲ ਦਿੱਤੇ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਐਸ.ਐਫ਼.ਸੀ. ਕਾਨਵੰਟ ਸਕੂਲ ’ਚ ਵਲਡ ਵਾਟਰ-ਡੇ ਮਨਾਇਆ
ਸੁਨੀਤਾ ਰਾਣੀ ਨਾਲ ਗੱਲਬਾਤ ਕੀਤੀ ਤਾਂ ਉਸਨੇ ਪੰਜਾਬ ਸਰਕਾਰ ਦਾ ਸਿਹਤ ਵਿਭਾਗ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਹੁਣ ਉਹ ਬਿਲਕੁਲ ਠੀਕ ਹੈ ਅਤੇ ਇਸਨੂੰ ਚਲਣ ਫਿਰਨ ਵਿਚ ਵੀ ਕੋਈ ਪ੍ਰੇਸਾਨੀ ਨਹੀਂ ਆ ਰਹੀ ਅਤੇ ਨਾ ਹੀ ਕੋਈ ਦਰਦ ਹੈ। ਇਸ ਮੌਕੇ ਸੁਨੀਤਾ ਰਾਣੀ ਦੇ ਪਰਿਵਾਰ ਵਲੋ ਸੀਨੀਅਰ ਮੈਡੀਕਲ ਅਫਸਰ ਡਾ. ਸੁਖਪ੍ਰੀਤ ਬਰਾੜ ਅਤੇ ਡਾ. ਗਗਨਦੀਪ ਸਿੰਘ ਦਾ ਵਿਸ਼ੇਸ਼ ਤੌਰ ’ਤੇ ਧੰਨਵਾਦ ਕੀਤਾ। ਜਿਨਾਂ ਨੇ ਬਿਨਾਂ ਕਿਸੇ ਖਰਚੇ ਤੋ ਐਨਾ ਮਹਿੰਗਾ ਇਲਾਜ ਬਿਲਕੁਲ ਮੁਫਤ ਕੀਤਾ। ਇਸ ਮੌਕੇ ਤੇ ਮਰੀਜ ਦਾ ਹਾਲ ਚਾਲ ਪੁੱਛਣ ਲਈ ਡਾ. ਰਾਜੇਸ ਅੱਤਰੀ ਸਿਵਿਲ ਸਰਜਨ (ਕਾਰਜੁਕਰੀ) ਸਿਵਲ ਸਰਜਨ ਮੋਗਾ ਵੀ ਵਿਸ਼ੇਸ਼ ਤੌਰ ’ਤੇ ਪੁੱਜੇ। ਉਹਨਾ ਨੇ ਡਾ. ਗਗਨਦੀਪ ਸਿੰਘ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਬਹੁਤ ਹੀ ਮਾਹਿਰ ਡਾਕਟਰ ਹਨ ਅਤੇ ਜੋਂ ਇਲਾਜ ਲੋਕ ਨਿੱਜੀ ਹਸਪਤਾਲਾਂ ਚ ਕੇ ਬਹੁਤ ਮਹਿੰਗਾ ਇਲਾਜ ਕਰਵਉਂਦੇ ਹਨ ਓਹੀ ਇਲਾਜ ਸਿਵਿਲ ਹਸਪਤਾਲ ਚ ਡਾ. ਗਗਨਦੀਪ ਸਿੰਘ ਵਲੋ ਬਿਲਕੁਲ ਮੁਫਤ ਕੀਤਾ ਜਾਂਦਾ ਹੈ। ਇਸ ਮੌਕੇ ਡਾ. ਜਸਵੰਤ ਸਿੰਘ ਸਹਾਇਕ ਸਿਵਲ ਸਰਜਨ, ਡਾ. ਸੁਖਪ੍ਰੀਤ ਬਰਾੜ ਸੀਨੀਅਰ ਮੈਡੀਕਲ ਅਫ਼ਸਰ,ਡਾ. ਚਰਨਪ੍ਰੀਤ ਸਿੰਘ ਅਤੇ ਅਮਿ੍ਰਤ ਸ਼ਰਮਾਂ ਦਫ਼ਤਰ ਸਿਵਲ ਸਰਜਨ ਆਦਿ ਹਾਜ਼ਰ ਸਨ।