ਕੁਰਾਲੀ ਦੇ ਵਾਰਡ ਨੰਬਰ 8 ਪਿੰਡ ਪਡਿਆਲਾ ਦੇ ਕੌਂਸਲਰ ਰਣਜੀਤ ਸਿੰਘ ਜੀਤੀ ਪਡਿਆਲਾ ਦੇ ਪ੍ਰਧਾਨ ਬਣਨ ਤੇ ਕੁਰਾਲੀ ਵਾਸੀਆਂ ਵੱਲੋਂ ਪ੍ਰਚੱਲਿਤ ਇਸ ਗੱਲ ਤੇ ਇੱਕ ਵਾਰ ਫੇਰ ਮੋਹਰ ਲੱਗ ਗਈ ਕਿ ਕੁਰਾਲੀ ਨਗਰ ਕੌਂਸਲ ਦਾ ਪ੍ਰਧਾਨ ਬਣਨ ਵਾਲੇ ਕੌਂਸਲਰ ਦੇ ਨਾਂਅ ਵਿੱਚ ‘ਰ’ ਸ਼ਬਦ ਜਰੂਰ ਆਉਂਦਾ ਹੈ। ਨਗਰ ਕੌਂਸਲ ਕੁਰਾਲੀ ਦੇ ਪਹਿਲਾਂ ਬਣੇ ਪ੍ਰਧਾਨਾਂ ਦੇ ਨਾਵਾਂ ਵਿੱਚ ਜੇਕਰ ਇੱਕ ਝਾਤ ਮਾਰੀ ਜਾਵੇ ਤਾਂ ਇਹ ਗੱਲ ਸਾਹਮਣੇ ਆਉਂਦੀ ਹੈ ਕਿ ‘ਰ’ ਸ਼ਬਦ ਕੁਰਾਲੀ ਦੀ ਸਿਆਸਤ ਵਿੱਚ ਅਹਿਮ ਭੂਮਿਕਾ ਨਿਭਾਉਂਦਾ ਆ ਰਿਹਾ ਹੈ।