ਡੇਰਾਬੱਸੀ : ਅਯੁਧਿਆ ਵਿਖੇ ਸ੍ਰੀ ਰਾਮ ਲੱਲਾ ਦੀ ਹੋ ਰਹੀ ਪ੍ਰਾਣ ਪ੍ਰਤਿਸ਼ਠਾ ਦਾ ਲਾਈਵ ਟੈਲੀਕਾਸਟ ਡੇਰਾਬੱਸੀ ਸ਼੍ਰੀ ਰਾਮ ਤਲਾਈ ਵਿਖੇ ਵਿਸ਼ਵ ਹਿੰਦੂ ਪਰਿਸ਼ਦ ਵਲੋਂ ਵੱਡੀ ਸਕਰੀਨ ਲੱਗਾ ਕੇ ਰਾਮ ਭਗਤਾਂ ਨੂੰ ਦਿਖਾਇਆ ਗਿਆ । ਇਸ ਮੌਕੇ ਹਲਕਾ ਵਿਧਾਇਕ ਕੁਲਜੀਤ ਸਿੰਘ ਰੰਧਾਵਾ ਨੇ ਵਿਸੇਸ ਤੌਰ ਤੇ ਹਾਜ਼ਰ ਹੋ ਕੇ ਸ਼ਰਧਾਲੂਆਂ ਨਾਲ ਰਾਮ ਲੱਲਾ ਦੇ ਦਰਸ਼ਨ ਕੀਤੇ । ਰੰਧਾਵਾ ਨੇ ਰਾਮ ਭਗਤਾਂ ਨੂੰ ਸ੍ਰੀ ਰਾਮ ਦੀ ਪ੍ਰਾਣ ਪ੍ਰਤਿਸ਼ਠਾ ਦੀ ਵਧਾਈਆਂ ਦਿੰਦਿਆਂ ਕਿਹਾ ਕਿ ਅੱਜ 22 ਜਨਵਰੀ ਦਾ ਦਿਨ ਇਤਿਹਾਸ ਵਿੱਚ ਸੁਨਹਿਰੇ ਅੱਖਰਾਂ ਵਿੱਚ ਲਿਖਿਆ ਜਾਵੇਗਾ । ਰਾਮ ਭਗਤਾਂ ਦੀ 500 ਸਾਲ ਪੁਰਾਣੀ ਮਨੋਕਾਮਨਾ ਅੱਜ ਪ੍ਰਭੂ ਸ੍ਰੀ ਰਾਮ ਦੀ ਦੇ ਆਸੀਰਵਾਦ ਨਾਲ ਪੂਰੀ ਹੋ ਗਈ। ਰਾਮ ਲੱਲਾ ਦੀ ਪ੍ਰਾਣ ਪ੍ਰਤਿਸ਼ਠਾ ਦੀ ਖੁਸ਼ੀ ਵਿੱਚ ਹਰ ਪਾਸੇ ਜਸ਼ਨ ਦਾ ਮਾਹੌਲ ਹੈ l
ਉਨ੍ਹਾਂ ਇਸ ਮੌਕੇ ਘਰ-ਘਰ 'ਚ ਰਾਮ ਜਯੋਤੀ ਜਗਾਉਣ ਲਈ ਕਿਹਾ ਹੈ ਤਾਂ ਜ਼ੋ ਸਾਡੇ ਸਮਾਜ ਵਿੱਚ ਫੈਲਿਆ ਅਗਿਆਨਤਾ ਦਾ ਹਨੇਰਾ ਦੂਰ ਹੋਵੇ ਅਤੇ ਸ੍ਰੀ ਰਾਮ ਜੀ ਸਾਨੂੰ ਆਪਣਾ ਆਸ਼ੀਰਵਾਦ ਦੇਣl ਉਹਨਾਂ ਸ੍ਰੀ ਰਾਮ ਜੀ ਅੱਗੇ ਹਲਕਾ ਵਾਸੀਆਂ ਦੀ ਸੁੱਖ ਸ਼ਾਂਤੀ, ਖੁਸ਼ਹਾਲੀ, ਭਾਈਚਾਰਕ ਸਾਂਝ ਅਤੇ ਚੜਦੀ ਕਲਾ ਦੀ ਅਰਦਾਸ ਕੀਤੀl ਇਸ ਮੌਕੇ ਰਾਮ ਭਗਤਾਂ ਲਈ ਲੰਗਰ ਵੀ ਲਾਇਆ ਗਿਆ l
ਇਸ ਮੌਕੇ ਉਨਾਂ ਨਾਲ ਬਲਾਕ ਪ੍ਰਧਾਨ ,ਕੌਂਸਲ ਪ੍ਰਧਾਨ, ਐਮ ਸੀ ਸਾਹਿਬਾਨ ,ਆਮ ਆਦਮੀ ਪਾਰਟੀ ਦੇ ਵਲੰਟੀਅਰ ਅਤੇ ਵੱਡੀ ਗਿਣਤੀ ਵਿਚ ਰਾਮ ਭਗਤ ਹਾਜ਼ਰ ਸਨ।