ਸੁਨਾਮ ਊਧਮ ਸਿੰਘ ਵਾਲਾ (Sunam Udham Singh Wala) : ਸੀਨੀਅਰ ਮੈਡੀਕਲ ਅਫਸਰ ਡਾ. ਅੰਜੂ ਸਿੰਗਲਾ ਸੀ.ਐਚ.ਸੀ ਲੌਂਗੋਵਾਲ (Senior Medical Officer Dr. Anju Singla CHC Longowal) ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਪਿੰਡ ਤੁੰਗਾਂ ਦੇ ਹੈਲਥ ਐਂਡ ਵੈਲਨੈਸ ਸੈਂਟਰ ਵਿਖੇ ਕੋਵਿਡ-19 (Covid-19) ਸਬੰਧੀ ਟੀਕਾਕਰਨ ਹੋਇਆ। ਇਸ ਮੌਕੇ ਪਿੰਡ ਤੁੰਗਾਂ, ਕਨੋਈ, ਕੁਲਾਰ ਖੁਰਦ ਦੀਆਂ ਪੰਚਾਇਤਾਂ ਨੇ ਅੱਗੇ ਹੋ ਕੇ ਕੋਵਿਡ-19 ਵੈਕਸੀਨੇਸ਼ਨ ਕਰਵਾਈ ਤੇ ਆਮ ਲੋਕਾਂ ਨੂੰ ਕੋਰੋਨਾ ਦੀ ਬਿਮਾਰੀ ਤੋਂ ਬਚਾਅ ਲਈ ਟੀਕਾਕਰਨ ਕਰਵਾਉਣ ਲਈ ਜਾਗਰੂਕ ਕੀਤਾ। ਜਿਸ ਦੇ ਸਿੱਟੇ ਵਜੋਂ ਉਕਤ ਪਿੰਡਾਂ ਦੇ ਤਕਰੀਬਨ 50 ਵਿਆਕਤੀਆਂ ਨੇ ਕੋਵਿਡ-19 ਦੀ ਵੈਕਸੀਨੇਸ਼ਨ ਕਰਵਾਈ। ਇਸ ਮੌਕੇ ਸਿਹਤ ਵਿਭਾਗ ਦੀ ਟੀਮ ਵੀਰਪਾਲ ਕੌਰ, ਗੁਰਪ੍ਰੀਤ ਸਿੰਘ, ਅਮਨਦੀਪ ਕੌਰ, ਐਸ ਆਈ ਗੁਰਵਿੰਦਰ ਸਿੰਘ ਤੇ ਰਾਜਪਾਲ ਕੌਰ ਵਲੋਂ ਵੈਕਸੀਨੇਸ਼ਨ ਕੀਤਾ ਗਿਆ ਤੇ ਲੋਕਾਂ ਨੂੰ ਗਲਤ ਅਫਵਾਹਾਂ ਤੋਂ ਬਚਣ ਲਈ ਜਾਗਰੂਕ ਕੀਤਾ । ਇਸ ਮੌਕੇ ਤੁੰਗਾਂ ਦੇ ਸਰਪੰਚ ਗੁਰਦੀਪ ਕੌਰ, ਸਾਬਕਾ ਸਰਪੰਚ ਬਹਾਦਰ ਸਿੰਘ, ਕਨੋਈ ਦੇ ਸਰਪੰਚ ਹਰਦੀਪ ਕੌਰ, ਕੁਲਾਰ ਖੁਰਦ ਤੋਂ ਸਰਪੰਚ ਦਰਬਾਰਾ ਸਿੰਘ, ਸਮੂਹ ਆਸ਼ਾ ਵਰਕਰ ਤੇ ਹੋਰ ਪਿੰਡ ਵਾਸੀ ਵੀ ਹਾਜ਼ਰ ਸਨ ।