ਚੰਨੀ ਨੂੰ ਕਾਂਗਰਸ ਵਰਕਿੰਗ ਕਮੇਟੀ ਦਾ ਮੈਂਬਰ ਬਣਾਏ ਜਾਣ ਤੇ ਕੰਗ ਬੁਖਲਾਹਟ ਵਿੱਚ ਆਕੇ ਕਰ ਰਹੇ ਹਨ ਬੇਤੁਕੀ ਬਿਆਨ ਬਾਜੀ: ਜੀਤੀ ਪਡਿਆਲਾ

ਕੁਰਾਲੀ : ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਕਾਂਗਰਸ ਦੀ ਹਾਈ ਕਮਾਂਡ ਵੱਲੋਂ ਕਾਂਗਰਸ ਵਰਕਿੰਗ ਕਮੇਟੀ ਦਾ ਮੈਂਬਰ ਬਣਾਏ ਜਾਣ ਸਬੰਧੀ ਆਮ ਆਦਮੀ ਪਾਰਟੀ ਦੇ ਆਗੂ  ਜਗਮੋਹਣ ਸਿੰਘ ਕੰਗ ਬੁਖਲਾਹਟ ਵਿੱਚ ਆ ਕੇ ਬੇਤੁਕੀ ਬਿਆਨ ਬਾਜੀ ਕਰ ਰਹੇ ਹਨ, ਜੋ ਕਿ ਅਤਿ ਨਿੰਦਣਯੋਗ ਹੈ। ਇਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਜਿਲਾ ਕਾਂਗਰਸ ਕਮੇਟੀ ਦੇ ਜਿਲਾ ਪ੍ਰਧਾਨ ਰਣਜੀਤ ਸਿੰਘ ਜੀਤੀ ਪਡਿਆਲਾ ਨੇ ਅੱਜ ਕੁਰਾਲੀ ਵਿਖੇ ਕੀਤਾ। ਜੀਤੀ ਪਡਿਆਲਾ ਨੇ ਕਿਹਾ ਕਿ  ਕਾਂਗਰਸ  ਪਾਰਟੀ ਵਿੱਚ ਮੰਤਰੀ ਰਹਿ ਕੇ ਅਨੰਦ ਭੋਗਣ ਵਾਲੇ ਇਸ ਆਗੂ ਨੂੰ ਇਹੋ ਅਜਿਹੀਆਂ ਸਲਾਹਾ ਆਪਣੀ ਪਾਰਟੀ ਦੇ ਮੁੱਖ ਮੰਤਰੀ ਭਗੰਵਤ ਮਾਨ ਨੂੰ ਦੇਣੀਆਂ ਚਾਹੀਦੀਆਂ ਹਨ, ਜਿਸ ਸਰਕਾਰ ਵਿੱਚ ਭ੍ਰਿਸ਼ਟ ਕਟਾਰੂ ਚੱਕ ਵਰਗੇ ਮੰਤਰੀ ਹਨ, ਉਨਾਂ ਨੂੰ ਪਾਰਟੀ ਵਿੱਚੋਂ ਬਾਹਰ ਦਾ ਰਸਤਾ ਦਿਖਾਉਣ ਲਈ ਕਹਿਣ, ਨਾ ਕਿ ਚੰਨੀ ਦੇ ਖਿਲਾਫ ਗਲਤ ਬਿਆਨ ਬਾਜੀ ਕਰਨ।  ਉਨਾਂ ਕਿਹਾ ਕਿ ਪਰੰਤੁ ਉਨਾਂ ਨੂੰ ਚਹੀਦਾ ਹੈ ਕਿ  ਪੰਜਾਬ ਦੀ ਭੋਲੀ ਭਾਲੀ ਜਨਤਾ ਨੂੰ ਝੂਠੇ ਲਾਰੇ ਲਾਕੇ ਸੱਤਾ ਵਿੱਚ  ਆਈ ਆਮ ਆਦਮੀ ਦੀ ਸਰਕਾਰ ਖਿਲਾਫ  ਰੋਜਾਨਾ ਬੇਰੁਜਗਾਰ, ਕਿਸਾਨ ਤੇ ਹੋਰ ਜਥੇਬੰਦੀਆਂ ਵੱਲੋਂ ਸੜਕਾਂ ਤੇ ਉਤਰਕੇ ਅਪਣੇ ਹੱਕਾਂ ਲਈ ਧਰਨੇ ਲਾ ਜਾ ਰਹੇ ਹਨ ਉਨਾਂ ਦੀ ਸਬੰਧੀ ਆਵਾਜ਼ ਉਠਾਉਣ ਨਾ ਕਿ ਕਾਂਗਰਸ ਪਾਰਟੀ ਦੇ ਅੰਦਰੂਨੀ ਮਸਲਿਆਂ ਵਿੱਚ। ਉਨ੍ਹਾਂ ਅੱਗੇ ਕਿ ਜਗਮੋਹਨ ਸਿੰਘ ਕੰਗ ਹਰ ਵਾਰ ਭੁੱਲ ਜਾਂਦੇ ਹਨ ਕਿ ਉਨ੍ਹਾਂ ਨੂੰ ਕਾਂਗਰਸ ਪਾਰਟੀ ਵਿਚੋਂ ਕੱਢਿਆ ਜਾ ਚੁੱਕਾ ਹੈ, ਉਹ ਸਿਰਫ ਆਮ ਆਦਮੀ ਪਾਰਟੀ ਦੀ ਚਿੰਤਾ ਕਰਨ।