ਜੋਤ ਪ੍ਰੋਡਕਸ਼ਨ ਦੇ ਬੈਨਰ ਹੇਠ ਬਣ ਰਹੀ ਧਾਰਮਿਕ ਪੰਜਾਬੀ ਫਿਲਮ 'ਜਿਸ ਕੇ ਸਿਰ ਉੇਪਰ ਤੂੰ ਸੁਆਮੀ ਸੋ ਦੁੱਖ ਕੈਸਾ ਪਾਵੈ' ਦੀ ਸੂਟਿੰਗ ਬੜੇ ਹੀ ਜੋਰ ਸੋਰ ਨਾਲ ਧਾਰਿਮਕ ਤੇ ਸੁੰਦਰ ਲੋਕੇਸਨਾਂ ਨਾਲ ਖਰੜ ਇਲਾਕੇ ਵਿੱਚ ਚੱਲ ਰਹੀ ਹੈ। ਫਿਲਮ ਦੇ ਸੈਟ ਤੇ ਆਖਰੀ ਸੀਨਾਂ ਨੂੰ ਇੱਕ ਪਿੰਡ ਦੇ ਗੁਰਦੁਆਰਾ ਸਾਹਿਬ ਵਿਖੇ ਫਿਲਮਾਕਣ ਕੀਤਾ ਗਿਆ। ਇਸ ਫਿਲਮ ਦੇ ਸੈਟ ਤੇ ਫਿਲਮਾਂ ਦੇ ਸੁਲਝੇ ਹੋਏ ਤੇ ਇਸ ਫਿਲਮ ਦੇ ਡਾਇਰੈਕਟਰ ਰਾਜ ਸਿੰਘ ਬੜੀ ਹੀ ਬਾਰੀਕੀ ਨਾਲ ਫਿਲਮ ਦੇ ਕਲਾਕਾਰਾਂ ਨੂੰ ਇੱਕ ਇੱਕ ਸੀਨ ਪੂਰੀ ਸੂਝ ਬੂਝ ਨਾਲ ਕਰਵਾ ਰਹੇ ਸੀ। ਉਨ੍ਹਾਂ ਇਸ ਫਿਲਮ ਦੇ ਵਿਸੇ ਬਾਰੇ ਚਾਨਣਾ ਪਾਉਦਿਆਂ ਕਿਹਾ ਕਿ ਇਹ ਫਿਲਮ ਨਿਰੋਲ ਧਾਰਮਿਕ ਹੈ ਤੇ ਦਰਸ਼ਕਾਂ ਨੂੰ ਜਰੂਰ ਪਸੰਦ ਆਵੇਗੀ। ਕਿਉਕਿ ਫਿਲਮ ਦੇ ਵਿਸੇ ਅਨੁਸਾਰ ਇਸ ਫਿਲਮ ਰਾਹੀ ਅਸੀ ਦਰਸ਼ਕਾਂ ਨੂੰ ਕੁਝ ਵੱਖਰਾ ਦਿਖਾਉਣ ਦੀ ਕੋਸਿਸ ਕਰਾਗੇ ਵੈਸੇ ਤਾਂ ਧਾਰਮਿਕ ਫਿਲਮਾਂ ਵਿੱਚ ਜਿਆਦਾਤਰ ਗੁਰੂ ਜੀ ਦੀ ਬਾਣੀ ਅਨੁਸਾਰ ਖੰਡਾ ਸਾਹਿਬ ਦੀ ਮਹੱਤਤਾ ਬਾਰੇ ਜਿਆਦਾ ਪੇਸ਼ ਕੀਤਾ ਜਾਦਾ ਹੈ ਪਰ ਸਾਡੀ ਇਹ ਫਿਲਮ ਜਿਸ ਵਿੱਚ ਅਸੀ ਕੜ੍ਹੇ ਦੀ ਕੀ ਮਹੱਤਤਾ ਹੁੰਦੀ ਹੈ, ਬਾਰੇ ਪੇਸਕਾਰੀ ਕੀਤੀ ਹੈ । ਇਹ ਫਿਲਮ ਦੋ ਪਰਿਵਾਰਾਂ ਦੀ ਕਹਾਣੀ ਤੇ ਅਧਾਰਿਤ ਹੈ। ਜਿਸ ਵਿੱਚ ਇਕ ਪਰਿਵਾਰ ਧਾਰਮਿਕ ਤੇ ਦੂਜੇ ਪਾਸੇ ਅੰਧ ਵਿਸਵਾਸੀ ਪਰਿਵਾਰ ਹੁੰਦਾ ਹੈ। ਜਦੋਂ ਧਾਰਮਿਕ ਖਿਆਲਾਂ ਵਾਲੀ ਲੜਕੀ ਤੇ ਗੁਰਬਾਣੀ ਵਿੱਚ ਵਿਸਵਾਸ ਰੱਖਣ ਵਾਲੀ ਲੜਕੇ ਦਾ ਸਾਦੀ ਹੁੰਦੀ ਹੈ ਤਾਂ ਉਸ ਨੂੰ ਉਸ ਪਰਿਵਾਰ ਵਿਚ ਕਿਹੜੀਆਂ -ਕਿਹੜੀਆਂ ਮੁਸਕਿਲਾਂ ਵਿਚੋਂ ਲੰਘਣਾ ਪੈਂਦਾ ਹੈ ਤੇ ਉਹ ਕਿਵੇ ਆਪਣੇ ਧਾਰਮਿਕ ਵਿਚਾਰਾਂ ਰਾਹੀ ਅੰਧ ਵਿਸਵਾਸੀ ਪਰਿਵਾਰ ਨੂੰ ਜੋੜਨ ਵਿਚ ਸਫਲ ਹੁੰਦੀ ਹੈ। ਕਿਵੇ ਇਸ ਫਿਲਮ ਰਾਹੀ ਕੜ੍ਹੇ ਦੀ ਮਹੱਤਤਾ ਦਰਸ਼ਾ ਕੇ ਅੰਧ ਵਿਸਵਾਸਾਂ ਵਿੱਚ ਵਿਸਵਾਸ ਕਰਨ ਵਾਲੇ ਪਰਿਵਾਰ ਨੂੰ ਗੁਰਬਾਣੀ ਨਾਲ ਜੋੜਿਆ ਜਾਂਦਾ ਹੈ । ਕੁਝ ਇਸ ਤਰ੍ਹਾਂ ਦੀ ਹੀ ਇਸ ਫਿਲਮ ਰਾਹੀ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਇਸ ਫਿਲਮ ਦੀ ਕਹਾਣੀ ਮੁਤਾਬਿਕ ਫਿਲਮ ਵਿੱਚ ਹਰ ਇੱਕ ਪਾਤਰ ਨੇ ਆਪਣਾ ਆਪਣਾ ਰੋਲ ਬਾਖੂਬੀ ਨਿਭਾਇਆ ਹੈ। ਇਸ ਫਿਲਮ ਵਿਚਲੇ ਕਲਾਕਾਰਾਂ ਦੀ ਚੋਣ ਫਿਲਮ ਦੇ ਵਿਸੇ ਮੁਤਾਬਕ ਕੀਤੀ ਗਈ ਸੀ ਾਂਕ ਦਰਸ਼ਕਾਂ ਨੂੰ ਹਰ ਇੱਕ ਰੋਲ ਵਿਚ ਕੰਮ ਕਰ ਰਹੇ ਕਲਾਕਾਰ ਵਿੱਚ ਕਿਸੇ ਵੀ ਪ੍ਰਕਾਰ ਦਾ ਉਪਰਾਪਣ ਨਜਰ ਨਾ ਆਵੇ। ਇਸ ਫਿਲਮ ਵਿੱਚ ਗੀਤਾਂ ਦੀ ਥਾਂ ਧਾਰਮਿਕ ਸਬਦਾਂ ਨੂੰ ਵਰਤਿਆ ਗਿਆ ਹੈ । ਫਿਲਮ ਵਿਚ ਮੁੱਖ ਤੌਰ ਤੇ ਕਲਾਕਾਰ ਮਲਕੀਤ ਰੌਣੀ, ਗੁਰਪ੍ਰੀਤ ਕੌਰ ਭੰਗੂ, ਕੌਰ ਰੂਪੀ, ਸੋਨੂ ਧਮੜੈਤ ,ਮਨਜੀਤ ਸੰਧੂ, ਜਗਤਾਰ ਬੈਨੀਪਾਲ, ਗੁਰਦੁਆਰਾ ਖਰੂੜ ਸਾਹਿਬ ਦੇ ਕਥਾ ਵਾਚਕ ਬਾਬਾ ਮਹਿਤਾਬ ਸਿੰਘ ਚੀਮਾ, ਰੋਹਿਤ ਵਸ਼ਿਸਟ, ਸੱਜਣ ਅਕਬਰਪੁਰੀ ਆਦਿ ਕੰਮ ਕਰ ਰਹੇ ਹਨ। ਇਸ ਫਿਲਮ ਦੇ ਪਡਿਊਸਰ ਸੋਨੂੰ ਧਮੜੈਤ, ਸਹਾਇਕ ਡਾਇਰਕੈਟਰ ਬੰਟੀ ਤੇ ਕੈਮਰਾਮੈਨ ਸੋਨੂੰ ਵਰਮਾ ਹਨ। ਫਿਲਮ ਨੂੰ ਸੰਗੀਤਬੱਧ ਮੰਨੇ ਪ੍ਰਮੰਨੇ ਸੰਗੀਤਕਾਰ ਸੁਰਿੰਦਰ ਬਚਨ, ਸਿਨਧੀ ਚੌਹਾਨ ,ਉੱਤਮ ਸਿੰਘ ਤੇ ਸੈਨ ਦਲੀਪ ਨੇ ਕੀਤਾ ਹੈ। ਇਸ ਫਿਲਮ ਦੇ ਡਾਇਰੈਕਟਰ ਰਾਜ ਸਿੰਘ ਨੇ ਕਿਹਾ ਕਿ ਫਿਲਮ ਨੂੰ ਹਰ ਇੱਕ ਪੱਖ ਤੋਂ ਵਧੀਆ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਹੈ ਤੇ ਇਸ ਫਿਲਮ ਰਾਹੀ ਲੋਕਾ ਨੂੰ ਧਾਰਮਿਕ ਵਿਚਾਰਧਾਰਾ ਨਾਲ ਜੋੜ੍ਹਨ ਦੀ ਕੋਸ਼ਿਸ਼ ਕਰਨ ਦਾ ਉਪਰਾਲਾ ਕੀਤਾ ਹੈ ਤਾਂ ਜੋ ਫਿਲਮ ਦਰਸਕਾਂ ਦੀ ਕਸੌਟੀ ਤੇ ਖਰੀ ਉਤਰ ਸਕੇ । ਉਨ੍ਹਾਂ ਆਪਣੇ ਆਉਣ ਵਾਲੇ ਹੋਰ ਧਾਰਮਿਕ ਫਿਲਮੀ ਪ੍ਰਜੋਕੈਟਾਂ ਬਾਰੇ ਦੱਸਿਆ ਕਿ ਜਲਦੀ ਹੀ ਮਹਾਰਾਜਾ ਰਣਜੀਤ ਸਿੰਘ, ਸ੍ਰ ਹਰੀ ਸਿੰਘ ਨਲੂਆ, ਜਫਰਨਾਮਾ, ਭਾਈ ਮਤੀਦਾਸ, ਅਕਾਲੀ ਫੂਲਾ ਸਿੰਘ ਤੇ ਅਧਾਰਿਤ ਵਿਸ਼ਿਆ 'ਤੇ ਫਿਲਮਾਂ ਬਣਾ ਰਹੇ ਹਾਂ। ਫਿਲਮਾਂ ਦੇ ਵਿਸਿਆਂ ਅਨੁਸਾਰ ਜਾਣਕਾਰੀ ਇਕੱਠੀ ਕੀਤੀ ਜਾ ਰਹੀ ਹੈ ਤੇ ਇਨ੍ਹਾਂ ਫਿਲਮਾਂ 'ਚੋ' ਕੁਝ ਕੁ ਤੇ ਕੰਮ ਜਲਦੀ ਸੁਰੂ ਹੋ ਜਾਵੇਗਾ ।