ਫ਼ਿਰੋਜ਼ਪੁਰ : 1.ਕਿੱਸਾ ਸ਼ਬਦ ਕਿਸ ਭਾਸ਼ਾ ਦਾ ਹੈ ?
ਉੱਤਰ- ਅਰਬੀ ਭਾਸ਼ਾ ਦਾ।
2.ਕਿੱਸੇ ਨੂੰ ਫ਼ਾਰਸੀ ਵਿੱਚ ਤੇ ਹਿੰਦੀ ਵਿੱਚ ਕੀ ਕਿਹਾ ਜਾਂਦਾ ਹੈ ?
ਉੱਤਰ- ਫ਼ਾਰਸੀ ਵਿੱਚ ਮਸਨਵੀ ਤੇ ਹਿੰਦੀ ਵਿੱਚ ਪ੍ਰੇਮਾਖਿਆਨ ਕਿਹਾ ਜਾਂਦਾ ਹੈ।
3. ਕਿੱਸੇ ਦੇ ਨਾਇਕ ਨਾਇਕਾਵਾਂ ਕਿਹੋ ਜਿਹੇ ਹੁੰਦੇ ਹਨ ?
ਉੱਤਰ- ਆਮ ਮਨੁੱਖ ਹੁੰਦੇ ਹੋਏ ਅਸਧਾਰਨ ਗੁਣਾਂ ਦੇ ਮਾਲਕ ਹੁੰਦੇ ਹਨ।
4. ਪੰਜਾਬੀ ਦਾ ਉਹ ਪਹਿਲਾ ਸਾਹਿਤ ਰੂਪ ਹੈ ਜਿਸ ਵਿੱਚ ਕਹਾਣੀ ਦਾ ਕੇਂਦਰ ਮਨੁੱਖ ਬਣਦਾ ਹੈ ?
ਉੱਤਰ- ਕਿੱਸਾ ਸਾਹਿਤ-ਰੂਪ
5. ਕਿੱਸਾ ਕਾਵਿ ਦੇ ਦੁਨਿਆਵੀ ਪਿਆਰ ਦੇ ਸੰਕਲਪ ਨੂੰ ਸੂਫ਼ੀ ਸ਼ਬਦਾਵਲੀ ਵਿੱਚ ਕੀ ਕਿਹਾ ਜਾਂਦਾ ਹੈ ?
ਉੱਤਰ- ਇਸ਼ਕ ਮਿਜ਼ਾਜੀ ਕਿਹਾ ਜਾਂਦਾ ਹੈ।
6. ਕਿੱਸਾ ਕਾਵਿ ਦੀ ਹੋਂਦ ਦੇ ਮੁੱਢਲੇ ਸਬੂਤ ਕਿਸ ਸਮੇਂ ਤੋਂ ਮਿਲ਼ਦੇ ਹਨ ?
ਉੱਤਰ- ਮੁਗ਼ਲ ਕਾਲ ਤੋਂ
7. ਪੰਜਾਬੀ ਕਿੱਸਾ ਕਾਵਿ ਦਾ ਮੁੱਢ ਕਿਸ ਕਿੱਸਾਕਾਰ ਤੋਂ ਬੱਝਦਾ ਹੈ ?
ਉੱਤਰ- ਦਮੋਦਰ ਤੋਂ
8. ਸਿਖ਼ਰਲੇ ਮੁਗ਼ਲ ਕਾਲਿ ਦੇ ਪ੍ਰਸਿੱਧ ਕਿੱਸਾਕਾਰਾਂ ਕਿਹੜੇ-2 ਸਨ ?
ਉੱਤਰ- ਦਮੋਦਰ, ਪੀਲੂ, ਹਾਫ਼ਿਜ਼ ਬਰਖ਼ੁਰਦਾਰ ਤੇ ਅਹਿਮਦ ਗੁੱਜਰ।
9. ਕਿਸ ਕਿੱਸਾਕਾਰ ਦੇ ਪ੍ਰਵੇਸ਼ ਨਾਲ਼ ਕਿੱਸਾ ਕਾਵਿ ਫ਼ਾਰਸੀ ਦੀ ਰਵਾਇਤੀ ਕਿੱਸਾ ਕਲਾ ਤੋਂ ਪ੍ਰਭਾਵਿਤ ਹੋਣਾ ਸ਼ੁਰੂ ਹੋਇਆ ?
ਉੱਤਰ- ਹਾਫ਼ਿਜ਼ ਬਰਖ਼ੁਰਦਾਰ ਦੇ ਪ੍ਰਵੇਸ਼ ਨਾਲ਼।
10. ਕਿਹੜਾ ਕਿੱਸਾ ਸੁਖਾਂਤਕ ਰੂਪ ਵਿੱਚ ਮਿਲਦਾ ਹੈ ?
ਉੱਤਰ- ਦਮੋਦਰ ਦੀ ਹੀਰ।
11. ਸਿਖ਼ਰਲੇ ਮੁਗ਼ਲ ਕਾਲ ਵਿੱਚ ਕਿੱਸਾਕਾਰਾਂ ਵੱਲੋਂ ਕਿਹੜੇ-2 ਛੰਦ ਵਰਤੇ ਗਏ ?
ਉੱਤਰ- ਦਵੱਈਆ, ਸੱਦ ਤੇ ਬੈਂਤ।
12. ਦਮੋਦਰ ਦੀ ਹੀਰ ਤੇ ਹਾਫ਼ਿਜ਼ ਬਰਖ਼ੁਰਦਾਰ ਬਰਖ਼ੁਰਦਾਰ ਨੇ ਯੂਸਫ਼ ਜ਼ੁਲੈਖ਼ਾਂ ਵਿੱਚ ਕਿਹੜਾ ਛੰਦ ਵਰਤਿਆ ?
ਉੱਤਰ- ਦਵੱਈਆ ਛੰਦ।
13.ਪੀਲੂ ਨੇ ਮਿਰਜ਼ਾ-ਸਾਹਿਬਾਂ ਤੇ ਹਾਫ਼ਿਜ਼ ਨੇ ਮਿਰਜ਼ਾ-ਸਾਹਿਬਾਂ ਤੇ ਸੱਸੀ ਪੁੰਨੂੰ ਵਿੱਚ ਕਿਹੜਾ ਛੰਦ ਵਰਤਿਆ ?
ਉੱਤਰ- ਸੱਦ
14. ਅਹਿਮਦ ਗੁੱਜਰ ਨੇ ਹੀਰ ਕਿਸ ਛੰਦ ਵਿੱਚ ਲਿਖੀ ?
ਉੱਤਰ- ਬੈਂਤ ਛੰਦ ਵਿੱਚ।
15. ਕਿਹੜੀ ਸਦੀ ਨੂੰ ਪੰਜਾਬੀ ਕਿੱਸਾ ਕਾਵਿ ਦਾ ਸੁਨਹਿਰੀ ਕਾਲ ਮੰਨਿਆ ਗਿਆ ?
ਉੱਤਰ- ਅਠਾਰ੍ਹਵੀਂ ਸਦੀ ਵਿੱਚ।
16. ਅਠਾਰ੍ਹਵੀਂ ਸਦੀ ਵਿੱਚ ਕਿਹੜੀਆਂ ਪ੍ਰੀਤ ਕਥਾਵਾਂ ਕਿੱਸਾ ਕਾਵਿ ਦਾ ਹਿੱਸਾ ਬਣੀਆਂ ?
ਉੱਤਰ- ਹੀਰ ਰਾਂਝਾ, ਸੱਸੀ ਪੁੰਨੂੰ ਤੇ ਯੂਸਫ਼ ਜ਼ੁਲੈਖ਼ਾਂ।
17. ਅਠਾਰ੍ਹਵੀਂ ਸਦੀ ਦੇ ਪ੍ਰਸਿੱਧ ਕਿੱਸਾਕਾਰ ਕਿਹੜੇ-2 ਸਨ ?
ਉੱਤਰ- ਚਰਾਗ ਅਵਾਨ, ਮੁਕਬਲ, ਵਾਰਿਸ, ਬਿਹਬਲ, ਹਾਮਦ।
18. ਗਿਣਤੀ ਦੇ ਪੱਖ ਤੋਂ ਸਭ ਤੋਂ ਵੱਧ ਕਿੱਸੇ ਕਿਸ ਸਦੀ ਵਿੱਚ ਲਿਖੇ ਗਏ ?
ਉੱਤਰ- 19ਵੀਂ ਸਦੀ ਵਿੱਚ ( ਡੇਢ ਦਰਜਨ ਦੇ ਲਗ-ਪਗ ਕਵੀਆਂ ਨੇ)
19.ਉੱਨੀਵੀਂ ਸਦੀ ਦੇ ਪ੍ਰਸਿੱਧ ਕਿੱਸਾਕਾਰ ਕਿਹੜੇ-2 ਸਨ ?
ਉੱਤਰ- ਹਾਸ਼ਮ, ਅਹਿਮਦਯਾਰ,ਇਮਾਮ ਬਖ਼ਸ਼, ਫ਼ਜ਼ਲ ਸ਼ਾਹ,ਕਾਦਰਯਾਰ ਤੇ ਮੀਆਂ ਮੁਹੰਮਦ ਬਖ਼ਸ਼।
20.ਵੀਹਵੀਂ ਸਦੀ ਵਿੱਚ ਕਿੱਸਾ-ਕਾਵਿ ਪਰੰਪਰਾ ਕਿਸ ਤਰ੍ਹਾਂ ਦਾ ਰੂਪ ਧਾਰਨ ਕਰ ਲੈਂਦੀ ਹੈ ?
ਉੱਤਰ-ਚਿੱਠਾ ਸਾਹਿਤ ਤੇ ਕਵੀਸ਼ਰੀ ਦੇ ਰੂਪ ਵਿੱਚ।