ਮਾਲੇਰਕੋਟਲਾ : ਜ਼ਿਲ੍ਹਾ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਬੀਬਾ ਨਿਸ਼ਾਤ ਅਖ਼ਤਰ ਨੇ ਅੱਜ ਇੱਕ ਅਹਿਮ ਐਲਾਨ ਕਰਦਿਆਂ ਬਲਾਕ ਕਾਂਗਰਸ ਕਮੇਟੀ ਮਾਲੇਰਕੋਟਲਾ -1 ਦੇ ਪ੍ਰਧਾਨ ਅਕਰਮ ਲਿਬੜਾ ਦੀ ਥਾਂ ਨਵੇਂ ਬਣੇ ਕੌਂਸਲਰ ਮੁਹੰਮਦ ਜਾਵੇਦ ਪੁੱਤਰ ਮੁਹੰਮਦ ਇਸਹਾਕ ਸਾਕਾ ਸਾਬਕਾ ਪ੍ਰਧਾਨ ਨਗਰ ਕੌਂਸਲ ਨੂੰ ਕਾਰਜਕਾਰੀ ਪ੍ਰਧਾਨ ਨਿਯੁਕਤ ਕੀਤਾ ਹੈ। ਜ਼ਿਲ੍ਹਾ ਪ੍ਰਧਾਨ ਵੱਲੋਂ ਜਾਰੀ ਕੀਤੇ ਦਫਤਰੀ ਹੁਕਮਾਂ ਅਨੁਸਾਰ ਅਕਰਮ ਲਿਬੜਾ ਵੱਲੋਂ ਪਿੱਛਲੇ ਡੇਢ ਮਹੀਨੇ ਤੋਂ ਪਾਰਟੀ ਲਈ ਕੋਈ ਵੀ ਸਰਗਰਮੀ ਨਾ ਕਰਨ ਅਤੇ ਮਾਲੇਰਕੋਟਲਾ ਹਲਕੇ ਅੰਦਰ ਪਾਰਟੀ ਮੁਖਾਲਫ ਲੋਕਾਂ ਨਾਲ ਮਿਲਕੇ ਪਾਰਟੀ ਨੂੰ ਨੁਕਸਾਨ ਪਹੁੰਚਾਉਣ ਦਾ ਜ਼ਿੰਮੇਦਾਰ ਦੱਸਿਆ। ਮੁਹੰਮਦ ਜਾਵੇਦ ਨੇ ਅਪਣੀ ਨਿਯੁਕਤੀ ਤੇ ਜ਼ਿਲ੍ਹਾ ਪ੍ਰਧਾਨ ਬੀਬਾ ਨਿਸ਼ਾਤ ਅਖ਼ਤਰ ਅਤੇ ਮਾਲੇਰਕੋਟਲਾ ਹਾਊਸ ਦਾ ਧੰਨਵਾਦ ਕੀਤਾ।