ਸਮਾਣਾ : ਸ਼ਿਵ ਲੰਗਰ ਕਮੇਟੀ ਸਮਾਣਾ ਵੱਲੋਂ ਪਵਿੱਤਰ ਸ੍ਰੀ ਅਮਰਨਾਥ ਜੀ ਯਾਤਰਾ ਦੌਰਾਨ ਸ਼ਰਧਾਲੂਆਂ ਦੀ ਸੇਵਾ ਲਈ ਲਗਾਏ ਜਾਣ ਵਾਲੇ ਵਿਸ਼ਾਲ ਭੰਡਾਰੇ ਵਾਸਤੇ ਤਿੰਨ ਟਰੱਕ ਰਾਸ਼ਨ ਅਤੇ ਹੋਰ ਜ਼ਰੂਰੀ ਸਮੱਗਰੀ ਰਵਾਨਾ ਕੀਤੀ ਗਈ। ਇਸ ਮੌਕੇ ਨੈਸ਼ਨਲ ਐਥਲੀਟ ਪਰਨਵੀ ਗੋਇਲ ਅਤੇ ਨੈਸ਼ਨਲ ਅਸਲੀਟ ਪਰਨਵੀ ਗੋਇਲ ਦੀ ਦਾਦੀ ਪ੍ਰਸਿੱਧ ਸਮਾਜ ਸੇਵਕਾ ਸ਼ਸ਼ੀ ਬਾਲਾ ਗੋਇਲ ਪਤਨੀ ਜੀਵਨ ਗੋਇਲ ਨੇ ਟਰੱਕਾਂ ਨੂੰ ਝੰਡੀ ਦਿਖਾ ਕੇ ਰਵਾਨਾ ਕੀਤਾ। ਰਵਾਨਗੀ ਸਮਾਰੋਹ ਦੌਰਾਨ ਸ਼ਿਵ ਭਗਤਾਂ ਵਿੱਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲਿਆ। "ਜੈ ਭੋਲੇ ਸ਼ਿਵ ਭੋਲੇ", "ਜੈ ਬਾਬਾ ਬਰਫਾਨੀ" ਅਤੇ "ਭੁੱਖੇ ਕੋ ਅੰਨ, ਪਿਆਸੇ ਕੋ ਪਾਣੀ" ਦੇ ਗੂੰਜਦੇ ਜੈਕਾਰਿਆਂ ਨਾਲ ਪੂਰਾ ਇਲਾਕਾ ਸ਼ਿਵਮਈ ਹੋ ਗਿਆ ਅਤੇ ਮਾਹੌਲ ਭਗਤੀ ਰੰਗ ਵਿੱਚ ਰੰਗਿਆ ਗਿਆ। ਇਸ ਮੌਕੇ ਅਭਿਸ਼ੇਕ ਸਿੰਗਲਾ, ਪੰਚਕੁਲਾ ਰਾਕੇਸ਼ ਸਿੰਗਲਾ ਪੰਚਕੁਲਾ, ਨਰਿੰਦਰ ਮਿੱਤਲ, ਪ੍ਰੇਮ ਗੋਇਲ, ਚੰਡੀਗੜ੍ਹ (ਸਾਰੇ ਰੀਅਲ ਅਸਟੇਟ ਪ੍ਰਮੋਟਰ ) ਵਿਸ਼ੇਸ਼ ਤੌਰ ਤੇ ਪੁੱਜੇ ਇਸ ਮੌਕੇ ਸ਼ਿਵ ਲੰਗਰ ਕਮੇਟੀ ਦੇ ਪ੍ਰਧਾਨ ਅਮਰ ਗੋਇਲ ਅਤੇ ਕਮੇਟੀ ਦੇ ਪ੍ਰਮੁੱਖ ਪਰਸ਼ੋਤਮ ਕੁਮਾਰ,ਪਵਨ ਕੁਮਾਰ, ਜੀਵਨ ਗੋਇਲ ਨੇ ਦੱਸਿਆ ਕਿ ਕਮੇਟੀ ਪਿਛਲੇ ਲਗਾਤਾਰ 34 ਸਾਲਾਂ ਤੋਂ ਸ੍ਰੀ ਅਮਰਨਾਥ ਜੀ ਯਾਤਰਾ ਦੌਰਾਨ ਸ਼ਰਧਾਲੂਆਂ ਦੀ ਨਿਸ਼ਕਾਮ ਸੇਵਾ ਕਰਦੀ ਆ ਰਹੀ ਹੈ। ਕਮੇਟੀ ਅਹੁਦੇਦਾਰਾਂ ਨੇ ਕਿਹਾ ਕਿ ਬਾਬਾ ਬਰਫਾਨੀ ਦੀ ਅਪਾਰ ਕਿਰਪਾ ਅਤੇ ਸ਼ਹਿਰ ਵਾਸੀਆਂ ਦੇ ਸਹਿਯੋਗ ਨਾਲ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਸੇਵਾ ਕਾਰਜ ਪੂਰੀ ਸ਼ਰਧਾ, ਸਮਰਪਣ ਅਤੇ ਉਤਸ਼ਾਹ ਨਾਲ ਕੀਤਾ ਜਾਵੇਗਾ।