ਮੋਬਾਇਲ ਫੋਨ ਤੇ ਜਾਅਲੀ ਲਿੰਕ ਭੇਜ ਕੇ ਫੋਨ ਹੈਕ ਕਰਨ ਵਾਲੇ ਦੋ ਮੁਲਜ਼ਮ ਗ੍ਰਿਫਤਾਰ

ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ  :  ਥਾਣਾ ਫੇਸ-1 ਮੋਹਾਲੀ ਪੁਲਿਸ ਨੂੰ ਉਸ ਵੇਲ਼ੇ ਬਹੁਤ ਵੱਡੀ ਸਫਲਤਾ ਮਿਲੀ ਜਦੋਂ ਪੁਲਿਸ ਟੀਮ ਵੱਲੋਂ ਮਿਤੀ 13-4-2026 ਨੂੰ ਐਚ.ਐਮ ਕ੍ਰਿਸਟਲ ਹੋਟਲ ਫੇਸ-1 ਮੋਹਾਲੀ ਤੇ ਸਾਹਿਲ ਜਗਦਾ ਪੁੱਤਰ ਸੰਜੀਵ ਕੁਮਾਰ ਵਾਸੀ ਏ-50 ਗਲੀ ਨੰ. 6 ਨਿਉ ਤਹਿਸੀਲਪੁਰਾ ਥਾਣਾ ਰਾਮਬਾਗ ਜਿਲਾ ਅਮ੍ਰਿੰਤਸਰ ਸਾਹਿਬ ਅਤੇ ਅਮਰ ਪੁੱਤਰ ਤਰਸੇਮ ਸਿੰਘ ਵਾਸੀ ਮਕਾਨ ਨੰ. ਸੀ-17 ਗੋਲਡਨ ਐਵੀਨਿਉ ਥਾਣਾ ਰਾਮਬਾਗ ਜਿਲਾ ਅਮ੍ਰਿੰਤਸਰ ਸਾਹਿਬ, ਜੋ ਲੋਕਾ ਦੇ ਮੋਬਾਇਲ ਫੋਨ ਤੇ ਜਾਅਲੀ ਲਿੰਕ ਭੇਜ ਕੇ ਉਹਨਾ ਦੇ ਮੋਬਾਇਲ ਫੋਨ ਹੈਕ ਕਰਕੇ ਪੈਸੇ ਕੱਢ ਲੈਦੇ ਸੀ ਜਾਂ ਉਹਨਾ ਪੈਸਿਆ ਦੀ ਆਨ ਲਾਇਨ ਵੈਬਸਾਇਟ ਤੇ ਸੋਪਿੰਗ ਕਰਕੇ ਫੋਨ ਖਰੀਦ ਕੇ ਅੱਗੇ ਸਸ਼ਤੇ ਰੇਟਾ ਤੇ ਵੇਚ ਦਿੰਦੇ ਸੀ, ਨੂੰ ਗ੍ਰਿਫਤਾਰ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ।

ਐਸ ਪੀ ਸਿਟੀ, ਦਿਲਪ੍ਰੀਤ ਸਿੰਘ ਅਨੁਸਾਰ ਉਕਤ ਦੋਸ਼ੀਆਂ ਨੇ ਮੁਦਈ ਮੁਕੱਦਮਾ ਮਨੋਜ ਕੁਮਾਰ ਪੁੱਤਰ ਮਨੋਹਰ ਲਾਲ ਵਾਸੀ ਦੇਹਰਾਦੂਨ ਦੇ ਮੋਬਾਇਲ ਫੋਨ ਤੇ ਜਾਅਲੀ ਲਿੰਕ ਭੇਜ ਕੇ, ਉਸ ਦਾ ਫੋਨ ਹੈਕ ਕਰਕੇ ਉਸ ਦੇ ਕਰੈਡਿਟ ਕਾਰਡ ਅਕਾਊਂਟ ਵਿੱਚੋਂ ਲੱਗਭਗ 1,25,000/- ਰੁਪਏ ਦੀ ਆਨ ਲਾਇਨ ਸ਼ਾਪਿੰਗ ਕਰਕੇ ਤਿੰਨ ਫੋਨ, ਮਾਰਕਾ ਮਟਰੋਲਾ ਖਰੀਦ ਕੀਤੇ। ਜਿਨ੍ਹਾਂ ਦੀ ਬਜ਼ਾਰ ਵਿਚ ਕੀਮਤ ਲਗਭਗ 01 ਲੱਖ ਰੁਪਏ ਹੈ। ਉਕਤਾਨ ਦੋਸ਼ੀਆਂ ਨੇ ਫੋਨਾਂ ਦੀ ਡਲੀਵਰੀ ਲੈਣ ਲਈ ਹੋਟਲ ਐਚ.ਐਮ ਕ੍ਰਿਸਟਲ ਫੇਸ-1 ਮੋਹਾਲੀ ਦਾ ਅਡਰੈਸ ਦਿੱਤਾ ਸੀ। ਜਿੱਥੇ ਉਨ੍ਹਾਂ ਨੂੰ ਹੋਟਲ ਐਚ.ਐਮ ਕ੍ਰਿਸਟਲ ਫੇਸ-1 ਮੋਹਾਲੀ ਦੇ ਕਮਰਾ ਨੰ. 301 ਵਿੱਚੋਂ ਸਮੇਤ ਤਿੰਨ ਸੀਲ ਬੰਦ ਡੱਬਾ ਮੋਬਾਇਲ ਫੋਨ ਮਾਰਕਾ ਮਟਰੋਲਾ ਅਤੇ ਕਾਰ ਨੰ. PB-02-BV-1101 ਮਾਰਕਾ ਕਰੂਜ ਰੰਗ ਗਰੇਅ ਸਮੇਤ ਮਿਤੀ 13-4-2026 ਨੂੰ ਕਾਬੂ ਕੀਤਾ ਗਿਆ। ਦੋਸ਼ੀਆਂ ਪਾਸੋਂ ਅਲੱਗ ਅਲੱਗ ਬੈਕਾਂ ਦੇ ਕਰੈਡਿਟ ਤੇ ਡੈਬਿਟ ਕਾਰਡ ਵੀ ਬਰਾਮਦ ਹੋਏ। ਜਿਸ ਤੇ ਮੁਕੱਦਮਾ ਨੰ. 74 ਮਿਤੀ 13-04-2026 ਅ/ਧ 318(4), 336(2),338,336(3), 340(2),61(2) ਥਾਣਾ ਫੇਸ-1 ਮੋਹਾਲੀ ਦਰਜ ਰਜਿਸਟਰ ਕੀਤਾ ਗਿਆ ਸੀ।