ਅੰਮ੍ਰਿਤਸਰ : ਹਲਕਾ ਪੱਛਮੀ ਦੇ ਅਧੀਨ ਆਉਦੇ ਵਾਰਡ ਨੰਬਰ 1, ਵਾਰਡ ਨੰਬਰ 2 ਅਤੇ ਗੋਲਡਨ ਸਿਟੀ ਵਾਸੀਆਂ ਦੀਆਂ ਮੁਸ਼ਕਲਾਂ ਹਲਕਾ ਵਿਧਾਇਕ ਜਸਬੀਰ ਸਿੰਘ ਸੰਧੂ ਨੇ ਸੁੰਦਰ ਨਗਰ ਦੇ ਸਰਪੰਚ ਪ੍ਰਹਿਲਾਦ ਸਿੰਘ ਦੇ ਗ੍ਰਹਿ ਵਿਖੇ ਸੁਣੀਆਂ, ਜਿੱਥੇ ਵਿਸ਼ਾਲ ਇਕੱਠ ਨੇ ਵਿਧਾਇਕ ਸੰਧੂ ਦਾ ਸਵਾਗਤ ਗਰਮਜੋਸ਼ੀ ਨਾਲ ਕੀਤਾ। ਵਿਧਾਇਕ ਸੰਧੂ ਨੇ ਇੰਨ੍ਹਾਂ ਵੱਡਾ ਇਕੱਠ ਕਰਨ ’ਤੇ ਸਰਪੰਚ ਪ੍ਰਹਿਲਾਦ ਸਿੰਘ ਦਾ ਧੰਨਵਾਦ ਕਰਦਿਆਂ, ਭਗਵੰਤ ਸਿੰਘ ਮਾਨ ਸਰਕਾਰ ਦੀਆਂ ਪ੍ਰਾਪਤੀਆਂ ਗਿਣਾਈਆਂ ਅਤੇ ਸੰਧੂ ਨੇ ਸ਼ਾਨਦਾਰ ਚਾਰ ਸਾਲ ਭਗਵੰਤ ਸਿੰਘ ਮਾਨ ਸਰਕਾਰ ਦੇ ਨਾਲ ਇਕ ਪੋਸਟਰ ਵੀ ਰਿਲੀਜ਼ ਕੀਤਾ। ਉਹਨਾਂ ਕਿਹਾ ਕਿ ਪਿਛਲੀਆਂ ਸਰਕਾਰਾਂ ਅਖੀਰਲੇ ਪੰਜਵੇ ਸਾਲ ਜਨਤਾ ’ਚ ਆਂਉਦੀਆਂ ਸਨ ਵੋਟਾਂ ਲੈਣ ਲਈ, ਜਦੋ ਕਿ ਅਸੀ ਅਤੇ ਮੁੱਖ ਮੰਤਰੀ ਮਾਨ ਦੇ ਸਾਰੀ ਹੀ ਕੈਬਨਿਟ ਪਹਿਲੇ ਦਿਨ ਤੋ ਜਨਤਾ ਦੇ ਵਿਕਾਸ ਕੰਮਾਂ ’ਚ ਰੁਝੇ ਹੋਏ ਹਾਂ। ਪੰਜਾਬ ਦੇ ਵਿਕਾਸ ਕੰਮਾਂ ਲਈ ਫੰਡਾਂ ਦੀ ਕੋਈ ਕਮੀ ਨਹੀ ਹੈ, ਤੁਸੀ ਆਪਣੇ ਹਲਕੇ ਦੇ ਰਹਿੰਦੇ ਵਿਕਾਸ ਕੰਮਾਂ ਬਾਰੇ ਖੁੱਲ ਕੇ ਦੱਸ ਸਕਦੇ ਹੋ। ਕਿਹਾ ਕਿ ਮਾਨ ਸਰਕਾਰ ਨੇ ਪਹਿਲੀ ਵਾਰ ਲੜਕੀਆਂ ਨੂੰ ਟਰਾਂਸਪੋਰਟ ਦੀ ਸਹੂਲਤ ਦਿੱਤੀ ਹੈ, ਔਰਤਾਂ ਨੂੰ 1500 ਰੁਪਏ ਅਤੇ 1000 ਰੁਪਏ ਦੇਣ ਲਈ ਕੈਂਪ ਸਰਪੰਚ ਪ੍ਰਹਿਲਾਦ ਦੇ ਗ੍ਰਹਿ ਵਿਖੇ ਲਗਵਾਇਆ ਜਾਵੇਗਾ। ਵਿਧਾਇਕ ਸੰਧੂ ਨੇ ਕਿਹਾ ਕਿ ਅਕਾਲੀ ਦਲ ਦੀ ਸਰਕਾਰ ਨੇ ਪੰਜਾਬ ਵਿੱਚ ਛੇਵਾਂ ਨਸ਼ਿਆਂ ਦਾ ਦਰਿਆ ਚਲਾਇਆ ਅਤੇ ਕਾਂਗਰਸ ਉਸ ਨੂੰ ਅੱਗੇ ਲੈ ਕੇ ਗਈ। ਸਰਪੰਚ ਪ੍ਰਹਿਲਾਦ ਨੇ ਸਮੇਤ ਪੰਚਾਇਤ ਦੇ ਵਿਧਾਇਕ ਸੰਧੂ ਅਤੇ ਨਾਲ ਆਈਆਂ ਸ਼ਖਸੀਅਤਾਂ ਨੂੰ ਸਿਰੋਪਾ ਪਾ ਕੇ ਜੀ ਆਇਆਂ ਨੂੰ ਕਿਹਾ। ਸਰਪੰਚ ਪ੍ਰਹਿਲਾਦ ਦੇ ਬੇਟੇ ਗੋਪੀ ਨੇ ਸਾਰੀਆਂ ਆਈਆਂ ਹੋਈਆਂ ਸ਼ਖਸੀਅਤਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਵਿਧਾਇਕ ਪੀ. ਏ. ਅਮਰਜੀਤ ਸਿੰਘ, ਵਾਰਡ ਨੰਬਰ 1 ਦੇ ਕੌਂਸਲਰ ਅਮਰਜੀਤ ਸਿੰਘ ਐਲ. ਆਈ. ਸੀ. ਵਾਲੇ, ਵਾਰਡ ਨੰਬਰ 2 ਦੇ ਕੌਂਸਲਰ ਪ੍ਰਭ ਓਪਲ, ਕੌਂਸਲਰ ਵਿਰਾਟ ਦੇਵਗਨ, ਨਸ਼ਾ ਵਿਰੋਧੀ ਕਮੇਟੀ ਦੇ ਬਲਾਕ ਪ੍ਰਧਾਨ ਚਾਂਦ, ਬਲਾਕ ਪ੍ਰਧਾਨ ਦਿਵੇਸ਼ ਕੁਮਾਰ ਗੁੰਮਟਾਲਾ, ਜਸਪਾਲ ਸਿੰਘ, ਛੀਨਾ ਪ੍ਰਾਪਟੀ ਡੀਲਰ, ਸੂਬੇਦਾਰ ਰਜਿੰਦਰ ਸਿੰਘ ਆਦਿ ਤੋ ਇਲਾਵਾ ਸੈਂਕੜੇ ਹੀ ਇਲਾਕਾ ਨਿਵਾਸੀ ਹਾਜ਼ਰ ਸਨ। -photo-27asr01 -ਵਿਧਾਇਕ ਜਸਬੀਰ ਸਿੰਘ ਸੰਧੂ, ਸਰਪੰਚ ਪ੍ਰਹਿਲਾਦ ਦੇ ਗ੍ਰਹਿ ਵਿਖੇ ਸੰਬੋਧਨ ਕਰਦੇ ਹੋਏ। -photo-27asr02 -ਹਾਜ਼ਰ ਇਲਾਕਾ ਨਿਵਾਸੀ। -photo-27asr03 -ਮਾਨ ਸਰਕਾਰ ਦੀਆਂ ਪ੍ਰਾਪਤੀਆਂ ਬਾਰੇ ਦੱਸਦੇ ਹੋਏ ਵਿਧਾਇਕ ਸੰਧੂ, ਸਰਪੰਚ ਪ੍ਰਹਿਲਾਦ ’ਤੇ ਹੋਰ।