ਸੰਦੌੜ : ਨਵਾਬਸ਼ਾਹੀ ਰਿਆਸਤ ਮਾਲੇਰਕੋਟਲਾ ਦੇ ਇਤਿਹਾਸਿਕ ਪਿੰਡ ਕੁਠਾਲਾ ਵਿਖੇ ਮੀਰੀ ਪੀਰੀ ਦੇ ਮਾਲਕ, ਅਕਾਲ ਤਖਤ ਸਾਹਿਬ ਦੇ ਸਿਰਜਣਹਾਰ ਧੰਨ ਧੰਨ ਸਾਹਿਬ ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਜੀ ਦੇ 430ਵੇਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਐਨਆਰਆਈ ਸਮਾਜ ਸੇਵੀ ਪ੍ਰਿੰਸ ਅਮਰੀਕਾ ਵੱਲੋਂ ਹਰ ਸਾਲ ਦੀ ਤਰਾਂ ਇਸ ਸਾਲ ਵੀ ਅੱਤ ਦੀ ਪੈ ਰਹੀ ਗਰਮੀ ਤੋਂ ਰਾਹਗੀਰਾਂ ਨੂੰ ਰਾਹਤ ਦਵਾਉਣ ਲਈ ਸਰਾਜ ਖਾਨ ਗੋਲੂ ਕੁਠਾਲਾ ਦੀ ਦੇਖ-ਰੇਖ ਹੇਠ ਠੰਡੇ ਮਿੱਠੇ ਜਲ ਦੀ ਛਬੀਲ ਲਗਾਈ ਗਈ, ਰਾਹਗੀਰਾਂ ਨੂੰ ਠੰਢਾ ਮਿੱਠਾ ਜਲ ਛਕਾਕੇ ਰਾਹਤ ਦਵਾਈ ਤੇ ਆਉਂਦੇ ਜਾਂਦੇ ਰਾਹਗੀਰਾਂ ਨੂੰ ਘੁੰਗਣੀਆਂ ਦੇ ਲੰਗਰ ਅਤੁੱਟ ਵਰਤਾਏ ਗਏ।ਇਸ ਸਬੰਧੀ ਸੁਰਾਜ ਖਾਨ ਗੋਲੂ ਕੁਠਾਲਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਿਛਲੇ ਕਈ ਸਾਲਾਂ ਤੋਂ ਪ੍ਰਿੰਸ ਅਮਰੀਕਾ ਵੱਲੋਂ ਸ੍ਰੀ ਫਤਿਹਗੜ੍ਹ ਸਾਹਿਬ ਜਾਦਿਆਂ ਦੇ ਜੋੜ ਮੇਲੇ ਵੇਲੇ ਵੀ ਲੰਗਰ ਲਗਾਏ ਜਾਂਦੇ ਹਨ ਅੱਜ ਵੀ ਗਰਮੀ ਦੇ ਮੌਸਮ ਵੇਲੇ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਛਬੀਲ ਦੀ ਸੇਵਾ ਨਿਭਾਈ ਜਾਂਦੀ ਹੈ। ਉਹਨਾਂ ਦੱਸਿਆ ਕਿ ਸਾਡਾ ਇੱਕੋ-ਇੱਕ ਮਕਸਦ ਹੈ ਕਿ ਰਾਹਗੀਰਾਂ ਨੂੰ ਗਰਮੀ ਤੇ ਹੁੰਮਸ ਭਰੇ ਮੌਸਮ ਤੋਂ ਨਿਜਾਤ ਦਵਉਣਾ ਹੈ। ਸਵੇਰੇ 9 ਵਜੇ ਤੋਂ ਆਰੰਭ ਹੋਈ ਛਬੀਲ ਦੇਰ ਸ਼ਾਮ ਤੱਕ ਜਾਰੀ ਰਹੀ। ਸੁਰਾਜ ਖਾਨ ਗੋਲੂ ਕੁਠਾਲਾ ਨੇ ਪ੍ਰਿੰਸ ਅਮਰੀਕਾ ਦੀ ਤਰਫ਼ੋਂ ਛਬੀਲ ਵਿੱਚ ਸੇਵਾ ਨਿਭਾਉਣ ਵਾਲਿਆਂ ਦਾ ਤਹਿ-ਦਿਲੋਂ ਧੰਨਵਾਦ ਕੀਤਾ ਤੇ ਚੜ੍ਹਦੀਕਲਾ ਦੀ ਕਾਮਨਾ ਕੀਤੀ। ਇਸ ਮੌਕੇ ਸੁਰਾਜ ਖਾਨ ਗੋਲੂ ਕੁਠਾਲਾ, ਪੰਚ ਗਗਨਦੀਪ ਸਿੰਘ ਲਿੱਟ, ਕਿਸਾਨ ਆਗੂ ਤੇਜਵੰਤ ਸਿੰਘ ਕੁੱਕੀ, ਮਨਪ੍ਰੀਤ ਸਿੰਘ ਰਿਖੀ, ਅੰਮ੍ਰਿਤਪਾਲ ਸਿੰਘ ਪਾਲੀ ਕੁਠਾਲਾ, ਤਰਸੇਮ ਸਿੰਘ ਧਾਲੀਵਾਲ, ਫੋਟੋਗ੍ਰਾਫ਼ਰ ਗੁਰਪ੍ਰੀਤ ਸਿੰਘ ਕੁਠਾਲਾ, ਗੁਰਜੀਤ ਸਿੰਘ, ਨੋਨੀ ਕਮੈਂਟਰ ਕੁਠਾਲਾ, ਅਕਾਲ ਪੁਰਖ ਸਿੰਘ, ਬੱਗਾ ਸਿੰਘ ਅਲੀਪੁਰ ਖਾਲਸ਼ਾ, ਜਗਦੀਪ ਸਿੰਘ ਜੁਗਨੂੰ ਕੁਠਾਲਾ, ਹਰਜੀਤ ਸਿੰਘ ਫੋਰਮੈਨ, ਪੰਮਾ ਕੁਠਾਲਾ, ਖਾਨ ਟੈਲੀਕਾਮ ਕੁਠਾਲਾ, ਰਾਜੂ ਹਲਵਾਈ, ਸਾਊਂਡ ਸਰਵਿਸ ਬੂਟਾ ਭੂਦਨ ਵਾਲਾ ਤੋਂ ਇਲਾਵਾ ਬੇਅੰਤ ਸੰਗਤਾਂ ਨੇ ਸੇਵਾ ਨਿਭਾਈ।