ਅਰਹਿੰਤ ਸਪਿੰਨਿੰਗ ਮਿੱਲ ਦੇ ਸਹਿਯੋਗ ਨਾਲ ਪੀ.ਸੀ.ਆਰ ਮੋਟਰਸਾਈਕਲ ਫੋਰਸ ਦੇ ਸਪੁਰਦ ਕਰਕੇ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ

ਮਾਲੇਰਕੋਟਲਾ : ਜਿ਼ਲ੍ਹਾ ਮਾਲੇਰਕੋਟਲਾ ਵਿਖੇ ਅਮਨ ਕਾਨੂੰਨ ਦੀ ਸਥਿਤੀ ਨੂੰ ਹੋਰ ਮਜਬੂਤ ਕਰਨ ਅਤੇ ਕਾਬੂ ਹੇਠ ਰੱਖਣ ਲਈ ਸ੍ਰੀ ਸੁਮਿਤ ਅਗਰਵਾਲ ਬਿਜਨੈਸ ਹੈਡ ਅਰਹਿੰਤ ਸਪਿੰਨਿੰਗ ਮਿੱਲ (ਯੂਨਿਟ ਆਫ ਵਰਧਮਾਨ ਗਰੁੱਪ ਟੈਕਸਟਾਈਲ ਲਿਮਟਿਡ) ਮਾਲੇਰਕੋਟਲਾ ਦੇ ਸਹਿਯੋਗ ਨਾਲ ਅੱਜ ਅੱਜ ਇੱਥੇ ਸ੍ਰੀ ਗਗਨ ਅਜੀਤ ਸਿੰਘ ਪੀ.ਪੀ.ਐਸ ਸੀਨੀਅਰ ਕਪਤਾਨ ਪੁਲਿਸ ਮਾਲੇਰਕੋਟਲਾ ਵੱਲੋਂ ਸਮੇਤ ਸੀਨੀਅਰ ਅਧਿਕਾਰੀਆਂ ਸ੍ਰੀਮਤੀ ਸਵਰਨਜੀਤ ਕੌਰ ਪੀ.ਪੀ.ਐਸ ਕਪਤਾਨ ਪੁਲਿਸ (ਸਥਾਨਕ) ਮਾਲੇਰਕੋਟਲਾ, ਸ੍ਰੀ ਰਣਜੀਤ ਸਿੰਘ ਪੀ.ਪੀ.ਐਸ ਉਪ ਕਪਤਾਨ ਪੁਲਿਸ ਸਪੈਸਲ ਬ੍ਰਾਂਚ ਮਾਲੇਰਕੋਟਲਾ-ਕਮ-ਟ੍ਰੈਫਿਕ ਮਾਲੇਰਕੋਟਲਾ ਦੇ ਜਿ਼ਲ੍ਹਾ ਮਾਲੇਰਕੋਟਲਾ ਅਧੀਨ ਆਉਂਦੀਆਂ ਤਿੰਨੋ ਸਬ ਡਵੀਜਨਾਂ ਵਿੱਚ ਨਵੇਂ ਪੀ.ਸੀ.ਆਰ ਮੋਟਰਸਾਈਕਲ ਫੋਰਸ ਦੇ ਸਪੁਰਦ ਕਰਕੇ ਹਰੀ ਝੰਡੀ ਦੇਣ ਉਪਰੰਤ ਰਵਾਨਾ ਕੀਤਾ ਗਿਆ, ਇਸ ਤੋਂ ਇਲਾਵਾ ਸ੍ਰੀ ਸੁਰਿੰਦਰ ਭਾਟੀਆ ਐਚ.ਆਰ ਹੈੱਡ ਅਤੇ ਸ੍ਰੀ ਰਾਜ ਕੁਮਾਰ ਅਸਿਟੈਂਟ ਮੈਨੇਜਰ ਐਡਮਿਨ ਅਰਹਿੰਤ ਸਪਿੰਨਿੰਗ ਮਿੱਲ ਮਾਲੇਰਕੋਟਲਾ ਵੀ ਮੌਕਾ ਪਰ ਹਾਜਰ ਸਨ। ਜਿਸ ਸਬੰਧੀ ਸੀਨੀਅਰ ਕਪਤਾਨ ਪੁਲਿਸ ਮਾਲੇਰਕੋਟਲਾ ਵੱਲੋਂ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਗਿਆ ਕਿ ਸਬ ਡਵੀਜਨ ਮਾਲੇਰਕੋਟਲਾ ਵਿਖੇ 05 ਨਵੇਂ ਪੀ.ਸੀ.ਆਰ ਮੋਟਰਸਾਈਕਲ, ਸਬ ਡਵੀਜਨ ਅਹਿਮਦਗੜ੍ਹ ਅਤੇ ਅਮਰਗੜ੍ਹ ਵਿਖੇ 01/01 ਨਵਾਂ ਪੀ.ਸੀ.ਆਰ ਮੋਟਰਸਾਈਕਲ ਚਲਾਇਆ ਗਿਆ ਹੈ, ਇਸ ਤੋਂ ਇਲਾਵਾ ਸ਼ਹਿਰ ਮਾਲੇਰਕੋਟਲਾ ਵਿਖੇ ਲੇਡੀਜ ਫੋਰਸ ਤਾਇਨਾਤ ਕਰਕੇ ਦਿਨ ਸਮੇਂ 02 ਪੀ.ਸੀ.ਆਰ ਐਕਟਿਵਾ (ਸਕੂਟਰੀਆਂ) ਚਲਾਈਆ ਗਈਆ ਹਨ।ਸੀਨੀਅਰ ਕਪਤਾਨ ਪੁਲਿਸ ਮਾਲੇਰਕੋਟਲਾ ਵੱਲੋਂ ਹੋਰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਗਿਆ ਕਿ ਸਮੂਹ ਪੀ.ਸੀ.ਆਰ ਕਰਮਚਾਰੀਆਂ ਨੂੰ ਆਪਣੀ-ਆਪਣੀ ਡਿਊਟੀ ਸਬੰਧੀ ਬਰੀਫ ਕਰਕੇ ਸਬੰਧਤ ਬੀਟ ਦਾ ਰਵਾਨਾ ਕੀਤਾ ਗਿਆ ਅਤੇ ਤਿਉਹਾਰਾਂ ਦੇ ਸੀਜਨ ਦੇ ਮੱਦੇਨਜਰ ਆਪਣੀ ਆਪਣੀ ਬੀਟ ਵਿੱਚ ਲਗਾਤਾਰ ਗਸਤ/ਚੌਕਸੀ ਰੱਖਣ ਸਬੰਧੀ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ ਗਏ ਤਾਂ ਜੋ ਆਮ ਜਨਤਾ ਪੁਲਿਸ ਦੀ ਮੋਜੂਦਗੀ ਵਿੱਚ ਸੁਰੱਖਿਅਤ ਮਹਿਸੂਸ ਕਰ ਸਕੇ। ਸ਼ਹਿਰ ਮਾਲੇਰਕੋਟਲਾ ਸੰਘਣੀ ਆਬਾਦੀ ਵਾਲਾ ਖੇਤਰ ਹੋਣ ਕਾਰਨ ਪੀ.ਸੀ.ਆਰ ਦਸਤੇ ਨੂੰ ਤੰਗ ਗਲੀਆਂ ਵਿੱਚ ਆਉਣ ਜਾਣ ਵਿੱਚ ਆਸਾਨੀ ਹੋਵੇਗੀ ਅਤੇ ਪੰਜਾਬ ਪੁਲਿਸ ਹੈਲਪਲਾਈਨ ਨੰਬਰ 112 ਪਰ ਮੋਸੂਲ਼ ਹੋਈਆ ਦਰਖਾਸਤਾਂ ਪਰ ਤੁਰੰਤ ਕਾਰਵਾਈ ਕਰਨ ਲਈ ਪੀ.ਸੀ.ਆਰ ਕਰਮਚਾਰੀ ਮੌਕਾ ਪਰ ਆਸਾਨੀ ਨਾਲ ਜਾ ਸਕਦੇ ਹਨ। ਜਿ਼ਲ੍ਹਾ ਮਾਲੇਰਕੋਟਲਾ ਅੰਦਰ ਨਵੇਂ ਪੀ.ਸੀ.ਆਰ ਮੋਟਰਸਾਈਕਲ ਚਲਾਉਣ ਦਾ ਮੁੱਖ ਮੰਤਵ ਸ਼ਹਿਰੀ ਇਲਾਕੇ ਅੰਦਰ ਹੋ ਰਹੀਆਂ ਗੈਰ-ਕਾਨੂੰਨੀ ਘਟਨਾਵਾਂ ਨੂੰ ਕਾਬੂ ਕਰਨਾ ਅਤੇ ਸਹਿਰ ਅੰਦਰ ਟ੍ਰੈਫਿਕ ਸਮੱਸਿਆ ਨੂੰ ਕੰਟਰੋਲ ਕਰਨਾ ਹੈ ਤਾਂ ਜੋ ਆਮ ਜਨਤਾ ਨੂੰ ਕਿਸੇ ਕਿਸਮ ਦੀ ਕੋਈ ਪਰੇਸਾਨੀ ਨਾ ਹੋ ਸਕੇ।