ਅੱਠ ਦਿਨ ਤੱਕ ਚਲਿਆ ਇਲਾਜ, ਆਲੂ ਉਬਾਲਦੇ ਸਮੇਂ ਤਿਲਕ ਗਿਆ ਸੀ ਪੈਰ
ਅੰਮ੍ਰਿਤਸਰ : ਹਰਿਮੰਦਰ ਸਾਹਿਬ ਦੇ ਲੰਗਰ ਹਾਲ ’ਚ ਪੈਰ ਤਿਲਕ ਜਾਣ ਕਾਰਨ ਕੜਾਹੀ ਵਿੱਚ ਡਿੱਗਣ ਵਾਲੇ ਸੇਵਾਦਾਰ ਦੀ ਅੱਜ ਦਿਨਾਂ ਦੇ ਇਲਾਜ ਤੋਂ ਬਾਅਦ ਮੌਤ ਹੋ ਗਈ ਹੈ। ਸੇਵਾਦਾਰ ਦੀ ਪਛਾਣ ਬਲਬੀਰ ਸਿੰਘ ਵਾਸੀ ਧਾਲੀਵਾਲ ਜ਼ਿਲ੍ਹਾ ਗੁਰਦਾਸਪੁਰ ਵਜੋਂ ਹੋਈ ਹੈ ਜਿਹੜਾ ਉਬਲਦੇ ਆਲੂਆਂ ਦੀ ਕੜਾਈ ਵਿੱਚ ਡਿੱਗ ਗਿਆ ਸੀ। ਇਸ ਤੋਂ ਬਾਅਦ ਸੇਵਾਦਾਰ ਨੂੰ ਸ੍ਰੀ ਗੁਰੂ ਰਾਮਦਾਸ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ। ਜਾਣਕਾਰੀ ਅਨੁਸਾਰ ਸੇਵਾਦਾਰ ਆਲੂ ਉਬਾਲਣ ਸਮੇਂ ਕੜਾਹੀ ’ਤੇ ਝੱਗ ਨੂੰ ਸਾਫ਼ ਕਰਨ ਗਿਆ ਸੀ ਪਰ ਪੈਰ ਤਿਲਕ ਜਾਣ ਕਾਰਨ ਉਹ ਸਿੱਧਾ ਕੜਾਹੀ ਵਿੱਚ ਡਿੱਗ ਗਿਆ। ਜਿਸ ਕਾਰਨ ਉਸਦਾ 70 ਫ਼ੀ ਸਦੀ ਸਰੀਰ ਸੜ ਗਿਆ ਸੀ।