ਸਹੂਲਤਾਂ ਤੇ ਸਟਾਫ਼ ਦੀ ਘਾਟ
ਸੁਨਾਮ : ਸੇਵਾ ਹੀ ਸੰਗਠਨ ਦੇ ਤਹਿਤ ਭਾਰਤੀ ਜਨਤਾ ਪਾਰਟੀ ਦੇ ਜ਼ਿਲ੍ਹਾ ਪ੍ਰਧਾਨ ਰਿਸ਼ੀ ਪਾਲ ਖੇਰਾ ਨੇ ਕੋਵਿਡ19 ਦੇ ਚਲਦੇ ਸਿਵਲ ਹਸਪਤਾਲ ਵਿੱਚ ਪਹੁੰਚ ਕੇ ਡਾਕਟਰਾਂ ਨਾਲ ਮੁਲਾਕਾਤ ਕੀਤੀ ਅਤੇ ਹਸਪਤਾਲ ਵਿਚ ਚੱਲ ਰਹੇ ਪ੍ਰਬੰਧਾਂ ਬਾਰੇ ਜਾਣਕਾਰੀ ਹਾਸਲ ਕੀਤੀ। ਜ਼ਿਲ੍ਹਾ ਪ੍ਰਧਾਨ ਰਿਸ਼ੀਪਾਲ ਖੇਰਾ ਨੇ ਦਸਿਆ ਕਿ ਸੁਨਾਮ ਦਾ ਸਿਵਲ ਹਸਪਤਾਲ ਤਾਂ ਰੱਬ ਆਸਰੇ ਹੀ ਚਲਦਾ ਨਜ਼ਰ ਆ ਰਿਹਾ ਹੈ। ਹਸਪਤਾਲ ਵਿਚ ਇਕ ਪਾਸੇ ਤਾਂ ਸਟਾਫ਼ ਦੀ ਘਾਟ ਹੈ ਦੂਜੇ ਪਾਸੇ ਕੇਂਦਰ ਸਰਕਾਰ ਵੱਲੋਂ ਭੇਜੇ ਗਏ ਵੈਂਟੀਲੇਟਰ ਹਾਲੇ ਤੱਕ ਡੱਬਿਆਂ ਵਿਚ ਹੀ ਬੰਦ ਪਏ ਹਨ।
ਇਸ ਤੋਂ ਇਲਾਵਾ ਜਨਰਲ ਵਾਰਡ ਵਿੱਚ ਬੈੱਡਾਂ ਦੀ ਵੀ ਘਾਟ ਨਜ਼ਰ ਆ ਰਹੀ ਹੈ। ਉਨ੍ਹਾਂ ਕਿਹਾ ਇਥੇ ਕਰੋਨਾ ਮਰੀਜ਼ਾਂ ਦੀ ਸੰਭਾਲ ਲਈ ਕੋਈ ਖ਼ਾਸ ਪ੍ਰਬੰਧ ਨਹੀਂ ਹਨ। ਕਰੋਨਾ ਮਰੀਜ਼ਾਂ ਨੂੰ ਸੰਗਰੂਰ, ਮਾਲੇਰਕੋਟਲਾ ਜਾਂ ਫ਼ਿਰ ਪਟਿਆਲਾ ਰੈਫ਼ਰ ਕੀਤਾ ਜਾਂਦਾ ਹੈ।