ਸੀਨੀਅਰ ਸਹਾਇਕ ਦੀ ਸੇਵਾ ਮੁਕਤੀ ਦੇ ਮੌਕੇ ਨਿਘੀ ਵਿਦਾਇਗੀ 

ਡੇਰਾਬੱਸੀ : ਅੱਜ ਦਫਤਰ ਸੀ.ਡੀ.ਪੀ.ਓ ਡੇਰਾਬੱਸੀ ਦੇ ਕਰਮਚਾਰੀ ਸਵਰਨਜੀਤ ਸਿੰਘ, ਸੀਨੀਅਰ ਸਹਾਇਕ ਦੀ ਸੇਵਾ ਮੁਕਤੀ ਦੇ ਮੌਕੇ ਤੇ ਸੀ.ਡੀ.ਪੀ.ਓ ਮੈਡਮ ਸ੍ਰੀਮਤੀ ਸੁਮਨ ਬਾਲਾ ਵਲੋਂ ਉਨ੍ਹਾਂ ਨੂੰ ਸਰਕਾਰੀ ਸੇਵਾ ਤੋਂ ਨਿਘੀ ਵਿਦਾਇਗੀ ਦਿਤੀ ਗਈ ਅਤੇ ਉਨ੍ਹਾਂ ਵਲੋਂ ਡੇਰਾਬੱਸੀ ਬਲਾਕ ਵਿੱਚ ਸਾਲ 2003 ਤੋਂ ਲੈ ਕੇ ਸੇਵਾ ਮੁਕਤੀ ਦੀ ਮਿਤੀ ਤੱਕ ਕੀਤੇ ਗਏ ਕਾਰਜਾਂ ਦੀ ਭਰਪੂਰ ਪ੍ਰਸੰਸਾ ਕੀਤੀ ਗਈ। ਇਥੇ ਇਹ ਵੀ ਦੱਸਣਯੋਗ ਹੈ ਕਿ ਸ੍ਰੀ ਸਵਰਨਜੀਤ ਸਿੰਘ ਵਲੋਂ ਬਲਾਕ ਡੇਰਾਬੱਸੀ ਵਿਖੇ ਆਪਣੇ ਕਾਰਜਕਾਲ ਦੌਰਾਨ ਬਤੌਰ ਕਲਰਕ/ਸੀਨੀਅਰ ਸਹਾਇਕ 10-12 ਸਾਲ ਬੁਢਾਪਾ ਪੈਨਸ਼ਨ ਅਤੇ ਹੋਰ ਵਿੱਤੀ ਪੈਨਸ਼ਨਾਂ ਦੀ ਸੇਵਾ ਤਨਦੇਹੀ ਨਾਲ ਕੀਤੀ ਗਈ। ਇਸ ਸਬੰਧੀ ਹਾਜਰ ਅਧਿਕਾਰੀਆਂ ਵਲੋਂ ਉਨ੍ਹਾਂ ਦੀ ਖੂਬ ਪ੍ਰਸੰਸਾ ਕੀਤੀ ਗਈ ਅਤੇ ਸਬੰਧਤ ਕਰਮਚਾਰੀ ਨੂੰ ਅਣਮੁੱਲੇ ਤੋਹਫੇ ਦੇ ਕੇ ਸੇਵਾ ਮੁਕਤ ਕੀਤਾ ਗਿਆ। ਇਸ ਸਮੇਂ ਦਫਤਰ ਦੀ ਮੁੱਖ ਅਧਿਕਾਰੀ ਸੀ.ਡੀ.ਪੀ.ਓ ਮੈਡਮ ਸ੍ਰੀਮਤੀ ਸੁਮਨ ਬਾਲਾ ਤੇ ਦਫਤਰੀ ਸਮੂਹ ਸਟਾਫ ਹਾਜਰ ਸੀ ਅਤੇ ਮੁੱਖ ਦਫਤਰ ਚੰਡੀਗੜ੍ਹ ਤੋਂ ਯੂਨੀਅਨ ਦੇ ਪ੍ਰਧਾਨ ਸ੍ਰੀ ਮਨਮੋਹਨ ਸਿੰਘ ਚਹਿਲ, ਆਂਗਨਵਾੜੀ ਯੂਨੀਅਨ ਦੀ ਜਿਲ੍ਹਾ ਪ੍ਰਧਾਨ ਸ੍ਰੀਮਤੀ ਗੁਰਪ੍ਰੀਤ ਕੌਰ,  ਆਂਗਨਵਾੜੀ ਯੂਨੀਅਨ ਦੀ ਡੇਰਾਬੱਸੀ ਬਲਾਕ ਪ੍ਰਧਾਨ ਸ੍ਰੀਮਤੀ ਜਸਵਿੰਦਰ ਕੋਰ ਉਚੇਚੇ ਤੌਰ ਤੇ ਪਹੁੰਚੇ।