ਮਾਲੇਰਕੋਟਲਾ : ਇੱਥੋਂ ਦੇ ਸਾਹਿਬਜਾਦਾ ਫਤਿਹ ਸਿੰਘ ਸੀਨੀਅਰ ਸੈਕੰਡਰੀ ਸਕੂਲ ਮਾਲੇਰਕੋਟਲਾ ਵਿਖੇ ਪੜ੍ਹਦੇ ਵਿਦਿਆਰਥੀਆਂ ਦੇ ਮਾਪਿਆ ਨੇ ਸਕੂਲ ਵੱਲੋਂ ਨਵੇਂ ਸੈਸ਼ਨ ਵਿੱਚ ਫੀਸਾਂ ਦੇ ਵਾਧੇ ਨਾਲ ਲਗਾਏ ਗਏ ਮੈਨਟੀਨੈਸ ਫੰਡ ਦੇ ਵਿਰੋਧ ਵਿੱਚ ਡਿਪਟੀ ਕਮਿਸ਼ਨਰ ਮਾਲੇਰਕੋਟਲਾ ਦੇ ਨਾਮ ਸਹਾਇਕ ਕਮਿਸ਼ਨਰ (ਜ) ਹਰਬੰਸ ਸਿੰਘ ਨੂੰ ਪੱਤਰ ਸੌਪ ਕੇ ਸਕੂਲ ਵੱਲੋਂ ਫੀਸਾਂ ਵਿੱਚ ਕੀਤਾ ਵਾਧਾ ਅਤੇ ਮੈਨਟੀਨੈਸ ਫੰਡ ਵਾਪਸ ਲੈਣ ਦੇ ਨਾਦਰਸਾ਼ਹੀ ਫੈਸਲੇ ਨੂੰ ਵਾਪਸ ਲੈਣ ਦੀ ਅਪੀਲ ਕੀਤੀ । ਮੰਗ ਪੱਤਰ ਦੇਣ ਉਪਰੰਤ ਵਿਦਿਆਰਥੀਆਂ ਦੇ ਮਾਪਿਆ ਰਾਜੇਸ਼ ਕੁਮਾਰ, ਜਤਿੰਦਰ ਸਿੰਘ, ਅਸ਼ਵਨੀ ਸਿੰਘ, ਰੁਪਿੰਦਰ ਕੌਰ, ਮਨੋਜ਼ ਕੁਮਾਰ, ਮੁਹੰਮਦ ਨਸੀਮ, ਗੁਰਮੀਤ ਸਿੰਘ, ਸੁਲਤਾਨ, ਗੁਰਵੀਰ ਸਿੰਘ, ਅਜੀਤ ਸਿੰਘ, ਮੁਹੰਮਦ ਯਾਕੂਬ,ਦਲੀਪ ਕੁਮਾਰ, ਇਰਸ਼ਾਦ ਆਦਿਕ ਨੇ ਫੀਸ ਸਲਿੱਪਾ ਵਿਖਾਉਂਦੇ ਹੋਏ ਦੱਸਿਆ ਕਿਹਾ ਉਹਨਾਂ ਦੇ ਬੱਚੇ ਸਾਹਿਬਜਾਦਾ ਫਤਿਹ ਸਿੰਘ ਸੀਨੀਅਰ ਸੈਕੰਡਰੀ ਸਕੂਲ ਮਾਲੇਰਕੋਟਲਾ ਵਿਖੇ ਵੱਖ-ਵੱਖ ਜਮਾਤਾਂ ਵਿੱਚ ਪੜ੍ਹਾਈ ਕਰਦੇ ਹਨ ਅਤੇ ਜਿਸ ਕਰਕੇ ਉਹ ਸਕੂਲ ਦੀਆਂ ਹਦਾਇਤਾਂ `ਤੇ ਹੀ ਸਕੂਲ ਵੱਲੋਂ ਨਿਰਧਾਰਿਤ ਕੀਤੀਆਂ ਦੁਕਾਨਾਂ ਤੋਂ ਹੀ ਕਿਤਾਬਾਂ, ਕਾਪੀਆਂ ਅਤੇ ਵਰਦੀਆਂ ਤੈਅ ਸੁਦਾ ਰੇਟਾਂ ਤੇ ਖਰੀਦਦੇ ਆ ਰਹੇ ਹਨ ਅਤੇ ਜਦੋਂ ਵੀ ਸਕੂਲ ਵੱਲੋਂ ਕੋਈ ਹੋਰ ਪੇਪਰਾਂ ਜਾਂ ਕੋਈ ਸਮਾਗਮ ਕਰਨ ਸਬੰਧੀ ਫੀਸ਼ ਦੇਣ ਨੂੰ ਹਦਾਇਤ ਕੀਤੀ ਜਾਂਦੀ ਹੈ ਉਹ ਅਸੀਂ ਜਮ੍ਹਾ ਕਰਵਾਉਂਦੇ ਆ ਰਹੇ ਹਾਂ । ਉਨ੍ਹਾਂ ਦੱਸਿਆ ਕਿ ਪੰਜਾਬ ਸਰਕਾਰ ਨੇ ਹਦਾਇਤ ਕੀਤੀ ਹੈ ਕਿ ਪ੍ਰਾਈਵੇਟ ਸਕੂਲ ਵਾਧੂ ਫੀਸਾਂ ਨਹੀਂ ਲੈਣਗੇ ਪਰ ਸਕੂਲ ਵੱਲੋਂ ਮਾਪਿਆਂ ਨੂੰ ਬੱਚਿਆਂ ਰਾਹੀਂ ਭੇਜੀਆਂ ਫੀਸ ਸਲਿੱਪਾਂ ਵਿਚ ਜਿੱਥੇ ਫੀਸਾਂ ਵਿੱਚ ਵਾਧਾ ਕੀਤਾ ਗਿਆ ਹੈ ਉਥੇ ਹੀ ਮੈਨਟੀਨੈਸ ਫੰਡ ਜੋੜ ਕੇ ਭੇਜ ਦਿੱਤਾ ਹੈ, ਅਜਿਹਾ ਕਰਨ ਨਾਲ ਮਾਪਿਆਂ ਤੇ ਹਜਾਰਾਂ ਰੁਪਏ ਦਾ ਭਾਰੀ ਆਰਥਿਕ ਬੋਝ ਪੈ ਗਿਆ ਹੈ ਕਿਉਂਕਿ ਇੱਕ ਹੀ ਪਰਿਵਾਰ ਦੇ ਕਈ ਕਈ ਬੱਚੇ ਇਸੇ ਸਕੂਲ ਵਿੱਚ ਪੜ੍ਹਦੇ ਹਨ ।ਉਨ੍ਹਾਂ ਦੱਸਿਆ ਕਿ ਪਿਛਲੇ ਸੈਸ਼ਨ ਵਿੱਚ ਵੀ ਸਕੂਲ ਨੇ ਮੈਨਟੀਨੈਸ ਫੰਡ ਜਮ੍ਹਾ ਕਰਵਾਉਣ ਲਈ ਕਿਹਾ ਸੀ ਜਿਸ ਦੇ ਵਿਰੋਧ ਵਿੱਚ ਮਾਪਿਆ ਨੇ ਡਿਪਟੀ ਕਮਿਸਨਰ ਮਾਲੇਰਕੋਟਲਾ ਨੂੰ ਪੱਤਰ ਸੌਪਿਆ ਮਾਪਿਆ ਤੋਂ ਮੰਗ ਪੱਤਰ ਪ੍ਰਾਪਤ ਕਰਕੇ ਸਹਾਇਕ ਕਮਿਸ਼ਨਰ (ਜ) ਹਰਬੰਸ ਸਿੰਘ ਨੇ ਕਿਹਾ ਕਿ ਇਸ ਸਬੰਧੀ ਕਾਰਵਾਈ ਕਰਨ ਲਈ ਦਰਖਾਸਤ ਅੱਗੇ ਭੇਜ਼ ਦਿੱਤਾ ਹੈ।