ਜੇਕਰ ਕਿਸੇ ਖੇਤਰ ਵਿਚ ਮੁਕਾਮ ਹਾਸਲ ਕਰਨਾ ਹੋਵੇ ਤਾਂ ਉਸ ਲਈ ਘੋਰ ਤਪੱਸਿਆ ਕਰਨੀ ਪੈਂਦੀ ਹੈ। ਜਿਉ ਜਿਉ ਬੰਦਾ ਆਪਣੇ ਖੇਤਰ ਲਈ ਦਿਨ ਰਾਤ ਮੇਹਨਤ ਕਰਦਾ ਰਹਿੰਦਾ ਹੈ, ਉਵੇ ਹੀ ਤਰੱਕੀ ਉਸ ਦੀਆਂ ਬਰੂਹਾਂ ਤੇ ਖੜੀ ਨਜਰ ਆਉਦੀ ਹੈ ਪਰ ਇਹ ਕਹਾਵਤ ਕਿ ”ਦੋ ਪੈਰ ਘੱਟ ਤੁਰਨਾ ਪਰ ਤੁਰਨਾ ਮੜਕ ਦੇ ਨਾਲ ” ਦੁਆਬੇ ਦੇ ਜਿਲ੍ਹਾ ਹੁਸਿਆਰਪੁਰ ਵਿੱਚ ਪੈਂਦੇ ਪਿੰਡ ਡੰਡੋਹ ਦੇ ਨੋਜਵਾਨ ਗੱਭਰੂ ਤੇ ਯਾਰਾਂ ਦੇ ਯਾਰ ਸੰਨੀ ਡੰਡਵਾਲ ਤੇ ਪੂਰੀ ਤਰ੍ਹਾ ਢੁੱਕਦੀ ਹੈ। ਇਸ ਨੌਜਵਾਨ ਨੇ ਆਪਣੀ ਦਿਨ ਰਾਤ ਦੀ ਕੀਤੀ ਮੇਹਨਤ ਤੇ ਕਲਾ ਜਰੀਏ ਪੰਜਾਬੀ ਤੇ ਹਰਿਆਣਵੀ ਸੰਗੀਤ ਖੇਤਰ ਵਿਚ ਖੂਬ ਨਾਮਣਾ ਖੱਟਿਆ ਹੈ ਤੇ ਆਪਣੀ ਕਲਾ ਦਾ ਛਿੱਕਾ ਕਾਇਮ ਕੀਤਾ । ਅਦਾਕਾਰੀ ਦੇ ਬੱਲਬੁਤੇ ਤੇ ਸੰਨੀ ਹੁਣ ਤੱਕ ਬਹੁਤ ਸਾਰੇ ਨਾਮਵਰ ਪੰਜਾਬੀ ਤੇ ਹਿੰਦੀ ਗਾਇਕਾਂ ਦੇ ਗੀਤਾਂ ਦੀਆ ਵੀਡਿਊਜ ਵਿਚ ਨਾਇਕ ਖਲਨਾਇਕ ਦੀਆ ਭੁਮਿਕਾਵਾ ਵਿੱਚ ਦਮਦਾਰ ਅਦਾਕਾਰੀ ਰਾਹੀ ਨਜਰ ਆ ਚੁੱਕਾ ਹੈ। ਇਸ ਅਦਾਕਾਰ ਦਾ ਜਨਮ ਪਿਤਾ ਰਣਜੀਤ ਸਿੰਘ ਦੇ ਘਰ ਮਾਤਾ ਪਰਮਿਲਾ ਦੇਵੀ ਦੀ ਕੁੱਖ ਵਿੱਚੋ ਹੋਇਆ। ਬਚਪਨ ਵਿਚ ਸਕੂਲ ਪੜਦਿਆਂ ਉਸ ਨੂੰ ਕਲਾ ਦੀ ਚੇਟਕ ਲੱਗ ਗਈ ਜੋ ਕਿ ਹੌਲੀ ਹੌਲੀ ਉਸ ਨੂੰ ਇਸ ਖੇਤਰ ਵਿਚ ਅੱਗੇ ਵਧਾਉਣ ਵਿਚ ਕਾਰਗਰ ਸਾਬਤ ਹੋਈ। ਸੰਨੀ ਵਿੱਚ ਉਹ ਸਾਰੇ ਗੁਣ ਮੌਜੂਦ ਹਨ ਜੋਂ ਇਕ ਇਨਸਾਨ ਵਿਚ ਹੋਣੇ ਜਰੂਰੀ ਹੁੰਦੇ ਹਨ। ਪਰਿਵਾਰ ਦੀ ਹੱਲਾਸੇਰੀ ਨੇ ਉਸ ਨੂੰ ਕਦੇ ਵੀ ਪਿੱਛੇ ਮੁੜਨ ਨਹੀ ਦਿੱਤਾ ਤੇ ਉਸ ਦੇ ਹਰ ਇਕ ਸ਼ੌਂਕ ਨੂੰ ਪੂਰਾ ਕਰਨ ਲਈ ਮਾਪਿਆ ਨੇ ਹਰ ਤਰ੍ਹਾਂ ਦੀ ਮਦਦ ਕੀਤੀ। ਸੰਨੀ ਇੱਕ ਕਲਾਕਾਰ ਹੋਣ ਦੇ ਨਾਲ -ਨਾਲ ਇੱਕ ਸਮਾਜ ਸੇਵੀ ਦੇ ਤੌਰ ਤੇ ਵੀ ਆਪਣੇ ਇਲਾਕੇ ਵਿਚ ਵੱਖਰੀ ਪਹਿਚਾਣ ਰੱਖਦਾ ਹੈ। ਯਾਰਾਂ ਦੋਸਤਾਂ ਨਾਲ ਮਿਲ ਕੇ ਲਗਾਏ ਜਾਂਦੇ ਕੈਂਪਾਂ ਅਤੇ ਕੀਤੀ ਜਾਂਦੀ ਲੋੜਵੰਦਾਂ ਦੀ ਸਹਾਇਤਾ ਦਾ ਫਲ ਸੰਨੀ ਨੂੰ ਕਲਾ ਦੇ ਖੇਤਰ ਵਿਚ ਮਿਲ ਰਿਹਾ ਹੈ।ਕਿਉਕਿ ਉਸ ਵੱਲੋਂ ਫਿਲਮਾਂ ਗੀਤਾਂ ਆਦਿ ਵਿਚ ਕੀਤੇ ਗਏ, ਉਸ ਦੇ ਕੰਮ ਦੀ ਖੁਬ ਸਰਾਹਣਾ ਹੁੰਦੀ ਰਹੀ ਹੈ। ਸੰਨੀ ਦੀ ਸ਼ਰੀਰਕ ਦਿੱਖ ਨੇ ਉਸ ਨੂੰ ਕਲਾ ਦੇ ਖੇਤਰ ਵਿੱਚ ਵੱਖਰੀ ਪਹਿਚਾਣ ਦਿੱਤੀ । ਉਸ ਦੇ ਕੱਦ ਕਾਠ ਨੂੰ ਦੇਖ ਕੇ ਕਿਸੇ ਤੋਂ ਵੀ ਇਹ ਕਹੇ ਬਿਨ੍ਹਾ ਨਹੀ ਰਿਹਾ ਜਾ ਸਕਦਾ ਕਿ ਇਹ ਗੱਭਰੂ ਇਕ ਦਿਨ ਉੱਚ ਪਾਏ ਦਾ ਕਲਾਕਾਰ ਬਣੇਗਾ। ਸੰਨੀ ਹੁਣ ਤੱਕ ਚਾਰ ਦਰਜਨ ਦੇ ਕਰੀਬ ਗੀਤਾਂ ਵਿੱਚ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕਰਨ ਤੋਂ ਇਲਾਵਾ ਆਪਣੀ ਪਹਿਲੀ ਪੰਜਾਬੀ ਫਿਲਮ ਅੰਬਰਸਰੀਆ ਰਾਹੀ ਦਰਸ਼ਕਾਂ ਨੂੰ ਵੱਡੇ ਪਰਦੇ ਤੇ ਨਜਰ ਆਇਆ ਸੀ। ਜਿਸ ਤੋਂ ਬਾਅਦ ਉਸ ਨੇ ਫਿਲਮ, ”ਯਾਰਾ ਦੇ ਯਾਰ ” ਤੇ ਹਿੰਦ ਕੀ ਚਾਦਰ ਵਿੱਚ ਵੀ ਅਦਾਕਾਰੀ ਵਿਖਾ ਚੁੱਕਾ ਹੈ ਤੇ ਆਉਣ ਵਾਲੇ ਸਮੇਂ ਵਿਚ ਉਸ ਦੇ ਦਰਜਨ ਗੀਤ ਤੇ ਤਿੰਨ ਫਿਲਮਾਂ ਵੀ ਰੀਲੀਜ ਲਈ ਤਿਆਰ ਹਨ । ਜਿਸ ਵਿੱਚ ਵੀ ਦਰਸ਼ਕਾਂ ਨੂੰ ਵੱਖਰੀ ਦਿੱਖ ਰਾਹੀ ਨਜਰ ਆਵੇਗਾ। ਸੰਨੀ ਕਲਾ ਦੇ ਖੇਤਰ ਦੇ ਕੰਮ ਤੋਂ ਬੇਸ਼ੱਕ ਸੰਤੁਸਟ ਹੈ ਪਰ ਭਵਿੱਖ ਵਿਚ ਉਹ ਕਿਸੇ ਪ੍ਰਭਾਵਸਾਲੀ ਤੇ ਯਾਦਗਾਰੀ ਅਦਾਕਾਰੀ ਰਾਹੀ ਦਰਸ਼ਕਾ ਦੇ ਮਨ ਟੁੰਬਣ ਲਈ ਕਾਹਲਾ ਹੈ ਤੇ ਉਹ ਦਰਸਕਾਂ ਦੇ ਮਨਾਂ ਵਿਚ ਡੂੰਘੀ ਤੇ ਅਮਿੱਟ ਛਾਪ ਛੱਡਣੀ ਚਾਹੁੰਦਾ ਹੈ। ਉਹ ਬੇਹੱਦ ਸੁਕਰਗੁਜਾਰ ਹੈ ਆਪਣੇ ਸੰਗੀ ਸ਼ਾਥੀਆਂ ਕਲਾਕਾਰਾਂ, ਗੀਤਕਾਰਾਂ ਹਰਡਿਕ ਜੋਸਨ, ਗੀਤਕਾਰ ਪਵਨ ਚੋਟੀਆ, ਗਾਇਕ ਸੁਖਵੰਤ ਲਵਲੀ, ਜੋਤ ਹਰਜੋਤ, ਸੁਖਦੀਪ ਸੁੱਖੀ, ਰੈਡ ਲਾਇਫ ਟੀਮ, ਕੁਲਜੀਤ ਸਿੰਘ, ਗਗਨ ਵੈਦ, ਅਜੈ ਸਿੰਘ, ਦੁਪੇਸ ਗੋਇਲ,ਰਮੇਸ ਸੁਵਾਮੀ, ਜੱਗੂ ਮਹਿਰਾ, ਰਾਣਾ ਰੰਗੀ ਦਾ ਤਹਿ ਦਿੱਲੋਂ ਧੰਨਵਾਦ ਕਰਦਾ ਹੈ ਜਿਨ੍ਹਾ ਨੇ ਉਸ ਨੂੰ ਇਸ ਕਲਾ ਦੇ ਖੇਤਰ ਵਿਚ ਹਰ ਤਰ੍ਹਾ ਦਾ ਸਹਿਯੋਗ ਦਿੱਤਾ।